2024 ರ ವರ್ಷವನ್ನು ಹುಂಡೈ ಮೋಟಾರ್ ಇಂಡಿಯಾ ಭರ್ಜರಿಯಾಗಿ ಆರಂಭಿಸಿದ್ದು, ಹುಂಡೈ ಕ್ರೆಟಾ ಮಾದರಿಯನ್ನು ಭಾರತದಲ್ಲಿ 11 ಲಕ್ಷ ರೂ. ಆರಂಭಿಕ ಬೆಲೆಯಲ್ಲಿ ಬಿಡುಗಡೆ ಮಾಡಿದೆ. ಹುಂಡೈ ಮೋಟಾರ್ ಇಂಡಿಯಾ ಅಧಿಕೃತವಾಗಿ ಕ್ರೆಟಾದ ಬಹು ನಿರೀಕ್ಷಿತ 2024 ಫೇಸ್‌ಲಿಫ್ಟ್ ಅನ್ನು ಈ ವಾರದ ಆರಂಭದಲ್ಲಿ ವಿತರಿಸಲು ಪ್ರಾರಂಭಿಸಿದೆ.
ಸುಧಾರಿತ ಹೊಸ ವಿನ್ಯಾಸ ಮತ್ತು ವೈಶಿಷ್ಟ್ಯ, ಪರಿಷ್ಕರಿಸಿದ ಒಳಾಂಗಣ ವಿನ್ಯಾಸವನ್ನು ಹೊಂದಿರುವ ಮಧ್ಯಮ ಗಾತ್ರದ ಎಸ್ ಯು ವಿ, ದೇಶದಲ್ಲೇ ಎಸ್ ಯು ವಿ ಗಳಲ್ಲಿ ಅಗ್ರಗಣ್ಯವಾಗಿದೆ. ಹುಂಡೈ ಕ್ರೆಟಾ 2024 ಮೊದಲ ಬ್ಯಾಚ್ ವಿತರಣೆಗಳು ಈಗಾಗಲೇ ಭಾರತದ ವಿವಿಧ ಪ್ರದೇಶಗಳಲ್ಲಿ ನಡೆಯುತ್ತಿವೆ.
ಹೊಸ ಹುಂಡೈ ಕ್ರೆಟಾ ಹುಂಡೈನ ಗ್ಲೋಬಲ್ ಡಿಸೈನ್ ಲಾಂಗ್ವೇಜ್ ಆಫ್ ‘ಸೆನ್ಸುಯಸ್ ಸ್ಪೋರ್ಟಿನೆಸ್’ ಅನ್ನು ಆಧರಿಸಿದೆ. ಇದು ಮಾರುಕಟ್ಟೆಯಲ್ಲಿ ಗಮನಾರ್ಹ ಪರಿಣಾಮ ಬೀರುವ ಭರವಸೆಯನ್ನು ನೀಡುತ್ತದೆ. ಇದು ಕಪ್ಪು ಕ್ರೋಮ್ ಪ್ಯಾರಾಮೆಟ್ರಿಕ್ ರೇಡಿಯೇಟರ್ ಗ್ರಿಲ್, ಕ್ವಾಡ್ ಬೀಮ್ ಎಲ್ಇಡಿ ಹೆಡ್‌ಲ್ಯಾಂಪ್‌ಗಳು ಮತ್ತು ಸಿಗ್ನೇಚರ್ ಸಂಪರ್ಕಿತ ಎಲ್ಇಡಿ ಟೈಲ್ ಲ್ಯಾಂಪ್‌ನಂತಹ ವೈಶಿಷ್ಟ್ಯಗಳೊಂದಿಗೆ ಬಾಹ್ಯ ವಿನ್ಯಾಸ ಹೊಂದಿದೆ.
Loading ...