ಭಾರತೀಯ ವಿವಾಹಗಳು ಸಂಪ್ರದಾಯಗಳು, ಸಂಗೀತ, ನೃತ್ಯ, ರುಚಿಕರವಾದ ಆಹಾರ ಮತ್ತು ಬಹಳಷ್ಟು ವಿನೋದದಿಂದ ತುಂಬಿವೆ. ಪಂಜಾಬಿ ವಿವಾಹಗಳಲ್ಲಿ ಮದುವೆ ಸಮಾರಂಭವು ವೇದಿಕೆಯಲ್ಲಿ ಹಾರಗಳನ್ನು ಪರಸ್ಪರ ವಿನಿಮಯ ಮಾಡಿಕೊಳ್ಳುವುದರೊಂದಿಗೆ ಪ್ರಾರಂಭವಾಗುತ್ತದೆ. ಈ ಸಮಾರಂಭದಲ್ಲಿ, ವಧು ಮತ್ತು ವರರು ತಮಾಷೆಯಾಗಿ ಪರಸ್ಪರ ಕೀಟಲೆ ಮಾಡುತ್ತಾರೆ. ಇದೀಗ ಇಂಥದ್ದೇ ತಮಾಷೆಯ ವಿಡಿಯೋವೊಂದು ವೈರಲ್ ಆಗಿದೆ.
ಇನ್‌ಸ್ಟಾಗ್ರಾಮ್‌ನಲ್ಲಿ ವೈರಲ್ ಆಗುತ್ತಿರುವ ಈ ವಿಡಿಯೊದಲ್ಲಿ, ವಧು ಹಾರವನ್ನು ಸ್ವೀಕರಿಸಲು ನಿರಾಕರಿಸಿದ್ದಾಳೆ. ಈ ಜೋಡಿಯು ಕೆಂಪು ಮತ್ತು ಗೋಲ್ಡನ್ ಬಣ್ಣದ ಸಾಂಪ್ರದಾಯಿಕ ಉಡುಗೆಗಳನ್ನು ಧರಿಸಿದ್ದಾರೆ. ಸಮಾರಂಭವು ಪ್ರಾರಂಭವಾಗುತ್ತಿದ್ದಂತೆ, ವರನು ಹೂವಿನ ಹಾರವನ್ನು ವಧುವಿನ ಕೊರಳಿಗೆ ಹಾಕಲು ಸಿದ್ಧವಾಗಿದ್ದಾನೆ. ಈ ವೇಳೆ ವಧು ತಮಾಷೆಯಾಗಿ ತನ್ನ ತಲೆಯನ್ನು ಅಲ್ಲಾಡಿಸುತ್ತಾ, ಇಲ್ಲ ಎಂದು ಹೇಳುತ್ತಾಳೆ,
ಹಾರ ಹಾಕಿಸಿಕೊಳ್ಳಲು ವಧು ನಿರಾಕರಿಸಿದ್ದಕ್ಕೆ ಸೋಫಾದ ಮೇಲೆ ಕುಳಿತ ವರ, ವಧು ಹೌದು ಎಂದು ಹೇಳಲು ಕಾಯುತ್ತಾನೆ. ಆದರೆ, ಈ ಯೋಜನೆ ಕೆಲಸ ಮಾಡುತ್ತಿಲ್ಲ ಎಂದು ಅರಿವಾಗಿ, ಅವನು ಹೊಸ ತಂತ್ರದೊಂದಿಗೆ ಬರುತ್ತಾನೆ. ಟ್ರಿಕ್ ಏನೆಂದರೆ ವರನು ಅವಳ ಮುಂದೆ ಬಾಗಿ, ಅವಳಿಗೆ ಅತ್ಯಂತ ರೋಮ್ಯಾಂಟಿಕ್ ಪ್ರಸ್ತಾವನೆಯನ್ನು ನೀಡಿದ್ದಾನೆ. ಇದರಿಂದ ಸಂತೋಷಗೊಂಡ ವಧು ತನ್ನ ಮೊಣಕಾಲುಗಳ ಮೇಲೆ ಕುಳಿತು ಕುತ್ತಿಗೆಯನ್ನು ಬಗ್ಗಿಸಿದ್ದಾಳೆ. ಈ ವೇಳೆ ವರ ಸಹ ಖುಷಿಯಿಂದ ಹಾರವನ್ನು ಹಾಕಿದ್ದಾನೆ.
ಸದ್ಯ, ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ನೆಟ್ಟಿಗರ ಮನಗೆದ್ದಿದೆ.
Loading ...