ಬೆಂಗಳೂರಿನ ವರ್ತಕರಿಗೆ BBMP ಯಿಂದ ಮಹತ್ವದ ಮಾಹಿತಿ

ಬೆಂಗಳೂರಿನ ವರ್ತಕರಿಗೆ ಇದ್ದ ಲೈಸೆನ್ಸ್​ ನವೀಕರಣದ ಗಡುವನ್ನು ಬಿಬಿಎಂಪಿ ವಿಸ್ತರಿಸಿದ್ದು ಇದರಿಂದ ಸಾವಿರಾರು ವರ್ತಕರಿಗೆ ಬಿಗ್​ ರಿಲೀಫ್​ ಸಿಕ್ಕಂತಾಗಿದೆ.

ಪರವಾನಗಿಯನ್ನು ನವೀಕರಿಸಲು ವ್ಯಾಪಾರಿಗಳಿಗೆ ಮಾರ್ಚ್ 31ರವರೆಗೆ ಗಡುವು ನೀಡಲಾಗಿದೆ. ಹೀಗಾಗಿ ಮಾರ್ಚ್​ 31ರ ಒಳಗಾಗಿ ಅರ್ಜಿ ಸಲ್ಲಿಸುವ ವರ್ತಕರು ಬಿಬಿಎಂಪಿ ಸೂಚನೆ ನೀಡಿರುವಂತೆ 25 ಪ್ರತಿಶತ ದಂಡವನ್ನು ಪಾವತಿ ಮಾಡಬೇಕಿಲ್ಲ.

ಹೆಚ್ಚಿನ ಸಂಖ್ಯೆಯ ವ್ಯಾಪಾರಿಗಳು ನವೀಕರಣಕ್ಕೆ ಅರ್ಜಿ ಸಲ್ಲಿಸದ ಹಿನ್ನೆಲೆಯಲ್ಲಿ ದಂಡವನ್ನು ಒಂದು ತಿಂಗಳುಗಳ ಕಾಲ ವಸೂಲಿ ಮಾಡದೇ ಇರಲು ನಿರ್ಧರಿಸಲಾಗಿದೆ.

ಆದರೆ ಈ ದಂಡ ಮನ್ನಾವು ಮಾರ್ಚ್ 31ರ ಬಳಿಕ ಪರವಾನಗಿ ನವೀಕರಣಕ್ಕೆ ಅರ್ಜಿ ಸಲ್ಲಿಸುವವರಿಗೆ ಅನ್ವಯಿಸುವುದಿಲ್ಲ. ಇವರು 100 ಪ್ರತಿಶತ ದಂಡ ಪಾವತಿ ಮಾಡಲೇಬೇಕು ಎಂದು ಬಿಬಿಎಂಪಿ ಹೇಳಿದೆ.