ಕೋವಿಡ್ ಸಂದರ್ಭದಲ್ಲಿ ಜನ ಸೇವೆಯ ಮೂಲಕ ತನ್ನ ಇನ್ನೊಂದು ಮುಖವನ್ನು ದೇಶಕ್ಕೆ ಪರಿಚಯಿಸಿದ ಬಹುಭಾಷಾ ತಾರೆ ಸೋನುಸೂದ್ ಅನೇಕರ ಪಾಲಿಗೆ ನಿಜವಾದ ಹೀರೋ. ಸೋನು ಯಾವ ರೀತಿ ಜನರ ಮನ ಗೆದ್ದಿದ್ದಾರೆ ಎಂಬುದಕ್ಕೆ ತಾಜಾ ಉದಾಹರಣೆ ಎಂದರೆ, ಪೂರ್ವ ದೆಹಲಿಯ ವ್ಯಕ್ತಿಯೊಬ್ಬರು ಸೋನು ಸೂದ್ ಹೆಸರನ್ನೇ ತಮ್ಮ ಫುಡ್ ಸ್ಟಾಲ್ಗೆ ಇಟ್ಟಿದ್ದಾರೆ.
ಆರಾಧನಾ ರಾಥೋಡ್ ಎಂಬುವರು ಟ್ವಿಟರ್ನಲ್ಲಿ ಹಂಚಿಕೊಂಡ ಪೋಸ್ಟ್ನಲ್ಲಿರುವಂತೆ ಸೋನು ಸೂದ್ ಹೆಸರಿನ ಫುಡ್ ಸ್ಟಾಲ್ ಕಾಣಿಸುತ್ತದೆ. ಚಿಕ್ಕ ಚೊಕ್ಕವಾಗಿ ಇರಿಸಲಾದ ಸ್ಟಾಲ್ ಗೆ ಸೂದ್ ಹೆಸರಿಡಲು ಕಾರಣವೂ ಇದೆ. ಈ ಫುಡ್ ಸ್ಟಾಲ್ ಆರಂಭಿಸಿ ತನ್ನ ಕಾಲಮೇಲೆ ಆತ ನಿಂತುಕೊಳ್ಳಲು ಸಹಾಯ ಮಾಡಿದ್ದು ಸೋನ್ ಸೂದ್ ಅವರಂತೆ.
ಈ ವ್ಯಕ್ತಿಯ ಸಣ್ಣ ವ್ಯಾಪಾರ ಚೆನ್ನಾಗಿ ನಡೆಯುತ್ತಿರುವುದು ಕಂಡು ಖುಷಿಯಾಯಿತು. ನಿಮ್ಮ ಸಹಾಯದ ಹಸ್ತವು ಇಂದು ಅವರನ್ನು ಉದ್ಯೋಗದಲ್ಲಿ ಸಶಕ್ತರನ್ನಾಗಿಸಿದೆ ಎಂದು ಆರಾಧನಾ ಎಂಬವರು ಟ್ವೀಟ್ ಮಾಡಿದ್ದಾರೆ.
ಈ ಪೋಸ್ಟ್ಗೆ ಉತ್ತರ ನೀಡಿರುವ ಸೋನುಸೂದ್, “ಭಾಯ್ ಸೆ ಕಹೋ ಕಭಿ ಹುಮೇ ಭೀ ನಾನ್ ಖಿಲಾಯೇ (ಅಣ್ಣನಿಗೆ ಹೇಳಿ, ನನಗೂ ಒಂದು ಪ್ಲೇಟ್…..) ಎಂದು ಲವ್ ಸಿಂಬಲ್ನೊಂದಿಗೆ ಹಾಕಿದ್ದಾರೆ. ನೆಟ್ಟಿಗರು ಈ ಪೋಸ್ಟ್ ಹಾಗೂ ಸೋನು ಸೂದ್ ಉತ್ತರವನ್ನು ಮೆಚ್ಚಿದ್ದಾರೆ. ನೂರಾರು ಮಂದಿ ಪ್ರತಿಕ್ರಿಯೆ ನೀಡಿದ್ದಾರೆ.
Loading ...