ಭಾರತದ ಪ್ರಧಾನಿ ನರೇಂದ್ರ ಮೋದಿಯವರಿಗೆ ಇಡೀ ವಿಶ್ವದಲ್ಲೆ ಅತ್ಯಂತ ಉನ್ನತ ಮಟ್ಟದ ಸೆಕ್ಯುರಿಟಿ ಇದೆ. ಇದೀಗ ಈ ಭದ್ರತಾ ದಳದಲ್ಲಿ ಮತ್ತೊಂದು ಅಪ್ಡೇಟ್ ಆಗಿದ್ದು, ದುಬಾರಿ ಶಸ್ತ್ರಸಜ್ಜಿತ ವಾಹನದ ಸೇರ್ಪಡೆಯಾಗಿದೆ. ಈಗಾಗಲೇ ರೇಂಜ್ ರೋವರ್ ಹಾಗೂ ಲ್ಯಾಂಡ್ ಕ್ರ್ಯೂಸರ್ ವಾಹನಗಳು ಪಿಎಂ ಭದ್ರತಾ ದಳದಲ್ಲಿವೆ. ಈ ದಳಕ್ಕೆ ಹೊಸದಾಗಿ ಸೇರ್ಪಡೆಯಾಗಿರುವುದು ಮರ್ಸಿಡೀಸ್-ಮೇಬ್ಯಾಕ್ S650 ವರ್ಷನ್.
ಭಾರತ ಪ್ರವಾಸಕ್ಕೆ ಬಂದಿದ್ದ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರನ್ನು ಸ್ವಾಗತಿಸುವಾಗ ದೆಹಲಿಯ ಹೈದರಾಬಾದ್ ಹೌಸ್‌ನಲ್ಲಿ ಮೋದಿ ಅವರು ಹೊಸ ಕಾರಿನೊಂದಿಗೆ ಮೊದಲು ಕಾಣಿಸಿಕೊಂಡರು. ಈ ವಾಹನವು ಇತ್ತೀಚೆಗೆ ಮೋದಿಯವರ ರ್ಯಾಲಿಯ ಬೆಂಗಾವಲು ಪಡೆಯಲ್ಲಿ ಕಾಣಿಸಿಕೊಂಡಿತು. VR10-ಮಟ್ಟದ ರಕ್ಷಣೆಯೊಂದಿಗೆ ಪ್ರಮಾಣೀಕರಿಸಲ್ಪಟ್ಟಿರುವ, ಮರ್ಸಿಡಿಸ್-ಮೇಬ್ಯಾಕ್ S650 ಗಾರ್ಡ್ ಸದ್ಯ ಉತ್ಪಾದನೆಯಾಗುತ್ತಿರುವ ಅತ್ಯಂತ ಉನ್ನತ ಮಟ್ಟದ ರಕ್ಷಣೆ ನೀಡುವ ವಾಹನ ಎಂದು ಹೇಳಲಾಗುತ್ತದೆ.
11 ವರ್ಷದ ಬಾಲಕಿ ಗರ್ಭಪಾತಕ್ಕೆ ಅನುಮತಿ ನೀಡಿದ ಬಾಂಬೆ ಹೈಕೋರ್ಟ್
ವರದಿಯ ಪ್ರಕಾರ, ಕಾರಿನ ಕಿಟಕಿಗಳನ್ನು ಪಾಲಿಕಾರ್ಬೊನೇಟ್‌ನಿಂದ ಲೇಪಿಸಲಾಗಿದ್ದು, ಗಟ್ಟಿಯಾದ ಸ್ಟೀಲ್ ಕೋರ್ ಬುಲೆಟ್‌ಗಳನ್ನು ತಡೆದುಕೊಳ್ಳುವ ಕ್ಷಮತೆಯಿದೆ. ಮರ್ಸಿಡಿಸ್ ನ ಈ ಮಾಡೆಲ್ 2010 ರ ಎಕ್ಸ್ ಪ್ಲೋಷನ್ ಪ್ರೂಫ್ ವೆಹಿಕಲ್ (ERV) ರೇಟಿಂಗ್ ಅನ್ನು ಪಡೆದುಕೊಂಡಿದೆ. ಅಂದರೆ ಕೇವಲ 2 ಮೀಟರ್ ದೂರದಲ್ಲಿ 15kg TNT ಸ್ಫೋಟವಾದರು ಪ್ರಯಾಣಿಕರನ್ನು ರಕ್ಷಿಸುವ ಸಾಮರ್ಥ್ಯ ಈ ವಾಹನಕ್ಕಿದೆ. ನೇರ ಸ್ಫೋಟಗಳಿಂದ ಪ್ರಯಾಣಿಕರನ್ನು ರಕ್ಷಿಸಲು ವಾಹನದ ಕೆಳಗಿನ ಭಾಗವು ಹೆಚ್ಚು ಶಸ್ತ್ರಸಜ್ಜಿತವಾಗಿದೆ. ಗ್ಯಾಸ್ ದಾಳಿಯ ಸಂದರ್ಭದಲ್ಲಿ ಕ್ಯಾಬಿನ್ ಪ್ರತ್ಯೇಕ ವಾಯು ಪೂರೈಕೆಯನ್ನು ಸಹ ಪಡೆಯುತ್ತದೆ. ಕಾರಿನಲ್ಲಿ ವಿಶೇಷ ರನ್-ಫ್ಲಾಟ್ ಟೈರ್‌ಗಳನ್ನು ಅಳವಡಿಸಲಾಗಿದೆ, ಇದು ಹಾನಿ ಅಥವಾ ಪಂಕ್ಚರ್ ಸಂದರ್ಭದಲ್ಲಿ ತ್ವರಿತವಾಗಿ ಕಾರ್ಯನಿರ್ವಹಿಸುವುದನ್ನು ಮುಂದುವರಿಸುತ್ತದೆ.
S650 ಗಾರ್ಡ್ 6.0 ಲೀಟರ್ ಟ್ವಿನ್-ಟರ್ಬೊ V12 ಎಂಜಿನ್‌ನಿಂದ ಚಾಲಿತವಾಗಿದೆ. ಈ ವಾಹನದ ಗರಿಷ್ಠ ವೇಗವು 160kmph ಗೆ ಸೀಮಿತವಾಗಿದೆ. ಕಳೆದ ವರ್ಷ ಭಾರತದಲ್ಲಿ S600 ಗಾರ್ಡ್ ಅನ್ನು 10.5 ಕೋಟಿ ರೂಪಾಯಿಗಳಿಗೆ ಬಿಡುಗಡೆ ಮಾಡಿತ್ತು, S650 ಗೆ 12 ಕೋಟಿ ರೂಪಾಯಿಗಳಿಗಿಂತ ಹೆಚ್ಚು ವೆಚ್ಚವಾಗಬಹುದು. ಆದರೆ, ಪ್ರಧಾನಿಗಾಗಿ ಮಾರ್ಪಡಿಸಿರುವ ಈ ವಾಹನದ ಬೆಲೆಯ ಮಾಹಿತಿ ತಿಳಿದಿಲ್ಲ.
Loading ...