ನಿಯಂತ್ರಣ ತಪ್ಪಿ ಕನ್ವೆನ್ಷನ್ ಸೆಂಟರ್ಗೆ ಅಪ್ಪಳಿಸಿದ ಟೆಸ್ಲಾ ಕಾರು 15-05-2022 6:35AM IST / No Comments / Posted In: Latest News, Live News, International ನಿಯಂತ್ರಣ ತಪ್ಪಿದ ಟೆಸ್ಲಾ ಕಾರೊಂದು ಕನ್ವೆನ್ಷನ್ ಸೆಂಟರ್ಗೆ ಡಿಕ್ಕಿ ಹೊಡೆದಿರುವ ಘಟನೆ ಅಮೆರಿಕಾದ ಓಹಿಯೋದಲ್ಲಿನ ಗ್ರೇಟರ್ ಕೊಲಂಬಸ್ ನಲ್ಲಿ ನಡೆದಿದ್ದು, ಈ ವಿಡಿಯೋ ವೈರಲ್ ಆಗಿದೆ. ಟ್ವಿಟ್ಟರ್ನಲ್ಲಿ ಹಂಚಿಕೊಳ್ಳಲಾದ ವಿಡಿಯೋದಲ್ಲಿ, ವಾಹನವು ಕರ್ಬ್ ಅನ್ನು ಹೊಡೆದು ಕಟ್ಟಡಕ್ಕೆ ನುಗ್ಗುತ್ತಿರುವುದನ್ನು ತೋರಿಸುತ್ತದೆ. ವಾಹನವು ಬಾಗಿಲಿಗೆ ಡಿಕ್ಕಿ ಹೊಡೆದು ನಂತರ ಪಿಲ್ಲರ್ಗೆ ಡಿಕ್ಕಿ ಹೊಡೆದು ನಿಂತಿದೆ. ಓಹಿಯೋದ ಕೊಲಂಬಸ್ನಲ್ಲಿರುವ ಕನ್ವೆನ್ಷನ್ ಸೆಂಟರ್ಗೆ ನಿಯಂತ್ರಣ ತಪ್ಪಿ ಟೆಸ್ಲಾ ಚಾಲಕ ಡಿಕ್ಕಿ ಹೊಡೆದಿದ್ದಾನೆ. ಈ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಅಪಘಾತದಿಂದ ಅಂದಾಜು ಡಾಲರ್ 250,000ಗಿಂತ ಹೆಚ್ಚು ಹಾನಿಯಾಗಿದೆ. ಈ ವಿಡಿಯೋ ನೆಟ್ಟಿಗರನ್ನು ಬೆಚ್ಚಿ ಬೀಳಿಸಿದೆ. ಕಳೆದ ವಾರ ಈ ಘಟನೆ ಸಂಭವಿಸಿದೆ. 2020ರ ಟೆಸ್ಲಾ ಮಾಡೆಲ್ ಎಸ್ ನ ಚಾಲಕ ವೈನ್ ಸ್ಟ್ರೀಟ್ನಲ್ಲಿ ಅತಿ ವೇಗದಲ್ಲಿ ಪ್ರಯಾಣಿಸುತ್ತಿದ್ದನು. ಕನ್ವೆನ್ಷನ್ ಸೆಂಟರ್ ಗೆ ಅಪ್ಪಳಿಸುವ ಮೊದಲು ಚಾಲಕ ಸಿಗ್ನಲ್ ಬ್ರೇಕ್ ಮಾಡಿದ್ದಾನೆ ಎಂದು ಪೊಲೀಸರು ಉಲ್ಲೇಖಿಸಿದ್ದಾರೆ. ತನ್ನ ಕಾರಿನ ನಿಯಂತ್ರಣವನ್ನು ಕಳೆದುಕೊಂಡರೂ 70 ಕಿ.ಮೀ ವೇಗವನ್ನು ಕಾಯ್ದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾಗಿ ಚಾಲಕ ತಿಳಿಸಿದ್ದಾನೆ. ಸಿಗ್ನಲ್ ಬೀಳುವ ಮುನ್ನ ಈತ ಕಾರನ್ನು ವೇಗವಾಗಿ ಚಲಾಯಿಸಿದ್ದಾನೆ ಎಂದು ಕೆಲವು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಕಟ್ಟಡಕ್ಕೆ ಅಪ್ಪಳಿಸುವ ಮೊದಲು ಚಾಲಕ ಬ್ರೇಕ್ ಹಾಕಲು ಪ್ರಯತ್ನಿಸದಿರುವುದು ಕಂಡುಬಂದಿದೆ ಎಂದು ಮತ್ತೊಬ್ಬ ಪ್ರತ್ಯಕ್ಷದರ್ಶಿ ಹೇಳಿದ್ದಾರೆ. ಚಾಲಕನನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆತನ ಸ್ಥಿತಿ ಸ್ಥಿರವಾಗಿದೆ. CCTV footage shows the moment an out-of-control Tesla driver smashed into a convention center in Columbus, Ohio — racking up an estimated $250,000+ in damages pic.twitter.com/aksLC6W7pK — NowThis (@nowthisnews) May 13, 2022