ತುಂಬಾ ಬೇಜಾರಿನಲ್ಲಿದ್ದೀರಾ ? ಹಾಗಿದ್ರೆ ಈ ವಿಡಿಯೋ ನೋಡಿ ಖುಷಿಯಾಗಿರಿ

ಬೆಳಗ್ಗೆ ಎದ್ದು, ರೆಡಿ ಆಗಿ ತಿಂಡಿ ತಿಂದು ಕೆಲಸಕ್ಕೆ ಹೋಗುವುದು, ನಂತರ ಹಿಂತಿರುಗುವುದು. ಹೀಗೆ ಹಲವರ ಜೀವನ ಪ್ರತಿದಿನ ಸಾಗುತ್ತದೆ. ವಾರದ ರಜೆ ಬಂತೆಂದರೆ ಸಾಕು ಮನೆಯಲ್ಲೇ ನೂರಾರು ಕೆಲಸಗಳಿರುತ್ತವೆ. ಇನ್ನೇನು ಮೋಜು ಮಾಡುವುದು ಬೇಕಲ್ಲವೇ ? ಇದು ತಮ್ಮ ಕನಸುಗಳನ್ನು ಸಾಧಿಸಲು ಊರನ್ನು ತೊರೆದು ಪಟ್ಟಣ ಸೇರಿಕೊಂಡವರ ಪ್ರತಿದಿನದ ಕತೆ.

ಒತ್ತಡ, ಒಂಟಿತನ, ಕೆಲಸದ ನಡುವೆ ನಮಗೂ ಮೋಜು-ಮಸ್ತಿ ಬೇಕಲ್ಲವೇ ? ಅದಕ್ಕಾಗಿಯೇ ಇಂಟರ್ನೆಟ್ ನಲ್ಲಿ ನಗಿಸುವ ಹಲವಾರು ವಿಡಿಯೋಗಳು ಸಿಗುತ್ತವೆ. ಈ ಕ್ಷಣ ನಿಮಗೆ ನಗು ತರಿಸುವ ವಿಡಿಯೋವೊಂದು ಇಲ್ಲಿದೆ. ತನ್ನನ್ನು ತಾನು ಪ್ರೀತಿಸುವುದೆಂದರೇನು ಅನ್ನೋದು ಈ ವಿಡಿಯೋ ನೋಡಿದ್ರೆ ನಿಮಗೆ ತಿಳಿಯುತ್ತದೆ.

ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿರುವ ಈ ವಿಡಿಯೋದಲ್ಲಿ, ಸುತ್ತಲೂ ಇರುವ ಜನರು ಜೊತೆಗಾರರೊಂದಿಗೆ ಎಂಜಾಯ್ ಮಾಡುತ್ತಿದ್ದಾರೆ. ಆದರೆ, ಒಂಟಿಯಾಗಿರುವ ವ್ಯಕ್ತಿಯೊಬ್ಬರು ತಾನು ಒಬ್ಬನೇ ಇದ್ದಿನಲ್ಲ ಎಂದು ಬೇಸರಿಸಿಕೊಳ್ಳದೆ ಹಾಡಿಗೆ ಡಾನ್ಸ್ ಮಾಡುತ್ತಾ ತಮ್ಮ ಕಂಪನಿಯನ್ನು ತಾವೇ ಆನಂದಿಸಿದ್ದಾರೆ.

ಸದ್ಯ, ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗಿದೆ. ಆತ್ಮವಿಶ್ವಾಸ ಕಳೆದುಕೊಂಡವರು ಈ ವಿಡಿಯೋ ನೋಡಿದ್ರೆ ಖಂಡಿತಾ ಜೀವನದಲ್ಲಿ ಏನೋ ಸಾಧಿಸಬೇಕು ಅನ್ನೋ ವಿಶ್ವಾಸ ಬರುತ್ತದೆ ಅಂತೆಲ್ಲಾ ಹಲವರು ಪ್ರತಿಕ್ರಿಯಿಸಿದ್ದಾರೆ. ಮೊದಲಿಗೆ ನಮ್ಮನ್ನು ನಾವು ಪ್ರೀತಿಸುವುದನ್ನು ಕಲಿಯಬೇಕು ಅಂತಾ ಬಳಕೆದಾರರೊಬ್ಬರು ಕಾಮೆಂಟ್ ಮಾಡಿದ್ದಾರೆ.