ಗ್ರಾಹಕರ ಗ್ರಹಿಕೆಯ ಮಾಸಿಕ ವಿಶ್ಲೇಷಣೆಯನ್ನು ಆಕ್ಸಿಸ್ ಮೈ ಇಂಡಿಯಾ ತನ್ನ ಇತ್ತೀಚಿನ ಸಂಶೋಧನೆಯಲ್ಲಿ ಬಿಡುಗಡೆ ಮಾಡಿದೆ. ಜನವರಿ ತಿಂಗಳಿನಲ್ಲಿ ಪ್ರತಿಕ್ರಿಯಿಸಿದವರಲ್ಲಿ ಶೇ.41ರಷ್ಟು ಜನರು ಜಾಹೀರಾತು, ಖರೀದಿ ನಿರ್ಧಾರಗಳ ಮೇಲೆ ಪ್ರಭಾವ ಬೀರುತ್ತದೆ ಎಂಬುದು ತಿಳಿದು ಬಂದಿದೆ. ಶೇ.26 ರಷ್ಟು ಜನರು ದೂರದರ್ಶನ ಮತ್ತು ಮೊಬೈಲ್ ಫೋನ್ ಎರಡರಲ್ಲೂ ಏಕಕಾಲದಲ್ಲಿ ತೊಡಗಿಸಿಕೊಳ್ಳುವ ಅಭ್ಯಾಸವು ಬಹಿರಂಗವಾಗಿದೆ.
ಈ ತಿಂಗಳು, ಆಕ್ಸಿಸ್ ಮೈ ಇಂಡಿಯಾದ ಸೆಂಟಿಮೆಂಟ್ ಇಂಡೆಕ್ಸ್ ಖರೀದಿ ನಿರ್ಧಾರಗಳ ಮೇಲೆ ಜಾಹೀರಾತಿನ ಪ್ರಭಾವ, ದೂರದರ್ಶನ ಮತ್ತು ಮೊಬೈಲ್ ಫೋನ್‌ಗಳ ಬಳಕೆ, ಆರೋಗ್ಯ ಮತ್ತು ಫಿಟ್‌ನೆಸ್‌ಗೆ ಸಂಬಂಧಪಟ್ಟಂತೆ ಗ್ರಾಹಕರ ಬಗ್ಗೆ ಮತ್ತಷ್ಟು ತನಿಖೆ ಮಾಡಿದೆ. ಹಣಕಾಸು ನಡವಳಿಕೆಯ ವಿವಿಧ ಅಂಶಗಳನ್ನು ಅರ್ಥಮಾಡಿಕೊಳ್ಳಲು ಸಮೀಕ್ಷೆಯು ಆಳವಾಗಿ ಅಧ್ಯಯನ ಮಾಡಿದೆ. ಇವುಗಳಲ್ಲಿ ಹಣಕಾಸು/ವೈಯಕ್ತಿಕ ಮಾಹಿತಿಯನ್ನು ಆನ್‌ಲೈನ್‌ನಲ್ಲಿ ಹಂಚಿಕೊಳ್ಳುವುದರ ಆತಂಕಗಳು, ಆರ್ಥಿಕ ಭದ್ರತೆ ಮತ್ತು ಓಮಿಕ್ರಾನ್‌ನ ಭಯ ಕೂಡ ಸೇರಿದೆ.
80 ನೇ ಇಳಿವಯಸ್ಸಿನಲ್ಲೂ 20 ನೇ ಬಾರಿಗೆ ಚುನಾವಣಾ ಕಣಕ್ಕಿಳಿದ ವೃದ್ದ….!
ಸಮೀಕ್ಷೆಯ ಪ್ರಕಾರ, ಕಳೆದ ತಿಂಗಳು 85% ಕುಟುಂಬಗಳಿಗೆ ಹೋಲಿಸಿದರೆ 89% ಕುಟುಂಬಗಳು ಸಣ್ಣ ರಜೆಗಳು, ಮಾಲ್‌ಗಳು ಮತ್ತು ರೆಸ್ಟೋರೆಂಟ್‌ಗಳಿಗೆ ಒಂದೇ ರೀತಿ ಹೋಗುತ್ತಿರುವುದಾಗಿ ತಿಳಿಸಿದ್ದಾರೆ. ಒಟ್ಟಾರೆ ಮನೆಯ ಖರ್ಚು 53% ಕುಟುಂಬಗಳಿಗೆ ಹೆಚ್ಚಾಗಿದೆ. 33% ಕುಟುಂಬಗಳಿಗೆ ಒಟ್ಟಾರೆ ಖರ್ಚು ಒಂದೇ ಆಗಿದ್ದು, ಇದು ಕಳೆದ ಐದು ತಿಂಗಳಲ್ಲೇ ಅತ್ಯಧಿಕವಾಗಿದೆ.
36 ರಾಜ್ಯಗಳಾದ್ಯಂತ 10525 ಜನರ ಮಾದರಿ ಗಾತ್ರದೊಂದಿಗೆ ಕಂಪ್ಯೂಟರ್-ಸಹಾಯದ ಟೆಲಿಫೋನಿಕ್ ಸಂದರ್ಶನಗಳ ಮೂಲಕ ಸಮೀಕ್ಷೆಗಳನ್ನು ನಡೆಸಲಾಯಿತು. 70% ಗ್ರಾಮೀಣ ಭಾರತಕ್ಕೆ ಸೇರಿದವರಾಗಿದ್ದರೆ, 30% ನಗರಕ್ಕೆ ಸೇರಿದವರು. ಜೊತೆಗೆ, ಪ್ರತಿಕ್ರಿಯಿಸಿದವರಲ್ಲಿ 59% ಪುರುಷರು ಮತ್ತು 41% ರಷ್ಟು ಮಹಿಳೆಯರಾಗಿದ್ದಾರೆ.
ಫೆಬ್ರವರಿ ವರದಿಯ ಕುರಿತು ಪ್ರತಿಕ್ರಿಯಿಸಿದ ಆಕ್ಸಿಸ್ ಮೈ ಇಂಡಿಯಾದ ಸಿಎಂಡಿ ಪ್ರದೀಪ್ ಗುಪ್ತಾ ಈ ಸಮೀಕ್ಷೆಯು ಗ್ರಾಹಕರ ಆತಂಕವನ್ನು ಸೆರೆಹಿಡಿಯುತ್ತದೆ ಎಂದು ಹೇಳಿದ್ದಾರೆ. ಅಲ್ಲದೆ ಗ್ರಾಹಕರು ಕೊರೋನಾ 3ನೇ ಅಲೆಯಿಂದ ಆರ್ಥಿಕವಾಗಿ ಪರಿಣಾಮ ಬೀರುವುದಿಲ್ಲ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾಗಿ ತಿಳಿಸಿದ್ದಾರೆ.
Loading ...