ಸದಾ ಒಂದಿಲ್ಲೊಂದು ವಿಚಾರದಲ್ಲಿ ಉತ್ತರ ಕೊರಿಯಾ ಸದಾ ಸುದ್ದಿಯಲ್ಲಿರುತ್ತದೆ. ಇತ್ತೀಚೆಗೆ ಬಾಹ್ಯಾಕಾಶಕ್ಕೆ ಕಳುಹಿಸಲು ಬೃಹತ್ ಖಂಡಾಂತರ ಕ್ಷಿಪಣಿಯನ್ನು ಪರೀಕ್ಷಿಸಿದೆ. ಗಂಗ್ನಮ್ ಶೈಲಿಯೊಂದಿಗೆ ಕಿಮ್ ಜಾಂಗ್ ಉನ್ ಅವರ ಉಡಾವಣೆಯ ದೃಶ್ಯದ ವಿಡಿಯೋ ಟ್ವಿಟ್ಟರ್ ನಲ್ಲಿ ಮೆಮೆಗಳ ಸುರಿಮಳೆಗೆ ಕಾರಣವಾಗಿದೆ.
ಉತ್ತರ ಕೊರಿಯಾದ ದೂರದರ್ಶನವು ದೇಶದ ಇತ್ತೀಚಿನ ಬೃಹತ್ ಕ್ಷಿಪಣಿ ಪರೀಕ್ಷೆಯನ್ನು ಚಲನಚಿತ್ರ ಶೈಲಿಯಂತೆ ಪ್ರಸಾರ ಮಾಡಿದೆ. ಉತ್ತರ ಕೊರಿಯಾದ ನಾಯಕ ಕಿಮ್ ಜಾಂಗ್ ಉನ್ ಅಧಿಕಾರಿಗಳೊಂದಿಗೆ ಕ್ಷಿಪಣಿಯನ್ನು ಅನುಸರಿಸಿ, ಗಡಿಯಾರವನ್ನು ನೋಡುತ್ತಿರುವ ನಿಧಾನ ಚಲನೆಯ ದೃಶ್ಯ ನೆಟ್ಟಿಗರಲ್ಲಿ ನಗು ತರಿಸಿದೆ.
ಕಿಮ್ ಜಾಂಗ್ ಉನ್ ರ ಚಲನಚಿತ್ರ ಶೈಲಿಯ ಈ ವಿಡಿಯೋ ಶೀಘ್ರದಲ್ಲೇ ಟ್ವಿಟರ್‌ನಲ್ಲಿ ಮೆಮೆ ಸೃಷ್ಟಿಸಿದೆ. ಕಿಮ್ ಜಾಂಗ್ ಉನ್ ಉಡಾವಣೆಗೆ ಹೋಗುತ್ತಿರುವ ಮತ್ತು ಕ್ಷಿಪಣಿ ಉಡಾವಣೆಯಾದಾಗ ಸಂಭ್ರಮಿಸುತ್ತಿರುವ ನಾಟಕೀಯ ಚಿತ್ರಗಳನ್ನು ಉತ್ತರ ಕೊರಿಯಾದ ಮಾಧ್ಯಮ ಹಂಚಿಕೊಂಡಿದೆ.
ಸಿನಿಮೀಯ ದೃಶ್ಯ ಮತ್ತು ಕಟ್-ಥ್ರೋಟ್ ಎಡಿಟ್‌ಗಳೊಂದಿಗೆ ಕ್ಷಿಪಣಿ ಉಡಾವಣಾ ವಿಡಿಯೋ ಮೆಮರ್‌ಗಳಿಗೆ ಭರ್ಜರಿಯಾಗಿ ಔತಣಕೂಟವನ್ನೇ ನೀಡಿದೆ. ಅನೇಕ ನೆಟ್ಟಿಗರು ಕ್ಷಿಪಣಿ ಲಾಂಚ್ ವಿಡಿಯೋ ಮತ್ತು ಗಂಗ್ನಮ್ ಸ್ಟೈಲ್‌ನ ಮ್ಯೂಸಿಕ್ ವಿಡಿಯೋದ ಚಿತ್ರಗಳು ಮತ್ತು ಮೀಮ್‌ಗಳನ್ನು ಟ್ವೀಟ್ ಮಾಡಿದ್ದಾರೆ. ಟ್ವೀಟ್‌ನಲ್ಲಿ ಮೆಮೆ ಮ್ಯಾಶ್‌ಅಪ್ ವಿಡಿಯೋವನ್ನು ಪ್ಯೊಂಗ್ಯಾಂಗ್ ಸ್ಟೈಲ್ ಎಂದು ಕರೆಯಲಾಗಿದೆ. ಈ ಮ್ಯಾಶಪ್ ಸಾಮಾಜಿಕ ಜಾಲತಾಣದಲ್ಲಿ ಭರ್ಜರಿ ವೈರಲ್ ಆಗಿದೆ.
ಟ್ವಿಟ್ಟರ್ ಬಳಕೆದಾರರು ವಿಶೇಷವಾಗಿ ಕಿಮ್ ಜಾಂಗ್-ಉನ್ ಮತ್ತು ಉತ್ತರ ಕೊರಿಯಾದ ಅಧಿಕಾರಿಗಳು ತಮ್ಮ ಕೈಗಡಿಯಾರಗಳನ್ನು ನೋಡುತ್ತಿರುವ ಕ್ಷಣವನ್ನು ತಮಾಷೆಯಾಗಿ ನೋಡಿದ್ದಾರೆ.
Loading ...