ಕೇವಲ ಒಂದು ತಿಂಗಳಲ್ಲಿ ತೂಕ ಇಳಿಸಿ ಸ್ಲಿಮ್‌ ಆಗಲು ಸಹಾಯಕ ಈ ವಿಶಿಷ್ಟ ಪಾನೀಯ…..!

ತೂಕವನ್ನು ಕಳೆದುಕೊಳ್ಳೋದು ಬಹಳ ಪ್ರಯಾಸದ ಕೆಲಸ. ಇದಕ್ಕಾಗಿ ಡಯಟ್‌ ಜೊತೆಗೆ ವ್ಯಾಯಾಮವನ್ನೂ ಮಾಡಬೇಕು. ಕೆಲವೊಂದು ನೈಸರ್ಗಿಕ ಪಾನೀಯಗಳ ಮೂಲಕ ಸುಲಭವಾಗಿ ತೂಕ ಇಳಿಸಬಹುದು. ಜೀರಿಗೆ ಮತ್ತು ಸೋಂಪಿನ ಕಷಾಯ ಕೂಡ ಅಂತಹ ನೈಸರ್ಗಿಕ ಡಿಟಾಕ್ಸ್ ಪಾನೀಯಗಳಲ್ಲೊಂದು.

ನೀವು ಪ್ರತಿದಿನ ಜೀರಿಗೆ ಮತ್ತು ಸೋಂಪಿನ ನೀರನ್ನು ಸೇವಿಸುವುದರಿಂದ ದೇಹದ ಬೊಜ್ಜು ಸುಲಭವಾಗಿ ಕರಗುತ್ತದೆ. ಜೀರಿಗೆ ಮತ್ತು ಸೋಂಪನ್ನು ರಾತ್ರಿ ನೀರಿನಲ್ಲಿ ನೆನೆಸಿಟ್ಟು, ಬೆಳಗ್ಗೆ ಆ ನೀರನ್ನು ಕುಡಿಯಬಹುದು. ಅಥವಾ ಜೀರಿಗೆ ಮತ್ತು ಸೋಂಪಿನ ಕಾಳುಗಳನ್ನು ನೀರಿನಲ್ಲಿ ಕುದಿಸಿ ಸೋಸಿಕೊಂಡು ಅದನ್ನು ಕುಡಿಯಿರಿ.

ಇದು ನಿಮ್ಮ ಚಯಾಪಚಯ ಕ್ರಿಯೆಯನ್ನು ಸುಧಾರಿಸುತ್ತದೆ. ಚಯಾಪಚಯ ಕ್ರಿಯೆ ತೂಕ ಕಳೆದುಕೊಳ್ಳಲು ಅತ್ಯಂತ ಅವಶ್ಯಕ. ಇದು ಕ್ಯಾಲೊರಿಗಳನ್ನು ತ್ವರಿತವಾಗಿ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನೀವು ಉತ್ತಮ ಉಪಹಾರ ಮತ್ತು ಊಟ ಸೇವಿಸಿದ್ರೆ ಚಯಾಪಚಯ ಸಾಮಾನ್ಯವಾಗಿರುತ್ತದೆ. ಇದು ಕ್ಯಾಲೊರಿಗಳನ್ನು ಕಡಿಮೆ ಮಾಡಲು ನಿಮಗೆ ಸಹಾಯ ಮಾಡುತ್ತದೆ.

ಇದರ ಜೊತೆಗೆ ನೀವು ಜಿಮ್‌, ಸೈಕ್ಲಿಂಗ್ ಅಥವಾ ವಾಕಿಂಗ್ ಸಹ ಮಾಡಿದ್ರೆ ತೂಕವು ವೇಗವಾಗಿ ಕಡಿಮೆಯಾಗಲು ಪ್ರಾರಂಭಿಸುತ್ತದೆ. ಜೀರ್ಣಕ್ರಿಯೆ ಸುಧಾರಿಸಿದ್ರೆ ದೇಹ ಆರೋಗ್ಯವಾಗಿರಲು ಸಾಧ್ಯ. ಮಿತವಾಗಿ ತಿನ್ನುವುದರಿಂದ ಜೀರ್ಣಕ್ರಿಯೆಯನ್ನು ಸರಳಗೊಳಿಸಬಹುದು.

ಬೆಳಗ್ಗೆ ನೈಸರ್ಗಿಕ ಹಣ್ಣಿನ ರಸವನ್ನು ಸೇವಿಸಬೇಕು. ನೀವು ಅಗತ್ಯಕ್ಕಿಂತ ಹೆಚ್ಚು ಆಹಾರವನ್ನು ಸೇವಿಸಿದಾಗ, ಜೀರ್ಣಕ್ರಿಯೆಯ ಪ್ರಕ್ರಿಯೆಯು ನಿಧಾನಗೊಳ್ಳುತ್ತದೆ. ಈ ಕಾರಣದಿಂದಾಗಿ, ದೇಹದಲ್ಲಿ ಕೊಳೆ ಸಂಗ್ರಹವಾಗಲು ಪ್ರಾರಂಭಿಸುತ್ತದೆ ಮತ್ತು ನೀವು ದಪ್ಪಗಾಗಲು ಪ್ರಾರಂಭಿಸುತ್ತೀರಿ. ಈ ಪ್ರಕ್ರಿಯೆಯಲ್ಲಿ, ನಿಮ್ಮ ರಕ್ತ ಸಹ ಮಲಿನವಾಗುತ್ತದೆ. ಇದು ಚರ್ಮದ ಸಮಸ್ಯೆ ಮತ್ತು ರೋಗಗಳ ಅಪಾಯವನ್ನು ಹೆಚ್ಚಿಸುತ್ತದೆ. ಆದ್ದರಿಂದ ದೇಹವನ್ನು ಡಿಟಾಕ್ಸ್‌ ಮಾಡಿ.