ಈ ಟೊಯೋಟಾ ವಾಹನದ ಮೇಲೆ ಸಿಗ್ತಿದೆ ಬಂಪರ್ ಆಫರ್; ಬೆಲೆಯಲ್ಲಿ 8 ಲಕ್ಷ ರೂಪಾಯಿಯಷ್ಟು ಕಡಿತ….!

ಟೊಯೊಟಾ ಕಿರ್ಲೋಸ್ಕರ್ ಮೋಟಾರ್ ಈ ವರ್ಷ  ಮಾರ್ಚ್‌ನಲ್ಲಿ ಹಿಲಕ್ಸ್ ಪಿಕ್-ಅಪ್ ಟ್ರಕ್ ಅನ್ನು ಮರು ಪರಿಚಯಿಸಿದೆ. ಅದರ ಬೆಲೆಗಳನ್ನು ನವೀಕರಿಸಿದೆ. ಅಂದ ಹಾಗೆ ಟೊಯೊಟಾ ಹಿಲಕ್ಸ್‌ನ ಬೆಲೆ 30.40 ಲಕ್ಷದಿಂದ 37.90 ಲಕ್ಷ ರೂಪಾಯಿವರೆಗಿದೆ. ಸದ್ಯ ಈ ಲೈಫ್ ಸ್ಟೈಲ್ ಯುಟಿಲಿಟಿ ವೆಹಿಕಲ್ ಮೇಲೆ 8 ಲಕ್ಷ ರೂಪಾಯಿವರೆಗಿನ ಭರ್ಜರಿ ಡಿಸ್ಕೌಂಟ್‌ ಸಿಗುತ್ತಿದೆ. ಹಿಲಕ್ಸ್ ಅನ್ನು ಮೂರು ರೂಪಾಂತರಗಳಲ್ಲಿ ಪರಿಚಯಿಸಲಾಗಿದೆ – ಸ್ಟ್ಯಾಂಡರ್ಡ್ ಎಂಟಿ, ಹೈ ಎಂಟಿ ಮತ್ತು ಹೈ ಎಟಿ.

ಮಾರ್ಚ್‌ನಲ್ಲಿ ಕಂಪನಿ ತನ್ನ ಮೂಲ ರೂಪಾಂತರದ ಬೆಲೆಗಳನ್ನು 3.60 ಲಕ್ಷ ರೂಪಾಯಿಗಳಷ್ಟು ಕಡಿತಗೊಳಿಸಿದೆ. ಇತರ ಟ್ರಿಮ್‌ಗಳನ್ನು 1.35 ಲಕ್ಷ ರೂಪಾಯಿಗಳಷ್ಟು ಹೆಚ್ಚಿಸಿತ್ತು. ಆದರೆ, ಈಗ ಕಂಪನಿಯು ಈ ಪಿಕ್ ಅಪ್ ಟ್ರಕ್ ಮೇಲೆ ಭಾರಿ ರಿಯಾಯಿತಿಗಳನ್ನು ನೀಡುತ್ತಿದೆ. ಭಾರತದಾದ್ಯಂತ ಹೆಚ್ಚಿನ ಡೀಲರ್‌ಶಿಪ್‌ಗಳು ಹಿಲಕ್ಸ್‌ಗೆ 6 ಲಕ್ಷದವರೆಗೆ ಡಿಸ್ಕೌಂಟ್‌ ನೀಡುತ್ತಿವೆ. ದೆಹಲಿ-ಎನ್‌ಸಿಆರ್ ಪ್ರದೇಶದ ಕೆಲವು ಡೀಲರ್‌ಗಳು 8 ಲಕ್ಷ ರೂಪಾಯಿಯಷ್ಟು  ರಿಯಾಯಿತಿ ನೀಡುತ್ತಿದ್ದಾರೆ.

ಆದರೆ ಡಿಸ್ಕೌಂಟ್‌ ಮೊತ್ತ ಸ್ಥಳದಿಂದ ಸ್ಥಳಕ್ಕೆ ಬದಲಾಗಬಹುದು. ಟೊಯೊಟಾ ಹಿಲಕ್ಸ್ 2.8-ಲೀಟರ್, ನಾಲ್ಕು-ಸಿಲಿಂಡರ್ ಟರ್ಬೋಚಾರ್ಜ್ಡ್ ಡೀಸೆಲ್ ಎಂಜಿನ್‌ನೊಂದಿಗೆ ಬರುತ್ತದೆ. ಇದು ಮ್ಯಾನುವಲ್ ರೂಪಾಂತರದಲ್ಲಿ 201 Bhp ಮತ್ತು 420 Nm ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಆದಾಗ್ಯೂ ಸ್ವಯಂಚಾಲಿತ ರೂಪಾಂತರವು 500 Nm ಪೀಕ್ ಟಾರ್ಕ್ ಅನ್ನು ಪಡೆಯುತ್ತದೆ. ಎಲ್ಲಾ ರೂಪಾಂತರಗಳು 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್ ಮತ್ತು 6-ಸ್ಪೀಡ್ ಟಾರ್ಕ್-ಪರಿವರ್ತಕ AT ಜೊತೆಗೆ 4X4 ಸ್ಟ್ಯಾಂಡರ್ಡ್ ಫಿಟ್‌ಮೆಂಟ್‌ನ ಆಯ್ಕೆಯನ್ನು ಪಡೆಯುತ್ತವೆ.