ಈ ‘ಆಹಾರ’ಗಳ ಮೂಲ ಯಾವುದು ಗೊತ್ತಾ…?

ವಿಶ್ವಾದ್ಯಂತ ಜನಪ್ರಿಯವಾಗಿರುವ, ರಾಜ್ಮಾ ಚಾವಲ್, ಗುಲಾಬ್ ಜಾಮೂನ್, ಜಿಲೇಬಿ ಈವೆಲ್ಲದರ ಮೂಲ ಭಾರತ ಎನ್ನಲಾಗುತ್ತೆ. ಆದ್ರೆ ಆಳವಾಗಿ ಪರಿಶೀಲನೆ ಮಾಡಿದಾಗ ನಾವು ಇದರ ರೆಸಿಪಿಯನ್ನೂ ವಿದೇಶದಿಂದ ಪಡೆದಿದ್ದೇವೆ.

ರಾಜ್ಮಾ ಚಾವಲ್ – ಉತ್ತರ ಭಾರತೀಯ ಆಹಾರವೆಂದು ನಾವು ಹೇಳ್ತೇವೆ. ಆದ್ರೆ ಅದರ ಮೂಲ ಮಧ್ಯ ಮೆಕ್ಸಿಕೋ.

ಸಮೋಸ – ಬಾಯಿ ಚಪ್ಪರಿಸಿಕೊಂಡು ತಿನ್ನುವ ಸಮೋಸದ ಮೂಲ ಕೂಡ ಭಾರತವಲ್ಲ. ಮಧ್ಯ ಪ್ರಾಚ್ಯದಿಂದ ಪಡೆದಿದ್ದು.

ಗುಲಾಬ್ ಜಾಮೂನ್ – ಹಬ್ಬದಲ್ಲಿ ಇರಲೇಬೇಕಾದ ಒಂದು ಸ್ವೀಟ್ ಗುಲಾಬ್ ಜಾಮೂನ್. ಪಶ್ಚಿಮ ಬಂಗಾಳದಲ್ಲಿ ಪ್ರಸಿದ್ಧವಾಗಿರುವ ಈ ಜಾಮೂನ್ ಹುಟ್ಟಿದ್ದು ಮೆಡಿಟರೇನಿಯನ್ ಮತ್ತು ಪರ್ಷಿಯಾದಲ್ಲಿ.

ಜಿಲೇಬಿ – ಅಚ್ಚುಮೆಚ್ಚಿನ ತೆಳುವಾದ ಮತ್ತು ಗರಿಗರಿಯಾದ ಸಿಹಿ ಖಾದ್ಯವನ್ನು ಉತ್ತರ ಭಾರತೀಯರು ತಿನ್ನೋದು ಜಾಸ್ತಿ. ಇದರ ಹುಟ್ಟು ಕೂಡ ಮಧ್ಯ ಪ್ರಾಚ್ಯದಲ್ಲಾಗಿದೆ.