ಟೆಸ್ಲಾ ಪ್ರಸ್ತುತ ಅತ್ಯಂತ ಜನಪ್ರಿಯ ಹಾಗೂ ಹೈ ಟೆಕ್ ಇವಿ ಬ್ರ್ಯಾಂಡ್ಗಳಲ್ಲಿ ಒಂದಾಗಿದೆ. ಸ್ವಯಂ ಚಾಲನಾ ಸಾಮರ್ಥ್ಯವನ್ನು ಹೊಂದಿರುವ ಟೆಸ್ಲಾ ಕಾರುಗಳು ಆಟೋ ಮೊಬೈಲ್ ಕ್ಷೇತ್ರದಲ್ಲಿ ಹೊಸ ಕ್ರಾಂತಿಯನ್ನೇ ಮಾಡಿವೆ.
ಇದರ ಜೊತೆಯಲ್ಲಿ ಟೆಸ್ಲಾಗೆ ಇನ್ನೂ ಕೆಲವು ವೈಶಿಷ್ಟ್ಯಗಳಿದ್ದು ಇದು ಆರನೇ ಇಂದ್ರಿಯವನ್ನು ಹೊಂದಿದೆ ಹಾಗೂ ಇದು ಆತ್ಮಗಳನ್ನು ಗುರುತಿಸುವ ಸಾಮರ್ಥ್ಯವನ್ನು ಹೊಂದಿದೆ.
ಈ ಮಾತುಗಳು ನಿಮಗೆ ಹುಬ್ಬೇರಿಸುವಂತೆ ಮಾಡಬಹುದು. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿರುವ ವಿಡಿಯೋದಲ್ಲಿ ಕಾರು ಸ್ಮಶಾನದ ಬಳಿ ನಿಲ್ಲುತ್ತದೆ. ಮೊದಲು ಕಾರಿನ ಕ್ಯಾಮರಾವು ಎಲ್ಲಾ ಸಮಾಧಿಗಳತ್ತ ಫೋಕಸ್ ಮಾಡಿದೆ. ಪರದೆಯ ಮೇಲೆ ಸಾಕಷ್ಟು ಜನರು ಇರುವುದು ಕಾಣುತ್ತದೆ. ಆದರೆ ಅಸಲಿಗೆ ಸಮಾಧಿ ಇರುವಲ್ಲಿ ಯಾವ ವ್ಯಕ್ತಿಯೂ ಇದ್ದಿರಲಿಲ್ಲ.
ಟೆಸ್ಲಾ ಕಾರು ಚಾಲಕರಿಗೆ ಇನ್ನೂ ಆಶ್ಚರ್ಯ ಎನಿಸುವಂತೆ ಆ ಎಲ್ಲಾ ಆತ್ಮಗಳು ತಮ್ಮಷ್ಟಕ್ಕೆ ತಾವೇ ತಿರುಗುತ್ತಾ ಜಾಗವನ್ನು ಬದಲಾಯಿಸುವುದು ಸಹ ಗಮನಕ್ಕೆ ಬಂದಿದೆ. ಕ್ಯಾಲಿಫೋರ್ನಿಯಾದ ವೆಸ್ಟ್ ಸೈಡ್ ಸ್ಮಶಾನ, ಟಾಫ್ಟ್ ಸ್ಥಳ ನಿರ್ಜನವಾಗಿದ್ದರಿಂದ ಕಾರಿನಲ್ಲಿದ್ದವರು ಗಾಬರಿಗೊಳಗಾಗಿದ್ದಾರೆ.