ʼಸೆಕ್ಸ್ ಟ್ರಾಫಿಕಿಂಗ್ʼ ಗೆ ವೇದಿಕೆಯಾಯ್ತಾ ಫೇಸ್ಬುಕ್…? ವರದಿಯಲ್ಲಿ ಆಘಾತಕಾರಿ ಮಾಹಿತಿ ಬಹಿರಂಗ

ಮಾನವ ಕಳ್ಳ ಸಾಗಣೆ ಕುರಿತ ಅಧ್ಯಯನ ನಡೆಸುವ ಸಂಸ್ಥೆಯು ಹೊಸ ವರದಿಯೊಂದನ್ನು ಪ್ರಕಟಿಸಿದ್ದು ಇದರ ಪ್ರಕಾರ, ಅಮೆರಿಕದಲ್ಲಿ ಲೈಂಗಿಕ ಕಿರುಕುಳಕ್ಕೆ ಪ್ರಮುಖ ಬಳಕೆ ಮಾಡುವ ಸಾಮಾಜಿಕ ಮಾಧ್ಯಮ ಫೇಸ್​ಬುಕ್​ ಎಂದು ತಿಳಿದುಬಂದಿದೆ.

ಕಳೆದ ವರ್ಷ ದಾಖಲಾದ ಕೇಸುಗಳಲ್ಲಿ 59 ಪ್ರತಿಶತ ಪ್ರಕರಣಗಳಲ್ಲಿ ಫೇಸ್​ಬುಕ್​ ಲೈಂಗಿಕ ಪ್ರಕರಣದ ಪ್ರಮುಖ ಮಾಧ್ಯಮವಾಗಿದೆ ಅನ್ನೋದು ತಿಳಿದು ಬಂದಿದೆ.
ಮಾನವ ಕಳ್ಳಸಾಗಣೆದಾರರು ಬಲಿಪಶುಗಳನ್ನ ಹುಡುಕುವ ಪ್ರಮುಖ ಸಾಧನವಾಗಿ ಇಂಟರ್ನೆಟ್​ ಮಾರ್ಪಾಡಾಗಿದೆ ಎಂದು ಮಾನವ ಕಳ್ಳಸಾಗಣೆ ಸಂಸ್ಥೆಯ ಸಿಇಓ ವಿಕ್ಟರ್​ ಬೌಟ್ರೋಸ್​ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ರು. ಕಳ್ಳಸಾಗಣೆದಾರರು ಲೈಂಗಿಕ ಕಿರುಕುಳದಂತಹ ಪ್ರಕರಣಗಳಲ್ಲಿ ಫೇಸ್​ಬುಕ್​​ನಲ್ಲೇ ಹೆಚ್ಚಾಗಿ ಬಲಿಪಶುಗಳನ್ನ ಕಂಡುಕೊಂಡಿದ್ದಾರೆ ಎಂದು ಅವರು ಹೇಳಿದ್ದಾರೆ.

2020ನೆ ಸಾಲಿನ ಫೆಡರಲ್ ಮಾನವ ಕಳ್ಳ ಸಾಗಣೆಯ ವರದಿಯಲ್ಲಿ 94 ಪ್ರತಿಶತದಷ್ಟು ಕೇಸ್​ಗಳು ಲೈಂಗಿಕ ಕಳ್ಳಸಾಣೆಗೆ ಸಂಬಂಧಿಸಿವೆ ಎಂದು ತಿಳಿದುಬಂದಿದೆ.

65 ಪ್ರತಿಶತ ಅಪ್ರಾಪ್ತ ಬಲಿಪಶುಗಳು ಸೋಶಿಯಲ್​ ಮೀಡಿಯಾ ಅದರಲ್ಲೂ ಮುಖ್ಯವಾಗಿ ಫೇಸ್​ಬುಕ್​ ಮೂಲಕವೇ ಆರೋಪಿಗಳ ಕೈಗೆ ಸಿಕ್ಕಿದ್ದಾರೆ. ಹದಿಹರೆಯದ ವಯಸ್ಸಿನಲ್ಲೇ ಫೇಸ್​ಬುಕ್​ ಬಳಕೆ ಈ ಅಪಾಯಕ್ಕೆ ಅಪ್ರಾಪ್ತರನ್ನ ದೂಡುತ್ತಿದೆ.

2018ರಲ್ಲಿ ಯುಟ್ಯೂಬ್​, ಇನ್​ಸ್ಟಾಗ್ರಾಂ ಹಾಗೂ ಸ್ನಾಪ್​ಚಾಟ್​ ಈ ಪಟ್ಟಿಯಲ್ಲಿ ಅಗ್ರಸ್ಥಾನವನ್ನ ಪಡೆದುಕೊಂಡಿದ್ದವು. ಫೇಸ್​ಬುಕ್​ ಹದಿಹರೆಯದವರನ್ನ ಆಕರ್ಷಿಸುವಲ್ಲಿ ಈಗೀಗ ಕೊಂಚ ಹಿಂದೆ ಬಿದ್ದಿದ್ದರೂ ಸಹ ವಯಸ್ಕರಿಗಿಂತ ಅಪ್ರಾಪ್ತರವನ್ನ ಮಾನವ ಕಳ್ಳಸಾಗಣಿಕೆ ಬಳಸಿಕೊಳ್ಳಲು ಫೇಸ್​ಬುಕ್​ ಮುಖ್ಯ ವೇದಿಕೆಯಾಗಿ ಬದಲಾಗ್ತಿದೆ ಎಂಬ ಆಘಾತಕಾರಿ ಮಾಹಿತಿ ಹೊರಬಿದ್ದಿದೆ.