ದೇಶದ ಅತಿದೊಡ್ಡ ಸರ್ಕಾರಿ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಲಾಕ್ ಡೌನ್ ಸಂಕಷ್ಟದಲ್ಲಿರುವ ಗ್ರಾಹಕರಿಗೆ ಖುಷಿ ಸುದ್ದಿಯೊಂದನ್ನು ನೀಡಿದೆ. ಬ್ಯಾಂಕ್ ಸಾಲದ ಮೇಲಿನ ಬಡ್ಡಿ ದರಗಳನ್ನು ಇಳಿಕೆ ಮಾಡಿದೆ. ಬ್ಯಾಂಕ್ ಬಡ್ಡಿ ದರಗಳನ್ನು ಶೇಕಡಾ 0.15 ರಷ್ಟು ಕಡಿತಗೊಳಿಸಿದೆ.
ಈ ಕಡಿತದ ನಂತರ ಬಡ್ಡಿ ದರಗಳು ಶೇಕಡಾ 7.40 ರಿಂದ 7.25 ಕ್ಕೆ ಇಳಿದಿವೆ. ಹೊಸ ದರಗಳು ಮೇ 10 ರಿಂದ ಅನ್ವಯವಾಗುತ್ತವೆ. 2020-21ರ ಬ್ಯಾಂಕ್ ಎರಡನೇ ಬಾರಿ ಈ ಕಡಿತ ಮಾಡ್ತಿದೆ. ಈ ಮೊದಲು ಏಪ್ರಿಲ್ನಲ್ಲಿ ಎಸ್ಬಿಐ ಬಡ್ಡಿ ದರಗಳನ್ನು ಶೇಕಡಾ 0.35 ರಷ್ಟು ಕಡಿತಗೊಳಿಸಿತ್ತು.
ಎಸ್ಬಿಐನ ಈ ನಿರ್ಧಾರದ ನಂತರ 30 ವರ್ಷಗಳ ಕಾಲ ಎಂಸಿಎಲ್ಆರ್ ಆಧರಿಸಿ 25 ಲಕ್ಷ ರೂಪಾಯಿಗಳ ಗೃಹ ಸಾಲವನ್ನು ತೆಗೆದುಕೊಂಡಿದ್ದರೆ ಆ ಸಾಲಗಾರರಿಗೆ ಪ್ರತಿ ತಿಂಗಳು 255 ರೂಪಾಯಿ ಉಳಿಯಲಿದೆ. ಈ ನಿರ್ಧಾರದ ನಂತರ ಎಂಸಿಎಲ್ಆರ್ ಆಧಾರಿತ ಸಾಲದ ಮೇಲಿನ ಇಎಂಐ ಕಡಿಮೆಯಾಗುತ್ತದೆ.