ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ ನಂತರ ರಿಲಯನ್ಸ್ ಜಿಯೋ ಕೂಡ ಪ್ರಿಪೇಯ್ಡ್ ಅನಿಯಮಿತ ಯೋಜನೆಗಳ ದರ ಹೆಚ್ಚಳ ಮಾಡಿದೆ. ಹೊಸ ಮೂಲ ಯೋಜನೆಯು ಈಗ 75 ರೂ. ಬದಲಿಗೆ 91 ರೂ.ನಿಂದ ಪ್ರಾರಂಭವಾಗುತ್ತದೆ. 3 GB ಮಾಸಿಕ ಇಂಟರ್ನೆಟ್ ಡೇಟಾ ಮತ್ತು 50 SMS ನೀಡಲಾಗುವುದು.
ಎಲ್ಲಾ 28 ದಿನಗಳ ಮಾನ್ಯತೆಯೊಂದಿಗೆ. ಭಾರ್ತಿ ಏರ್‌ಟೆಲ್ ಮತ್ತು ವೊಡಾಫೋನ್ ಐಡಿಯಾ(Vi) ಅನುಕ್ರಮವಾಗಿ 99 ರೂ.ಗೆ ನೀಡುವ ಮೂಲ ಅನಿಯಮಿತ ಯೋಜನೆಗಳಿಗಿಂತ ಇದು ಕಡಿಮೆಯಾಗಿದೆ.
ರಿಲಯನ್ಸ್ ಜಿಯೋ ಹೊಸ ಅನಿಯಮಿತ ಯೋಜನೆಗಳು ಡಿಸೆಂಬರ್ 1 ರಂದು ಜಾರಿಗೆ ಬರಲಿವೆ. ಮೂಲ 91 ರೂ. ಯೋಜನೆ ಅನುಸರಿಸಿ ಹಳೆಯ 129 ರೂ.ಪ್ರಿಪೇಯ್ಡ್ ಯೋಜನೆಯು ಈಗ 155 ರೂ.ವೆಚ್ಚವಾಗುತ್ತದೆ. ಇದು 28 ದಿನಗಳ ಮಾನ್ಯತೆ ಹೊಂದಿದೆ. ಬಳಕೆದಾರರು ಒಟ್ಟು 300 SMS ಗಳೊಂದಿಗೆ ತಿಂಗಳಿಗೆ 2GB ಇಂಟರ್ನೆಟ್ ಡೇಟಾವನ್ನು ಪಡೆಯಬಹುದು.
179 ರೂ.(ಹಿಂದಿನ ದರ 149 ರೂ.), 239 ರೂ. (ಹಿಂದಿನ ದರ 199 ರೂ.), ಮತ್ತು 299 ರೂ.(ಹಿಂದಿನ ದರ 249 ರೂ.) ಎಲ್ಲಾ ಯೋಜನೆಗಳು 28 ದಿನಗಳ ವ್ಯಾಲಿಡಿಟಿ ಮತ್ತು 2 ಜಿಬಿ ಇಂಟರ್ನೆಟ್ ಡೇಟಾವನ್ನು ನೀಡುತ್ತವೆ. 56 ದಿನಗಳ ವ್ಯಾಲಿಡಿಟಿ ಹೊಂದಿರುವ ಪ್ಲಾನ್‌ಗಳು – 399 ರೂ.ಮತ್ತು 444 ರೂ.ಈಗ ಕ್ರಮವಾಗಿ 479 ರೂ.ಮತ್ತು 533 ರೂ. ಮತ್ತು ದಿನಕ್ಕೆ 2 ಜಿಬಿ ಇಂಟರ್ನೆಟ್ ಡೇಟಾ ನೀಡುತ್ತದೆ.
ರಿಲಯನ್ಸ್ ಜಿಯೊದ ವಾರ್ಷಿಕ ಪ್ರಿಪೇಯ್ಡ್ ಯೋಜನೆಗಳು(365 ದಿನಗಳು) 1,299 ರೂ.ಮತ್ತು 2,399 ರೂ. ಇದ್ದು ಈಗ ಕ್ರಮವಾಗಿ 1,559 ರೂ. ಮತ್ತು 2,879 ರೂ. ಆಗಲಿದೆ. ಹಿಂದಿನದು 24 GB ಇಂಟರ್ನೆಟ್ ಡೇಟಾ ಮತ್ತು ಒಟ್ಟು 3600 SMS ಸೌಲಭ್ಯವಿದೆ. ಟಾಪ್ 2,879 ಟ್ಯಾರಿಫ್ ದಿನಕ್ಕೆ 2GB ಡೇಟಾ ಮತ್ತು ಪ್ರತಿದಿನ 100 SMS ನೀಡುತ್ತದೆ.
Loading ...