’ಇ-ಶ್ರಮ’ ವೆಬ್‌ಸೈಟ್‌ನಲ್ಲಿ ಪ್ರವಾಹೋಪಾದಿಯಲ್ಲಿ ಅಸಂಘಟಿತ ಕಾರ್ಮಿಕರ ನೋಂದಣಿ…!

ದೇಶದಲ್ಲಿನ ಅಸಂಘಟಿತ ವಲಯದ ಕಾರ್ಮಿಕರ ಪೂರ್ಣ ಮಾಹಿತಿಯುಳ್ಳ ಡಾಟಾಬೇಸ್‌ ತಯಾರಿಸಲು ಮುಂದಾಗಿರುವ ಕೇಂದ್ರ ಕಾರ್ಮಿಕ ಸಚಿವಾಲಯದ ಪರಿಶ್ರಮಕ್ಕೆ ಉತ್ತಮ ಸ್ಪಂದನೆ ಸಿಕ್ಕಿದೆ.

ಆ. 26ರಂದು ಜಾರಿಗೆ ಬಂದ ’ಇ-ಶ್ರಮ’ ವೆಬ್‌ಪೋರ್ಟಲ್‌ನಲ್ಲಿ ದೇಶಾದ್ಯಂತ 1 ಕೋಟಿಗೂ ಅಧಿಕ ಕಾರ್ಮಿಕರು ನೋಂದಣಿ ಮಾಡಿಕೊಂಡಿದ್ದಾರೆ.
ಕೃಷಿ ವಲಯ, ನಿರ್ಮಾಣ, ಸಾರಿಗೆ, ಮೀನುಗಾರಿಕೆ, ಉತ್ಪಾದನೆ, ರಸ್ತೆ ಬದಿ ವ್ಯಾಪಾರ, ಮನೆಗೆಲಸ ಸೇರಿದಂತೆ ಹಲವು ವಲಯಗಳಲ್ಲಿನ ಕಾರ್ಮಿಕರು ತಮ್ಮ ಗುರುತನ್ನು ಕೇಂದ್ರ ಸರ್ಕಾರದ ದಾಖಲೆಗಳಲ್ಲಿ ಖಾತ್ರಿ ಆಗಿಸಿಕೊಳ್ಳಲು ನೋಂದಣಿ ಮಾಡಿಕೊಂಡಿದ್ದಾರೆ. ಭವಿಷ್ಯದಲ್ಲಿ ಈ ಕಾರ್ಮಿಕರಿಗೆ ಕೇಂದ್ರ ಸರ್ಕಾರವು ಹೊಸ ಯೋಜನೆ ಅಡಿಯಲ್ಲಿ ಸೌಲಭ್ಯ ಒದಗಿಸಲು ಈ ಪೋರ್ಟಲ್‌ ಬಹಳ ನೆರವಾಗಲಿದೆ.

ಜಾರಿಗೆ ಬಂದ 24 ದಿನಗಳಲ್ಲೇ 1 ಕೋಟಿ ಕಾರ್ಮಿಕರು ನೋಂದಣಿ ಆಗಿರುವುದು ಸಂತಸ ತಂದಿದೆ. ದೇಶದಲ್ಲಿಅಸಂಘಟಿತ ವಲಯದ 38 ಕೋಟಿ ಕಾರ್ಮಿಕರು ಇದ್ದಾರೆ ಎಂದು 2019-20ನೇ ಸಾಲಿನ ಆರ್ಥಿಕ ಸಮೀಕ್ಷೆ ಹೇಳಿದೆ. ಸಾಮಾಜಿಕ ಭದ್ರತೆ ಹಾಗೂ ವೃತ್ತಿ ಆಧರಿತ ಸೌಲಭ್ಯಗಳನ್ನು ಅವರಿಗೆ ಮುಟ್ಟಿಸಲು ಇ-ಶ್ರಮ ಪೋರ್ಟಲ್‌ ರಹದಾರಿ ಆಗಿದೆ ಎಂದು ಕಾರ್ಮಿಕ ಸಚಿವಾಲಯದ ಕಾರ್ಯದರ್ಶಿ ರಾಮೇಶ್ವರ ತೆಲಿ ಅಭಿಪ್ರಾಯಪಟ್ಟಿದ್ದಾರೆ.

ಭಾರತದಲ್ಲಿ ಘಟಕ ಬಂದ್​ ಘೋಷಣೆ ನಡುವೆಯೂ ಚೆನ್ನೈನಲ್ಲಿ ಉತ್ಪಾದನೆ ಪುನಾರಂಭಿಸಿದ ಫೋರ್ಡ್​
ಬಿಹಾರ, ಒಡಿಶಾ, ಉತ್ತರಪ್ರದೇಶ ಹಾಗೂ ಪಶ್ಚಿಮ ಬಂಗಾಳದಿಂದ ಅತಿಹೆಚ್ಚು ಕಾರ್ಮಿಕರು ವೆಬ್‌ಪೋರ್ಟಲ್‌ಗೆ ನೋಂದಣಿ ಮಾಡಿಸಿದ್ದಾರೆ ಎನ್ನಲಾಗಿದೆ.