ಎಲ್ಪಿಜಿ ಸಿಲಿಂಡರ್ಗಳನ್ನ ಪಡೆಯುವುದು ಇದೀಗ ಇನ್ನಷ್ಟು ಸುಲಭವಾಗಿದೆ. ಇತ್ತೀಚೆಗೆ ತಮ್ಮ ಮನೆಯ ವಿಳಾಸವನ್ನ ಬದಲಾಯಿಸಿದವರು ಹಾಗೂ ಮನೆ ಶಿಫ್ಟ್ ಮಾಡಲು ಪ್ಲಾನ್ ಮಾಡುತ್ತಿರುವವರಿಗೆ ನಿಜಕ್ಕೂ ಇದೊಂದು ಸಂತಸದ ವಿಚಾರವಾಗಿದೆ.
ಇಂಡಿಯನ್ ಆಯಿಲ್ನ ಚೋಟು 5 ಕೆಜಿ ಸಿಲಿಂಡರ್ ಪಡೆಯಲು ಗ್ರಾಹಕರು ಯಾವುದೇ ಅಡ್ರೆಸ್ ಪ್ರೂಫ್ ನೀಡಬೇಕಾದ ಅವಶ್ಯಕತೆ ಇಲ್ಲ. ಇಂಡೇನ್ ವಿತರಕರ ಬಳಿ ಗ್ರಾಹಕರು ಈ ಚೋಟು ಸಿಲಿಂಡರ್ನ್ನು ಯಾವುದೇ ಪುರಾವೆ ನೀಡದೇ ಪಡೆಯಬಹುದಾಗಿದೆ. ಅಲ್ಲದೇ ಈ ಸಿಲಿಂಡರ್ಗಳು ನಿಮಗೆ ಇಂಡಿಯನ್ ಆಯಿಲ್ ರಿಟೇಲ್ ಔಟ್ಲೆಟ್, ಕಿರಾಣಿ ಅಂಗಡಿ ಹಾಗೂ ಸ್ಥಳೀಯ ಸೂಪರ್ ಮಾರ್ಕೆಟ್ಗಳಲ್ಲೂ ಸಿಗಲಿದೆ.
ತಮ್ಮ ಐಡೆಂಟಿಟಿ ಕಾರ್ಡ್ನ ಕಾಪಿಯನ್ನ ಸಲ್ಲಿಸುವ ಮೂಲಕ ಈ ಸಿಲಿಂಡರ್ನ್ನು ಗ್ರಾಹಕರು ಪಡೆಯಬಹುದಾಗಿದೆ. ಹಾಗೂ ಈ ಸಿಲಿಂಡರ್ಗಳನ್ನ ದೇಶದ ಯಾವುದೇ ಕೇಂದ್ರದಲ್ಲಿ ನೀವು ರೀಫಿಲ್ ಮಾಡಬಹುದಾಗಿದೆ.
ಚೋಟು ಸಿಲಿಂಡರ್ಗಳ ಬಗ್ಗೆ ನೀವು ತಿಳಿದುಕೊಳ್ಳಬೇಕಾದ ಪ್ರಮುಖ ಅಂಶಗಳು :
ಚೋಟು ಒಂದು 5 ಕೆಜಿ ಸಿಲಿಂಡರ್ ಆಗಿದ್ದು ಇಂಡಿಯನ್ ಆಯಿಲ್ ಸಂಸ್ಥೆ ಇದನ್ನ ಮಾರಾಟ ಮಾಡುತ್ತಿದೆ.
ಈ ಸಿಲಿಂಡರ್ನ್ನು ಪಡೆಯಲು ವಿಳಾಸ ಪುರಾವೆ ನೀಡುವ ಅವಶ್ಯಕತೆ ಇಲ್ಲ. ಗ್ರಾಹಕರ ಯಾವುದೇ ಒಂದು ಐಡೆಂಟೆಟಿ ಕಾರ್ಡ್ ಸಲ್ಲಿಕೆ ಮೂಲಕ ಈ ಸಿಲಿಂಡರ್ ಕೊಳ್ಳಬಹುದಾಗಿದೆ.
5 ಕೆಜಿ ಸಿಲಿಂಡರ್ ಖರೀದಿ ವೇಳೆ ಸೆಕ್ಯೂರಿಟಿ ಡಿಪಾಸಿಟ್ ಪಾವತಿ ಮಾಡಬೇಕೆಂದೇನಿಲ್ಲ.
ದೇಶದ ಬಹುತೇಕ ಎಲ್ಲಾ ಜಿಲ್ಲೆಗಳಲ್ಲಿ ಚೋಟು ಸಿಲಿಂಡರ್ ಸೇವೆ ಲಭ್ಯವಿದೆ. ನಿಮ್ಮ ಏರಿಯಾದ ಇಂಡೇನ್ ವಿತರಕರ ಬಳಿ ನೀವು ಈ ಸಿಲಿಂಡರ್ ಪಡೆಯಬಹುದಾಗಿದೆ ಅಥವಾ ಇಂಡಿಯನ್ ಆಯಿಲ್ ಔಟ್ಲೆಟ್ಸ್, ಆಯ್ದ ಕಿರಾಣಿ ಅಂಗಡಿ ಹಾಗೂ ಸ್ಥಳೀಯ ಸೂಪರ್ ಮಾರ್ಕೆಟ್ಗಳಲ್ಲಿ ಲಭ್ಯವಿರಲಿದೆ.
ಈ ಚೋಟು ಸಿಲಿಂಡರ್ನ್ನು ನೀವು ಹೋಮ್ ಡೆಲಿವರಿ ಮಾಡಿಸಿಕೊಳ್ಳಬಹುದಾಗಿದೆ, ಇದಕ್ಕಾಗಿ ನೀವು ಹೆಚ್ಚುವರಿ 25 ರೂಪಾಯಿಗಳನ್ನ ಪಾವತಿ ಮಾಡಬೇಕು.
Loading ...