ಟ್ವಿಟರ್, ಮೆಟಾ, ಅಮೆಜಾನ್ ಬಳಿಕ ಈ ಜನಪ್ರಿಯ ಕಂಪನಿಯಿಂದಲೂ ಉದ್ಯೋಗಿಗಳಿಗೆ ಬಿಗ್ ಶಾಕ್

ನವದೆಹಲಿ: ಉತ್ಪಾದನಾ ಮತ್ತು ಸ್ಟ್ರೀಮಿಂಗ್ ಕಂಪನಿ ವಾಲ್ಟ್ ಡಿಸ್ನಿ ಕೆಲವು ಉದ್ಯೋಗಗಳನ್ನು ಕಡಿತಗೊಳಿಸಲು ಯೋಜಿಸುತ್ತಿದೆ ಎಂದು ಹೇಳಲಾಗಿದೆ.

ಸೋರಿಕೆಯಾದ ಆಂತರಿಕ ಜ್ಞಾಪಕ ಪತ್ರದಲ್ಲಿ ಸಿಇಒ ಬಾಬ್ ಚಾಪೆಕ್, ನಿರಾಶಾದಾಯಕ ತ್ರೈಮಾಸಿಕ ಫಲಿತಾಂಶಗಳ ನಡುವೆ ನೇಮಕಾತಿಯನ್ನು ಸ್ಥಗಿತಗೊಳಿಸಲು ಮತ್ತು ಕೆಲವು ಉದ್ಯೋಗಗಳನ್ನು ಕಡಿತಗೊಳಿಸಲು ಯೋಜಿಸುತ್ತಿದ್ದಾರೆ. ಡಿಸ್ನಿಯು ಸರಿಸುಮಾರು 1,90,000 ಉದ್ಯೋಗಿಗಳನ್ನು ಹೊಂದಿದೆ. ನಾವು ಉದ್ದೇಶಿತ ನೇಮಕಾತಿ ಫ್ರೀಜ್ ಮೂಲಕ ಹೆಡ್‌ ಕೌಂಟ್ ಸೇರ್ಪಡೆಗಳನ್ನು ಮಿತಿಗೊಳಿಸುತ್ತಿದ್ದೇವೆ ಎಂದು ಸಿಇಒ ಬಾಬ್ ಚಾಪೆಕ್ ಜ್ಞಾಪಕದಲ್ಲಿ ತಿಳಿಸಿದ್ದಾರೆ.

ವಾಲ್ಟ್ ಡಿಸ್ನಿ ನಿರಾಶಾದಾಯಕ ತ್ರೈಮಾಸಿಕ ಫಲಿತಾಂಶಗಳನ್ನು ವರದಿ ಮಾಡಿದೆ. ಕಳೆದ ಕೆಲವು ತಿಂಗಳುಗಳಲ್ಲಿ ಕಂಪನಿಯ ಷೇರುಗಳು ತೀವ್ರವಾಗಿ ಕುಸಿದವು, ಬುಧವಾರದಂದು 52 ವಾರಗಳ ಕನಿಷ್ಠ ಮಟ್ಟವನ್ನು ತಲುಪಿತು.

ಕೆಲವು ದಿನಗಳ ಹಿಂದೆ, ಮೆಟಾ ಸಿಇಒ ಮಾರ್ಕ್ ಜುಕರ್‌ಬರ್ಗ್ ಉದ್ಯೋಗಿಗಳಿಗೆ ಆಂತರಿಕ ಪತ್ರದಲ್ಲಿ ಮೆಟಾ ಬುಧವಾರದಿಂದ ಜಾಗತಿಕವಾಗಿ ಸುಮಾರು 11,000 ಉದ್ಯೋಗಿಗಳನ್ನು ವಜಾಗೊಳಿಸಲು ಯೋಜಿಸುತ್ತಿದೆ. ಕಂಪನಿಯ ಆದಾಯ ಕುಸಿಯುತ್ತಿರುವುದರಿಂದ ಮತ್ತು ವೆಚ್ಚವನ್ನು ಕಡಿತಗೊಳಿಸುತ್ತಿರುವುದರಿಂದ ಇಂತಹ ಕ್ರಮ ಅನಿವಾರ್ಯವೆಂದು ಹೇಳಿದ್ದರು.