ರೈತರಿಗೆ ಕೇಂದ್ರದಿಂದ ಗುಡ್ ನ್ಯೂಸ್: ಕಬ್ಬಿನ FRP 15 ರೂ. ಹೆಚ್ಚಳದೊಂದಿಗೆ 305 ರೂ.

ನವದೆಹಲಿ: ಅಕ್ಟೋಬರ್‌ ನಿಂದ ಪ್ರಾರಂಭವಾಗುವ 2022-23 ನೇ ಸಾಲಿನ ಕಬ್ಬಿನ ನ್ಯಾಯಯುತ ಮತ್ತು ಲಾಭದಾಯಕ ಬೆಲೆಯನ್ನು(ಎಫ್‌ಆರ್‌ಪಿ) ಕ್ಯಾಬಿನೆಟ್ ಬುಧವಾರ ಕ್ವಿಂಟಲ್‌ಗೆ 15 ರೂ.ನಷ್ಟು ಹೆಚ್ಷಿಸಿದ್ದು, 305 ರೂ.ಗೆ ಹೆಚ್ಚಿಸಿದೆ,

ಕನಿಷ್ಠ ಮಾರಾಟ ಬೆಲೆಗೆ ಅನುಗುಣವಾಗಿ ಸಕ್ಕರೆ ಕಾರ್ಖಾನೆಗಳಿಂದ ಈ ದರ ನೀಡಬೇಕಿದೆ. 1966 ರ ಕಬ್ಬು(ನಿಯಂತ್ರಣ) ಆದೇಶದ ಪ್ರಕಾರ, ಸಕ್ಕರೆ ಕಾರ್ಖಾನೆಗಳು ಕಬ್ಬಿನ ರೈತರಿಗೆ ಪಾವತಿಸಬೇಕಾದ ಕನಿಷ್ಠ ಬೆಲೆ ಎಫ್.ಆರ್‌.ಪಿ.ಯಾಗಿದೆ, ಆದರೆ ಎಂಎಸ್‌ಪಿ ಸಕ್ಕರೆಯ ಕನಿಷ್ಠ ಮಾರಾಟ ಬೆಲೆಯಾಗಿದ್ದು, ಅದು ಅವರ ಉತ್ಪಾದನಾ ವೆಚ್ಚವನ್ನು ಮರುಪಡೆಯಲು ಸಹಾಯ ಮಾಡುತ್ತದೆ.

ಕ್ಯಾಬಿನೆಟ್ ನಿರ್ಧಾರದ ನಂತರ ಪ್ರತಿ ಕ್ವಿಂಟಲ್‌ಗೆ 305 ರೂ. ಎಫ್‌.ಆರ್‌.ಪಿ.ಯನ್ನು ಮೂಲ ಚೇತರಿಕೆ ದರ 10.25 ಕ್ಕೆ ಲಿಂಕ್ ಮಾಡಲಾಗಿದೆ. ಚೇತರಿಕೆ ದರವು ಕಬ್ಬು ಪಡೆಯುವ ಸಕ್ಕರೆಯ ಪ್ರಮಾಣವಾಗಿದೆ. ಕಬ್ಬಿನಿಂದ ಪಡೆದ ಸಕ್ಕರೆಯ ಪ್ರಮಾಣ ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೆಲೆ ಪಡೆಯುತ್ತದೆ.

ರೈತರ ಹಿತಾಸಕ್ತಿಗಳನ್ನು ರಕ್ಷಿಸಲು ಮುಖ್ಯವಾಗಿ ಹೆಚ್ಚು ಇಳುವರಿ ನೀಡುವ ತಳಿಗಳನ್ನು ಹೊಂದಿರದ ರೈತರ ಹಿತಾಸಕ್ತಿಗಳನ್ನು ರಕ್ಷಿಸಲು, ಕೇಂದ್ರವು 9.5 ರಷ್ಟು ಚೇತರಿಕೆಗೆ ಕ್ವಿಂಟಾಲ್‌ ಗೆ 282.12 ರೂ ಬೆಲೆಯನ್ನು ನಿಗದಿಪಡಿಸಲು ನಿರ್ಧರಿಸಿದೆ. ಮತ್ತು ಯಾವುದೇ ಕಡಿತ ಇರುವುದಿಲ್ಲ. ಅಂತಹ ರೈತರು ಪ್ರಸಕ್ತ ಸಕ್ಕರೆ ಋತುವಿನಲ್ಲಿ ಪ್ರತಿ ಕ್ವಿಂಟಾಲ್‌ಗೆ 275.50 ರೂ. ಬದಲಿಗೆ 2022-23 ರ ಸಕ್ಕರೆ ಹಂಗಾಮಿನಲ್ಲಿ ಪ್ರತಿ ಕ್ವಿಂಟಲ್‌ಗೆ 282.12 ರೂ.ಗಳನ್ನು ಪಡೆಯುತ್ತಾರೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.

ಕಬ್ಬು ಉತ್ಪಾದಿಸುವ ಪ್ರಮುಖ ರಾಜ್ಯಗಳಾದ ಉತ್ತರ ಪ್ರದೇಶ, ಪಂಜಾಬ್ ಮತ್ತು ಹರಿಯಾಣಗಳು ತಮ್ಮದೇ ಆದ ಕಬ್ಬಿನ ಬೆಲೆಯನ್ನು ‘ರಾಜ್ಯ ಸಲಹಾ ಬೆಲೆಗಳು’ (SAPs) ಎಂದು ನಿಗದಿಪಡಿಸುತ್ತವೆ, ಇದು ಸಾಮಾನ್ಯವಾಗಿ ಕೇಂದ್ರದ FRP ಗಿಂತ ಹೆಚ್ಚಾಗಿದೆ.