ನವದೆಹಲಿ: ಲಾಕ್ ಡೌನ್ ಜಾರಿ ಮಾಡಿರುವುದರಿಂದ ಗ್ರಾಹಕರಿಗೆ ಅನುಕೂಲ ಕಲ್ಪಿಸಲು ಹಲವು ಟೆಲಿಕಾಂ ಕಂಪನಿಗಳು ಮುಂದಾಗಿವೆ.
ಮೇ 3 ರವರೆಗೆ ಲಾಕ್ಡೌನ್ ಜಾರಿಯಲ್ಲಿರುವುದರಿಂದ ಟೆಲಿಕಾಂ ಕಂಪನಿಗಳು ಗ್ರಾಹಕರ ನೆರವಿಗೆ ಮುಂದಾಗಿದ್ದು ಪ್ರಿಪೇಯ್ಡ್ ಸೇವೆಯನ್ನು ಮೇ 3 ರವರೆಗೂ ವಿಸ್ತರಿಸಲು ಮುಂದಾಗಿವೆ. ಪ್ರಸ್ತುತ ಕೊರೋನಾ ಬಿಕ್ಕಟ್ಟಿನ ಸಮಯದಲ್ಲಿ ಕಡಿಮೆ ಆದಾಯ ಹೊಂದಿದ ಗ್ರಾಹಕರು ಮತ್ತು ಎಲ್ಲರಿಗೂ ಈ ಸೇವೆ ನೆರವಾಗಲಿದೆ ಎಂದು ರಿಲಯನ್ಸ್ ಜಿಯೋ ತಿಳಿಸಿದೆ.
ಅದೇ ರೀತಿ ಏರ್ಟೆಲ್, ವೊಡಾಫೋನ್ ಐಡಿಯಾ ಕಂಪನಿಗಳು ಕೂಡ ರಿಚಾರ್ಜ್ ಅವಧಿಯನ್ನು ವಿಸ್ತರಣೆ ಮಾಡಿವೆ. ಸುಮಾರು ಮೂರು ಕೋಟಿಯಷ್ಟು ಗ್ರಾಹಕರಿಗೆ ಲಾಕ್ ಡೌನ್ ಅವಧಿಯಲ್ಲಿ ರಿಚಾರ್ಜ್ ಮಾಡಿಸಲು ಸಾಧ್ಯವಾಗುವುದಿಲ್ಲ. ಅಂತಹ ಗ್ರಾಹಕರಿಗೆ ಮೇ 3 ರವರೆಗೂ ಸೇವೆ ಮುಂದುವರಿಯಲಿದೆ ಎಂದು ಪ್ರಮುಖ ಟೆಲಿಕಾಂ ಕಂಪನಿಗಳಲ್ಲಿ ಒಂದಾದ ಏರ್ಟೆಲ್ ತಿಳಿಸಿದೆ.
ಲಾಕ್ಡೌನ್ ಹಿನ್ನೆಲೆಯಲ್ಲಿ ಗ್ರಾಹಕರ ನೆರವಿಗೆ ಟೆಲಿಕಾಂ ಕಂಪನಿಗಳು ಮುಂದಾಗಿದ್ದು, ಪ್ರಿಪೇಯ್ಡ್ ಅವಧಿಯನ್ನು ಮೇ 3 ರವರೆಗೂ ವಿಸ್ತರಿಸಲಿವೆ. ಪ್ರಿಪೇಯ್ಡ್ ಅವಧಿ ಪೂರ್ಣಗೊಂಡ ಗ್ರಾಹಕರಿಗೆ ಇದರಿಂದ ಅನುಕೂಲವಾಗಲಿದೆ ಎಂದು ಹೇಳಲಾಗಿದೆ.