ಇಷ್ಟು ದಿನ ರೈಲು ಸರಿಯಾದ ಸಮಯಕ್ಕೆ ಬರುತ್ತಿಲ್ಲ. ಎಲ್ಲಿ ಇದೆಯೋ ಏನೋ ಎಂಬ ಪ್ರಶ್ನೆಗಳು ರೈಲು ಪ್ರಯಾಣಿಕರಿಗೆ ಕಾಡುತ್ತಲೇ ಇದ್ದವು. ಆದರೆ ಇನ್ಮುಂದೆ ಹಾಗಲ್ಲ. ರೈಲು ಎಷ್ಟೊತ್ತಿಗೆ ತಾವಿರುವ ಸ್ಟೇಷನ್ ತಲುಪುತ್ತದೆ. ಈ ಸಮಯಕ್ಕೆ ಎಲ್ಲಿದೆ. ಯಾವ ಸ್ಟೇಷನ್ ಬಳಿ ಇದೆ ಎಂಬ ಸ್ಪಷ್ಟ ಮಾಹಿತಿ ನಿಮಗೆ ತಿಳಿಯಲಿದೆ.
ಹೌದು, ಯೇ ರಿಯಲ್ ಟೈಮ್ ಇನ್ಫರ್ಮೇಶನ್ ಸಿಸ್ಟಮ್ ಆಧಾರದ ಮೇಲೆ ರೈಲಿನ ಲೊಕೇಷನ್ ಮಾಹಿತಿಗಾಗಿ ನ್ಯಾಷನಲ್ ರೈಲು ವಿಚಾರಣೆಯನ್ನು ಅಪ್‌ಗ್ರೇಡ್ ಮಾಡಲಾಗುತ್ತಿದೆ. ಈ ಮೂಲಕ ರೈಲು ಎಷ್ಟೊತ್ತಿಗೆ ತಾವಿರುವ ಸ್ಥಳಗಳನ್ನು ತಲುಪುತ್ತದೆ ಎಂಬ ಸ್ಪಷ್ಟ ಮಾಹಿತಿ ಸಿಗಲಿದೆ. ರೈಲುಗಳಿಗೆ ಜಿಪಿಎಸ್ ಅಳವಡಿಸುವ ಮೂಲಕ ಈ ಮಾಹಿತಿ ಕಲೆ ಹಾಕಲಾಗುತ್ತಿದೆ.
ಶೀಘ್ರದಲ್ಲಿಯೇ ಈ ವ್ಯವಸ್ಥೆ ಜಾರಿಗೆ ಬರಲಿದೆ. ಇನ್ನು ಭಾರತೀಯ ಬಾಹ್ಯಾಕಾಶ ಸಂಸ್ಥೆ ರೈಲುಗಳ ಜಿಪಿಎಸ್ ಮೇಲೆ ನಿಗಾ ವಹಿಸಲಿದೆ. ಈಗಾಗಲೇ ಸುಮಾರು 2700 ಇಂಜಿನ್‌ಗಳಲ್ಲಿ ಡಿವೈಸ್‌ಗಳನ್ನು ಅಳವಡಿಸಲಾಗಿದ್ದು ಕೆಲಸಗಳು ಆರಂಭವಾಗಿವೆ.
Loading ...