ಬಿಗ್‌ ನ್ಯೂಸ್: ರೈಲ್ವೆ ಪ್ರಯಾಣಿಕರ ಜೇಬಿಗೆ ಬೀಳಲಿದೆ ಕತ್ತರಿ

ಶೀಘ್ರದಲ್ಲೇ ರೈಲ್ವೆ ಪ್ರಯಾಣ ದುಬಾರಿಯಾಗಲಿದೆ.‌ ರೈಲ್ವೆ ಕೆಲ ದೊಡ್ಡ ರೈಲ್ವೆ ನಿಲ್ದಾಣಗಳಲ್ಲಿ ಯೂಸರ್ ಫೀ ವಸೂಲಿ ಮಾಡುವ ತಯಾರಿಯಲ್ಲಿದೆ. ಇದು ರೈಲ್ವೆ ಟಿಕೆಟ್ ಭಾಗವಾಗಲಿದೆ. ಎಸಿ ಕೋಚ್ ನಲ್ಲಿ ಪ್ರಯಾಣಿಸುವವರು ಹೆಚ್ಚಿನ ಬಳಕೆದಾರ ಶುಲ್ಕವನ್ನು ನೀಡಬೇಕಾಗುತ್ತದೆ.

ಎಸಿ 1 ನಲ್ಲಿ ಪ್ರಯಾಣಿಸುವವರು ಬಳಕೆದಾರರ ಶುಲ್ಕವಾಗಿ 30 ರೂಪಾಯಿಗಳನ್ನು ಪಾವತಿಸಬೇಕಾಗಬಹುದು. ಎಸಿ 2 ಮತ್ತು ಎಸಿ 3 ನಲ್ಲಿ ಪ್ರಯಾಣಿಸುವವರಿಗೆ, ಬಳಕೆದಾರರ ಶುಲ್ಕ ಕಡಿಮೆ ಇರುತ್ತದೆ ಮತ್ತು ಸ್ಲೀಪರ್ ವರ್ಗದ ಪ್ರಯಾಣಿಕರಿಗೆ ಸಾಧಾರಣವಾಗಿರುತ್ತದೆ.

ಬಳಕೆದಾರರ ಕನಿಷ್ಠ ಶುಲ್ಕ 10 ರೂಪಾಯಿ. ಈ ನಿಟ್ಟಿನಲ್ಲಿ ರೈಲ್ವೆ ಸಚಿವಾಲಯವು ಕೆಲಸ ಮಾಡುತ್ತಿದೆ. ಶೀಘ್ರದಲ್ಲೇ ಸಂಪುಟದ ಅನುಮೋದನೆಗೆ ಇಡಲಿದೆ. ಮೂಲಗಳ ಪ್ರಕಾರ, ಕಾಯ್ದಿರಿಸದ ವರ್ಗ ಮತ್ತು ಉಪನಗರ ರೈಲು ಪ್ರಯಾಣಿಕರಿಂದ ಕನಿಷ್ಠ ಬಳಕೆದಾರರ ಶುಲ್ಕವನ್ನು ಸಂಗ್ರಹಿಸುವ ಬಗ್ಗೆ ಇನ್ನೂ ತೀರ್ಮಾನಕ್ಕೆ ಬರಲಾಗಿಲ್ಲ.

ರೈಲ್ವೆ ಸಚಿವಾಲಯವು ಮಾಡಿದ ಪ್ರಸ್ತಾವನೆಯ ಪ್ರಕಾರ, ಯಾರನ್ನಾದರೂ ರೈಲ್ವೆ ನಿಲ್ದಾಣಕ್ಕೆ ಬಿಡಲು ಬಂದಿದ್ದರೆ ಅಥವಾ ಕರೆದುಕೊಂಡು ಹೋಗಲು ಬಂದಿದ್ದರೆ ಪ್ಲಾಟ್‌ಫಾರ್ಮ್ ಟಿಕೆಟ್‌ ಜೊತೆ ಹೆಚ್ಚುವರಿಯಾಗಿ ಸಂದರ್ಶಕರ ಶುಲ್ಕವನ್ನು ಪಾವತಿಸಬೇಕಾಗಬಹುದು. ಬಳಕೆದಾರರ ಶುಲ್ಕದಿಂದಾಗಿ ಸಾಮಾನ್ಯ ಪ್ರಯಾಣಿಕರು ಯಾವುದೇ ತೊಂದರೆಗಳನ್ನು ಎದುರಿಸುವುದಿಲ್ಲ ಎಂದು ರೈಲ್ವೆ ಮಂಡಳಿಯ ಸಿಇಒ ಮತ್ತು ಅಧ್ಯಕ್ಷ ವಿ.ಕೆ. ಯಾದವ್ ಇತ್ತೀಚೆಗೆ ಹೇಳಿದ್ದಾರೆ.