ಬಾಲಿವುಡ್ ನಟ ಸೋನುಸೂದ್ ತಮ್ಮ ನಟನಾ ಶೈಲಿಯ ಜೊತೆ ಜೊತೆಗೆ ಮಾನವೀಯ ಮೌಲ್ಯಗಳ ಮೂಲಕವೂ ಮನೆ ಮಾತಾದಂತವರು. ಲಾಕ್ಡೌನ್ ಸಂದರ್ಭದಲ್ಲಿ ಕಾಲ್ನಡಿಗೆ ಮೂಲಕ ಹುಟ್ಟೂರಿಗೆ ಸಾಗುತ್ತಿದ್ದ ಅನೇಕ ವಲಸೆ ಕಾರ್ಮಿಕರಿಗೆ ಸಾರಿಗೆ ವ್ಯವಸ್ಥೆ ಮಾಡುವ ಮೂಲಕ ಸಮಾಜ ಸೇವೆ ಮಾಡಿದ್ದಾರೆ.
ಆದರೆ ಸೂದ್ರ ಈ ಮಾನವೀಯ ಬುದ್ಧಿ ಇಲ್ಲಿಗೆ ಕೊನೆಯಾಗಿಲ್ಲ. ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುವ ಈ ನಟ ನಿರ್ಗತಿಕರಿಗೆ ಸಹಾಯ ಮಾಡಲು ಟ್ವಿಟರ್ನ್ನ ಅವಲಂಬಿಸಿದ್ದಾರೆ. ಟ್ರ್ಯಾಕ್ಟರ್ ಉಡುಗೊರೆಯಾಗಿ ನೀಡೋದ್ರಿಂದ ಹಿಡಿದು ಉದ್ಯೋಗ ಕಳೆದುಕೊಂಡವರಿಗೆ ಸಹಾಯ ಮಾಡುವ ಮೂಲಕ ಸೂದ್ ಸದಾ ಸುದ್ದಿಯಲ್ಲೇ ಇರ್ತಾರೆ.
ಇದೀಗ ಉತ್ತರ ಪ್ರದೇಶದ ಮಿರ್ಜಾಪುರ ಹಾಗೂ ಸೋನ್ಭದ್ರಾ ಜಿಲ್ಲೆಯಲ್ಲಿರುವ ವಿದ್ಯಾರ್ಥಿನಿಯರಿಗೆ ಸೈಕಲ್ಗಳನ್ನ ನೀಡೋದಾಗಿ ಸೂದ್ ಹೇಳಿದ್ದಾರೆ. ಈ ಹೆಣ್ಣುಮಕ್ಕಳು ವ್ಯಾಸಂಗಕ್ಕಾಗಿ 8 ರಿಂದ 15 ಕಿಲೋಮೀಟರ್ ಪ್ರಯಾಣಿಸಬೇಕು ಎಂಬ ವಿಚಾರ ತಿಳಿದ ಸೂದ್ ಈ ಸಹಾಯ ಮಾಡೋಕೆ ಮುಂದಾಗಿದ್ದಾರೆ.
ಸಂತೋಷ್ ಚೌಹಾಣ್ ಎಂಬ ಟ್ವೀಟರ್ ಬಳಕೆದಾರರು ಈ ಹುಡುಗಿಯರ ಸಂಕಷ್ಟವನ್ನ ಟ್ವೀಟ್ ಮಾಡುವ ಮೂಲಕ ಸೂದ್ ಗಮನ ಸೆಳೆದಿದ್ದರು. ಸಂತೋಷ್ ಟ್ವೀಟ್ಗೆ ಕೂಡಲೇ ಪ್ರತಿಕ್ರಿಯಿಸಿದ ಸೂದ್, ಈ ಹಳ್ಳಿಯ ಪ್ರತಿಯೊಬ್ಬ ಹುಡುಗಿಯೂ ಸೈಕಲ್ ಹೊಂದುತ್ತಾಳೆ. ಸದ್ಯದಲ್ಲೇ ನಿಮಗೆಲ್ಲ ಸೈಕಲ್ ತಲುಪಲಿದೆ ಅಂತಾ ಭರವಸೆ ನೀಡಿದ್ದಾರೆ.
Loading ...