ಕಳೆದ ಒಂದೂವರೆ ತಿಂಗಳಿಂದ ಸಾಕಷ್ಟು ಮಂದಿ ಉದ್ಯೋಗವಿಲ್ಲದೆ ಮನೆಯಲ್ಲಿ ಕೂರುವಂತಾಗಿದೆ. ಹೀಗಾಗಿ ಬಡವರಿಗೆ, ನಿರ್ಗತಿಕರಿಗೆ, ಆರ್ಥಿಕವಾಗಿ ಹಿಂದುಳಿದವರಿಗೆ ಸರ್ಕಾರ ಸೇರಿದಂತೆ ಇತರೆ ಸಂಘ – ಸಂಸ್ಥೆಗಳು ದಿನಸಿ, ಊಟ ನೀಡುತ್ತಿವೆ.
ಇನ್ನು ಒಂದಿಷ್ಟು ಕಡೆಗಳಲ್ಲಿ ಸರಿಯಾಗಿ ಊಟದ ವ್ಯವಸ್ಥೆ ಆಗುತ್ತಿಲ್ಲ ಅಂತಲೂ ಹೇಳಲಾಗುತ್ತಿದೆ. ಇದ್ದಂತವರು ಇಲ್ಲದವರಿಗೆ ಸಹಾಯ ಮಾಡಿ ಎಂದು ಹೇಳಲಾಗಿದ್ದರೂ ಈ ಸಹಾಯ ತುಂಬಾ ಕಡೆ ಆಗುತ್ತಿಲ್ಲ. ಹೀಗಾಗಿ ನಟಿಯೊಬ್ಬರು ಸಹಾಯ ಮಾಡುವವರಿಗೊಂದು ಆಫರ್ ನೀಡಿದ್ದಾರೆ.
ಹೌದು, ರಾಜಕಾರಣಿಗಳು, ಸಿನಿಮಾ ಸ್ಟಾರ್ಸ್ ಗಳು, ಸಂಘ – ಸಂಸ್ಥೆಗಳು ನಿರ್ಗತಿಕರಿಗೆ ಸಹಾಯ ಮಾಡುತ್ತಿದ್ದಾರೆ. ಇದೀಗ ಪರಿಣಿತಿ ಚೋಪ್ರಾ ಸಹಾಯ ಮಾಡುವ ಸಾರ್ವಜನಿಕರಿಗೆ ಆಫರ್ ಒಂದನ್ನು ನೀಡಿದ್ದಾರೆ. ಈ ಬಗ್ಗೆ ನಟಿ ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಪೋಸ್ಟ್ ಒಂದನ್ನು ಹಾಕಿದ್ದಾರೆ. ದಿನಗೂಲಿ ನೌಕರರಿಗೆ ಸಹಾಯ ಮಾಡಿ ನನ್ನೊಂದಿಗೆ ಕಾಫಿ ಡೇಟ್ ನಲ್ಲಿ ಭಾಗವಹಿಸಿ ಎಂದು ಹೇಳಿದ್ದಾರೆ.
ಪರಿಣಿತಿ ಅವರ ಜೊತೆ ಕಾಫಿ ಕುಡಿಯಲು ಬಯಸುವವರು ಸಹಾಯ ಮಾಡಬೇಕು. ಪರಿಣಿತಿ ಮತ್ತು ಸಹಾಯ ಮಾಡಿದ ವ್ಯಕ್ತಿ ಲೈವ್ನಲ್ಲಿ ಕುಳಿತುಕೊಂಡು ಕಾಫಿ ಸವಿಯುತ್ತಾ ಕೆಲ ಕಾಲ ಮಾತನಾಡಬಹುದು. ಇಂತಹದೊಂದು ಅವಕಾಶ ನಿಮ್ಮದಾಗಬೇಕು ಎಂದರೆ ನೀವು ಬೇರೆಯವರಿಗೆ ಸಹಾಯ ಮಾಡಿ.