ಹೊಸ ಮನೆ ಖರೀದಿಸಿ ಸಲ್ಮಾನ್ ಖಾನ್ಗೆ ಧನ್ಯವಾದ ಹೇಳಿದ ನಟಿ 12-03-2021 1:17PM IST / No Comments / Posted In: Latest News, Entertainment ʼಬಿಗ್ ಬಾಸ್ʼ ಸೀಸನ್ 11ನಲ್ಲಿ ವೀಕ್ಷಕರ ಮನಸ್ಸನ್ನ ಗೆದ್ದಿದ್ದ ಆರ್ಶಿ ಖಾನ್ ಬಿಗ್ ಬಾಸ್ 14ನೇ ಸೀಸನ್ನಲ್ಲಿ ಅತ್ಯದ್ಭುತ ಪ್ರದರ್ಶನ ನೀಡುವ ಮೂಲಕ ಮತ್ತೊಮ್ಮೆ ಸುದ್ದಿಯಾಗಿದ್ದರು. ಇದೀಗ ತಮ್ಮ ಬಹುಕಾಲದ ಕನಸನ್ನ ನನಸು ಮಾಡಿಕೊಂಡಿರುವ ಆರ್ಶಿ ಖಾನ್, ವಾಣಿಜ್ಯ ನಗರಿ ಮುಂಬೈನಲ್ಲಿ ಸ್ವಂತ ಮನೆ ಖರೀದಿ ಮಾಡುವಲ್ಲಿ ಯಶಸ್ವಿಯಾಗಿದ್ದಾರೆ. ಅಲ್ಲದೇ ತಮ್ಮ ಈ ಕನಸು ಸಾಕಾರಗೊಂಡ ಬಳಿಕ ನಟ ಸಲ್ಮಾನ್ ಖಾನ್ಗೆ ಧನ್ಯವಾದ ಹೇಳಿದ್ದಾರೆ. ಆರ್ಶಿ ಖಾನ್ ಸೋಮವಾರ ರಾತ್ರಿ ತಮ್ಮ ನೂತನ ನಿವಾಸಕ್ಕೆ ಶಿಫ್ಟ್ ಆಗಿದ್ದಾರೆ. ತಮ್ಮ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹೊಸ ಮನೆಯ ಫೋಟೋ ಹಾಗೂ ವಿಡಿಯೋಗಳನ್ನ ಶೇರ್ ಮಾಡಿದ್ದಾರೆ. ನಾನು ಚಂದ್ರನ ಅಂಗಳದಲ್ಲಿ ಮನೆ ಖರೀದಿ ಮಾಡಿದ್ದೇನೆ ಎಂದು ಭಾಸವಾಗ್ತಿದೆ ಎಂದು ಆರ್ಶಿ ಖಾನ್ ಸಂತಸ ಹೊರಹಾಕಿದ್ದಾರೆ. ಸಂದರ್ಶನವೊಂದರಲ್ಲಿ ಈ ವಿಚಾರ ಶೇರ್ ಮಾಡಿರುವ ನಟಿ ಆರ್ಶಿ ಖಾನ್, ನಾನು ಮುಂಬೈಗೆ ಬಂದಾಗಿನಿಂದಲೂ ಬಾಡಿಗೆ ಮನೆಯಲ್ಲೇ ವಾಸವಾಗಿದ್ದೆ. ಮುಂಬೈನಲ್ಲೊಂದು ಮನೆ ಖರೀದಿ ಮಾಡಬೇಕು ಅನ್ನೋದು ನನ್ನ ಕನಸಾಗಿತ್ತು. ಭಾನುವಾರ ರಾತ್ರಿಯವರೆಗೆ ನಾನು ಬಾಡಿಗೆ ಮನೆಯಲ್ಲೇ ಇದ್ದೆ. ಆದರೆ ಇದೀಗ ನನ್ನ ಸ್ವಂತ ಮನೆಯನ್ನ ನೋಡ್ತಿದ್ರೆ ನನ್ನ ಮೇಲೆ ನನಗೆ ಹೆಮ್ಮೆ ಎನಿಸುತ್ತೆ. ನಾನು ಚಂದ್ರನ ಅಂಗಳದಲ್ಲಿ ಮನೆ ಖರೀದಿ ಮಾಡಿದ್ದೇನೆ ಎಂದೆನಿಸುತ್ತಿದೆ ಎಂದು ಹೇಳಿದ್ರು. ದೇವರು ಎಂದಿಗೂ ನನ್ನ ಪರವಾಗಿದ್ದಾನೆ. ನನ್ನ ಪೋಷಕರು ಕೂಡ ನನ್ನ ಪ್ರತಿ ಹೆಜ್ಜೆಯ ಮೇಲೂ ನಂಬಿಕೆ ಇಟ್ಟಿದ್ದಾರೆ. ಅಲ್ಲದೇ ಸಲ್ಮಾನ್ ಖಾನ್ ಹಾಗೂ ಬಿಗ್ ಬಾಸ್ ಶೋಗೆ ನನ್ನ ವಿಶೇಷ ಧನ್ಯವಾದ ಹೇಳಿದ್ದಾರೆ. View this post on Instagram A post shared by ARSHI KHAN AK (@arshikofficial)