ಬಾಲಿವುಡ್ ನಟ ಅಭಿಷೇಕ್ ಬಚ್ಚನ್ ಅಂದ್ರೆ ಗೊತ್ತಿಲ್ಲ ಅನ್ನೋರು ಯಾರೂ ಇಲ್ಲ. ತಮ್ಮ ಸಿನಿಮಾ, ಕ್ರೀಡಾಸಕ್ತಿ ಜೊತೆ ಜೊತೆಗೆ ಸೋಶಿಯಲ್ ಮೀಡಿಯಾದಲ್ಲಿ ಸಕ್ರಿಯರಾಗಿ ಇರುವ ಮೂಲಕವೂ ಮಿ. ಜೂನಿಯರ್ ಬಚ್ಚನ್ ಸುದ್ದಿಯಾಗುತ್ತಲೇ ಇರ್ತಾರೆ.
ತಮ್ಮ ಬಿರುಸು ನುಡಿಗಳಿಂದಲೇ ಟ್ರೋಲಿಗರ ಬಾಯಿ ಮುಚ್ಚಿಸುವ ತಾಕತ್ತು ಅಭಿಷೇಕ್ ಬಚ್ಚನ್ರಿಗಿದೆ. ಹಾಗೂ ಬಚ್ಚನ್ರ ಈ ಗುಣ ಅನೇಕರಿಗೆ ಇಷ್ಟವೂ ಹೌದು. ಕೆಲದಿನಗಳ ಹಿಂದಷ್ಟೇ ಯಾರೋ ಟ್ರೋಲಿಗರು ಅಭಿಷೇಕ್ ಮುಖಕ್ಕೆ ಹೋಲಿಕೆ ಇರುವ ರೈತನೊಬ್ಬನ ಫೋಟೋ ಶೇರ್ ಮಾಡಿದ್ದರು. ಅಲ್ಲದೇ…..ಅಭಿಷೇಕ್ ಏನಾದ್ರೂ ಬಚ್ಚನ್ ಆಗಿರದೇ ಇದ್ದಿದ್ದರೆ ಹೀಗೆ ಇರುತ್ತಿದ್ದರು ಅಂತಾ ಕ್ಯಾಪ್ಶನ್ ಹಾಕುವ ಮೂಲಕ ವ್ಯಂಗ್ಯವಾಡಿದ್ದರು.
ಇದಕ್ಕೆ ಉತ್ತರಿಸಿದ ಅಭಿಷೇಕ್ ಬಚ್ಚನ್ ಆದರೂ ನಿನಗಿಂತ ಚೆನ್ನಾಗಿ ಕಾಣುತ್ತಿದ್ದೆ ಅಂತಾ ಕಾಮೆಂಟ್ ಹಾಕುವ ಮೂಲಕ ಟ್ರೋಲಿಗನ ಬಾಯಿ ಮುಚ್ಚಿಸಿದ್ದಾರೆ.
ಆದರೆ ಇಲ್ಲಿಗೆ ಸಂಭಾಷಣೆ ಅಂತ್ಯವಾಗಿಲ್ಲ. ತನ್ನ ಮುಂದಿನ ಟ್ವೀಟರ್ನಲ್ಲಿ ಬಳಕೆದಾರರೊಬ್ಬರು ಅಭಿಷೇಕ್ರ ದೋಸ್ತಾನಾ ಚಿತ್ರದ ಕ್ಲಿಪ್ವೊಂದನ್ನ ಶೇರ್ ಮಾಡಿ ನೀವು ನನ್ನ ಇಷ್ಟಪಡ್ತೀರಿ ಎಂದು ನನಗೆ ತಿಳಿದಿದೆ ಅಂತಾ ಬರೆದುಕೊಂಡಿದ್ರು.
ನಾನು ನನ್ನ ತಂದೆಗಾಗಿ ಪಾ ಸಿನಿಮಾ ಮಾಡಿದ್ದೇನೆ. ನನ್ನ ಕೆಲವು ಚಿತ್ರಗಳು ಒಳ್ಳೆಯ ಕಲೆಕ್ಷನ್ ಮಾಡಿಲ್ಲ. ಕೆಲವೊಂದು ಸಿನಿಮಾಗೆ ಬಜೆಟ್ ಸಮಸ್ಯೆಯೂ ಉಂಟಾಗಿತ್ತು. ಆದರೆ ಜನರ ದೃಷ್ಟಿಯಲ್ಲಿ ಬಚ್ಚನ್ ಮಗ ಬೆಳ್ಳಿಯ ಚಮಚ ಹಿಡಿದೇ ಇರುತ್ತಾನೆ ಎಂದು ಭಾವಿಸ್ತಾರೆ ಅಂತಾ ಜ್ಯೂ. ಬಚ್ಚನ್ ಹೇಳಿದ್ದಾರೆ.
Loading ...