ಸೆಲೆಬ್ರಿಟಿ ದಾಂಪತ್ಯದಲ್ಲಿ ಬಿರುಕು: ವಿಚ್ಛೇದನಕ್ಕೆ ಮುಂದಾದ ಜನಪ್ರಿಯ ನಟಿ –ನಿರ್ದೇಶಕ ದಂಪತಿ

ನವದೆಹಲಿ: ಜನಪ್ರಿಯ ನಟಿ ರುಖ್ಸಾರ್ ರೆಹಮಾನ್ ಮತ್ತು ಚಿತ್ರ ನಿರ್ದೇಶಕ ಫಾರೂಕ್ ಕಬೀರ್ ಅವರು ವಿಚ್ಛೇದನಕ್ಕೆ ಮುಂದಾಗಿದ್ದಾರೆ. ಈ ವರ್ಷ ಫೆಬ್ರವರಿಯಿಂದ ದಂಪತಿ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ.

ಇಬ್ಬರ ನಡುವೆ ಎಲ್ಲವೂ ಸರಿ ಹೋಗುತ್ತಿಲ್ಲ ಎಂಬ ಊಹಾಪೋಹಗಳು ಹಬ್ಬಿದ್ದವು. 13 ವರ್ಷಗಳ ದಾಂಪತ್ಯದ ನಂತರ ರುಖ್ಸಾರ್ ಮತ್ತು ಫಾರೂಕ್ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸುವ ನಿರ್ಧಾರವನ್ನು ತೆಗೆದುಕೊಂಡಿದ್ದಾರೆ. ಇದು ತನಗೆ ಸುಲಭದ ನಿರ್ಧಾರ ಅಲ್ಲ ಎಂದು ರುಖ್ಸಾರ್ ಹೇಳಿಕೊಂಡಿದ್ದಾರೆ.

ಹೌದು, ನಾವು ಬೇರೆಯಾಗಿದ್ದೇವೆ. ನಾವು ಫೆಬ್ರವರಿಯಿಂದ ಪ್ರತ್ಯೇಕವಾಗಿ ವಾಸಿಸುತ್ತಿದ್ದೇವೆ ಮತ್ತು ವಿಚ್ಛೇದನ ನೀಡಲು ಮುಂದಾಗಿ ಪ್ರಸ್ತುತ ಪ್ರಕ್ರಿಯೆ ಆರಂಭಿಸಿದ್ದೇವೆ. ವಕೀಲರು ಭಾಗಿಯಾಗಿದ್ದಾರೆ. ಹಾಗಾಗಿ, ನಾನು ಸುದೀರ್ಘವಾಗಿ ಮಾತನಾಡಲು ಸಾಧ್ಯವಿಲ್ಲ ಎಂದು ರುಖ್ಸಾರ್ ತಿಳಿಸಿದ್ದಾರೆ.

‘ಖುದಾ ಹಾಫಿಜ್ ಫ್ರಾಂಚೈಸ್’ ನಿರ್ದೇಶಿಸಿದ ಫಾರೂಕ್ ಅವರು ಸುದ್ದಿಯನ್ನು ಖಚಿತಪಡಿಸಿದ್ದಾರೆ. ನಾನು ತುಂಬಾ ಖಾಸಗಿ ವ್ಯಕ್ತಿ ಮತ್ತು ಇದು ವೈಯಕ್ತಿಕ ವಿಷಯ, ಆದ್ದರಿಂದ ನಾನು ಅದರ ಬಗ್ಗೆ ಈಗ ಮಾತನಾಡಲು ಬಯಸುವುದಿಲ್ಲ ಎಂದು ಹೇಳಿದ್ದಾರೆ.

ನನ್ನ ನಿರ್ಧಾರದ ಹಿಂದಿನ ಕಾರಣಗಳನ್ನು ಬಹಿರಂಗಪಡಿಸದಿರಲು ನಿರ್ಧರಿಸಿದ್ದೇನೆ ಎಂದು ರುಖ್ಸಾರ್ ಹೇಳಿದ್ದು, ಇದು ನನಗೆ ಸುಲಭದ ನಿರ್ಧಾರವಲ್ಲ. ನಾನು ಅದನ್ನು ಕದಡಲು ಬಯಸುವುದಿಲ್ಲವಾದ್ದರಿಂದ ಅದರ ಹಿಂದಿನ ವಿವರಗಳು ಮತ್ತು ಕಾರಣಗಳನ್ನು ಪಡೆಯಲು ಬಯಸುವುದಿಲ್ಲ ಎಂದು ತಿಳಿಸಿದ್ದಾರೆ.