ಕೆರೆಯಂತಾದ ರಸ್ತೆಯಲ್ಲಿ ಆರಾಮಾಗಿ ಮಲಗಿದ ವ್ಯಕ್ತಿ..! ಮಲಾಡ್‌ ನಲ್ಲಿ ಮಾಲ್ಡೀವ್ಸ್ ಕಂಡ ಎಂದು ನೆಟ್ಟಿಗರಿಂದ ತಮಾಷೆ..!

ಭಾರಿ ಮಳೆಯಿಂದಾಗಿ ಮುಂಬೈ ಪ್ರಸ್ತುತ ಆರೆಂಜ್ ಅಲರ್ಟ್‌ನಲ್ಲಿದೆ. ಇತರ ವರ್ಷಗಳಂತೆಯೇ, ನಗರದ ಹಲವಾರು ಭಾಗಗಳು ನೀರಿನಿಂದ ಮುಳುಗಿದ್ದು, ಸಂಚಾರ ಸ್ಥಗಿತಗೊಂಡಿದೆ. ಇದರಿಂದ ಆ್ಯಪ್ ಕ್ಯಾಬ್‌ಗಳ ಬೆಲೆಗಳು ಗಗನಕ್ಕೇರುತ್ತಿವೆ. ಈ ನಡುವೆ ಮುಂಬೈನ ಜಲಾವೃತ ಪ್ರದೇಶದಲ್ಲಿ ವ್ಯಕ್ತಿಯೊಬ್ಬರು ಮಲಗಿರುವ ವಿಡಿಯೋ ವೈರಲ್ ಆಗಿದೆ.

ವಿಕ್ರಾಂತ್ ಜೋಶಿ ಎಂಬವರು ಈ ವಿಡಿಯೋವನ್ನು ಫೇಸ್‌ಬುಕ್‌ನಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ವ್ಯಕ್ತಿಯೊಬ್ಬರು ಜಲಾವೃತವಾದ ರಸ್ತೆಯಲ್ಲಿ ಮಲಗಿರುವುದನ್ನು ನೋಡಬಹುದು. ಬಸ್ಸುಗಳು ಮತ್ತು ಕಾರುಗಳು ನೀರು ಚಿಮುಕಿಸುತ್ತಾ ಹಾದು ಹೋಗುತ್ತದೆ. ರಸ್ತೆಯು ಕೆರೆಯಂತಾಗಿದೆ. ಆದರೆ ವ್ಯಕ್ತಿಯು ನಿರಾತಂಕವಾಗಿ ರಸ್ತೆಯ ಮೇಲೆ ಮಲಗಿ ಆನಂದಿಸುತ್ತಾನೆ.

ಈ ವ್ಯಕ್ತಿಗೆ ಮಲಾಡ್‌ನಲ್ಲಿ ಮಾಲ್ಡೀವ್ಸ್ ತೋರಿಸಿದ್ದಕ್ಕಾಗಿ ಬಿಎಂಸಿಗೆ ಧನ್ಯವಾದಗಳು ಎಂದು ಪೋಸ್ಟ್ ಗೆ ಶೀರ್ಷಿಕೆ ನೀಡಲಾಗಿದೆ. ವಿಡಿಯೋವನ್ನು 70,000ಕ್ಕೂ ಅಧಿಕ ಮಂದಿ ವೀಕ್ಷಿಸಿದ್ದು, ಟನ್ ಗಳಷ್ಟು ಪ್ರತಿಕ್ರಿಯೆಗಳನ್ನು ಪಡೆದಿದೆ.

ಮುಂಬೈನ ಹಲವೆಡೆ ಭಾರಿ ಮಳೆಯಾಗುವ ನಿರೀಕ್ಷೆಯಿದೆ ಎಂದು ಹವಾಮಾನ ಇಲಾಖೆ ಗುರುವಾರ ತಿಳಿಸಿದೆ. ನಗರ ಮತ್ತು ಅದರ ಉಪನಗರಗಳು ಭಾರಿ ಮಳೆಗೆ ಸಜ್ಜಾಗಿವೆ. ಬಲವಾದ ಗಾಳಿಯು ಗಂಟೆಗೆ 40-50 ಕಿ.ಮೀ ನಿಂದ ಗಂಟೆಗೆ 60 ಕಿ.ಮೀ ವೇಗದಲ್ಲಿ ಬೀಸುವ ಸಾಧ್ಯತೆಯಿದೆ.

https://twitter.com/iamshahidkhan42/status/1545275128799707136?ref_src=twsrc%5Etfw%7Ctwcamp%5Etweetembed%7Ctwterm%5E1545275128799707136%7Ctwgr%5E%7Ctwcon%5Es1_&ref_url=https%3A%2F%2Fwww.ndtv.com%2Foffbeat%2Fmumbai-man-lies-on-waterlogged-road-internet-says-maldives-in-malad-3138818