ಮೊಮ್ಮಗಳ ಶಿಕ್ಷಣಕ್ಕೆ ಮನೆ ಮಾರಿದ ಬಡ ವೃದ್ಧನಿಗೆ ಹರಿದು ಬಂತು ನೆರವಿನ ಮಹಾಪೂರ..!

ವೃದ್ಧ ಆಟೋ ಚಾಲಕ​ ತನ್ನ ಇಬ್ಬರು ಮಕ್ಕಳ ಮರಣಾನಂತರವೂ ಮೊಮ್ಮಗಳಿಗೆ ಶಿಕ್ಷಣವನ್ನ ನೀಡಬೇಕು ಎಂಬ ಉದ್ದೇಶದಿಂದ ಮನೆ ಮಾರಲು ಮುಂದಾದ ಘಟನೆಯೊಂದು ನೆಟ್ಟಿಗರ ಕಣ್ಣಂಚನ್ನ ತೇವಗೊಳಿಸಿತ್ತು.

74 ವರ್ಷದ ದೇಶರಾಜ್​ ಎಂಬ ವೃದ್ಧ ತನ್ನ ಮೊಮ್ಮಗಳು ಶಿಕ್ಷಕಿಯಾಗಬೇಕೆಂಬ ಕನಸನ್ನ ಪೂರ್ಣಗೊಳಿಸಲು ಮನೆ ಮಾರಾಟಕ್ಕೆ ಮುಂದಾಗಿದ್ದರು. ಆದರೆ ಈ ವೃದ್ಧನಿಗಾಗಿ ಕ್ರೌಡ್​ ಫಂಡಿಂಗ್​ ಸಂಗ್ರಹಿಸೋದ್ರ ಮೂಲಕ ಆಟೋ ಚಾಲಕನಿ​​ಗೆ 24 ಲಕ್ಷ ರೂಪಾಯಿ ಧನಸಹಾಯ ಮಾಡಲಾಗಿದೆ.

ಹ್ಯೂಮನ್ಸ್​ ಆಫ್​ ಬಾಂಬೆ ತನ್ನ ಸೋಶಿಯಲ್​ ಮೀಡಿಯಾ ಪೋಸ್ಟ್​ನಲ್ಲಿ ಮೊಮ್ಮಗಳ ಶಿಕ್ಷಣಕ್ಕಾಗಿ ಮನೆ ಮಾರಿ ಆಟೋದಲ್ಲಿ ವಾಸಿಸುತ್ತಿರುವ ವೃದ್ಧ ಎಂಬ ಕತೆಯನ್ನ ಹಂಚಿಕೊಂಡಿತ್ತು. ಈ ಕತೆಯು ಸಾವಿರಾರು ಜನರನ್ನ ಭಾವುಕರನ್ನಾಗಿ ಮಾಡಿತ್ತು.

ಕ್ರೌಡ್​ ಫಂಡಿಂಗ್​ನಲ್ಲಿ 20 ಲಕ್ಷ ರೂಪಾಯಿಯನ್ನ ಸಂಗ್ರಹಿಸುವ ಗುರಿಯನ್ನ ಹೊಂದಲಾಗಿತ್ತು. ಆದರೆ ಇದೀಗ ಈ ಹಣವು 24 ಲಕ್ಷ ರೂಪಾಯಿ ತಲುಪಿದೆ. ಈ ಹಣದಿಂದ ಮನೆ ಖರೀದಿಸುವಂತೆ ವೃದ್ಧನಿಗೆ ಚೆಕ್​ ನೀಡಲಾಗಿದೆ.

https://www.instagram.com/p/CLmFEz0F_OD/