ಕಾಮಿಡಿಯನ್ ಕಪಿಲ್​ ಶರ್ಮಾಗೆ 5 ಕೋಟಿ ರೂ. ಪಂಗನಾಮ..!

ನಕಲಿ ಕಾರು ನೋಂದಾವಣಿ ಪ್ರಕರಣದ ಆರೋಪದಡಿಯಲ್ಲಿ ಬಂಧನಕ್ಕೊಳಗಾಗಿರುವ ದಿಲೀಪ್​ ಛಾಬ್ರಿಯಾ ಪ್ರಕರಣ ಸಂಬಂಧ ಮುಂಬೈ ಕ್ರೈಂ ಬ್ರ್ಯಾಂಚ್​ ಪೊಲೀಸರು ಕಾಮಿಡಿಯನ್ ಕಪಿಲ್​ ಶರ್ಮಾರನ್ನ ವಿಚಾರಣೆಗೊಳಪಡಿಸಿದ್ದಾರೆ. ವಿಚಾರಣೆ ವೇಳೆ ಕಪಿಲ್​ ಶರ್ಮಾ ತಮಗಾದ ವಂಚನೆ ಬಗ್ಗೆ ವಿವರಣೆ ನೀಡಿದ್ದಾರೆ ಎನ್ನಲಾಗಿದೆ.

ನಕಲಿ ಕಾರು ರಿಜಿಸ್ಟ್ರೇಷನ್​ ಪ್ರಕರಣದಡಿಯಲ್ಲಿ ದಿಲೀಪ್​ನನ್ನ ಪೊಲೀಸರು ಡಿಸೆಂಬರ್​ 29ರಂದು ಬಂಧಿಸಿದ್ದರು. ಈ ಪ್ರಕರಣ ಸಂಬಂಧ ಜನವರಿ 7ರಂದು ಕಪಿಲ್​ ಶರ್ಮಾರನ್ನ ವಿಚಾರಣೆಗೆ ಪೊಲೀಸರು ಕರೆದಿದ್ದರು. ಸಿಐಯು ಕಚೇರಿಗೆ ತೆರಳಿದ್ದ ಕಪಿಲ್ ಶರ್ಮಾಗೆ, ಸಚಿನ್​ ವಾಝೆ ವಿಚಾರಣೆ ನಡೆಸಿದ್ದರು.

ನಾನು ದಿಲೀಪ್​ ಚಾಬ್ರಿಯಾ ವಂಚನೆ ಬಗ್ಗೆ ದಿನ ಪತ್ರಿಕೆಗಳಲ್ಲಿ ಓದಿದ ಬಳಿಕ ಮುಂಬೈ ಪೊಲೀಸರನ್ನ ಭೇಟಿಯಾಗಲು ನಿರ್ಧರಿಸಿದೆ. ನಾವು ಚಾಬ್ರಿಯಾಗೆ ವ್ಯಾನಿಟಿ ವ್ಯಾನ್​ ಸಿದ್ಧಪಡಿಸಿಕೊಡುವಂತೆ ಹೇಳಿದ್ದೆವು. ಮಾತ್ರವಲ್ಲದೇ ಸಂಪೂರ್ಣ ಹಣವನ್ನೂ ಪಾವತಿ ಮಾಡಿದ್ದೇವೆ. ಈ ಬಗ್ಗೆ ನಾವು ಸಂಬಂಧಪಟ್ಟ ಇಲಾಖೆಗೆ ಈ ಮೊದಲೇ ದೂರನ್ನ ನೀಡಿದ್ದೆವು. ಆದರೆ ಈಗ ಮೋಸಗಾರ ಚಾಬ್ರಿಯಾ ಬಂಧನಕ್ಕೊಳಗಾದ ಸುದ್ದಿ ಕೇಳಿ ಬಹಳ ಸಂತಸವಾಗಿದೆ. ಈ ಅಪರಾಧ ಕೃತ್ಯದಲ್ಲಿ ಇನ್ನೂ ಹಲವರು ಭಾಗಿಯಾಗಿದ್ದಾರೆ ಎಂದು ಕಪಿಲ್​ ಹೇಳಿದ್ದಾರೆ.