ಸಮಂತಾ ಅಕ್ಕಿನೇನಿ ಅವರ ಬಹುನಿರೀಕ್ಷಿತ ಟಾಕ್ ಶೋ ಸ್ಯಾಮ್ ಜಾಮ್ನ ಪ್ರೋಮೋ ವಿಡಿಯೋ ರಿಲೀಸ್ ಆಗಿದೆ. ಕಾರ್ಯಕ್ರಮದ ಮೊದಲ ಅತಿಥಿಯಾಗಿ ವಿಜಯ್ ದೇವರಕೊಂಡ ಕಾಣಿಸಿಕೊಂಡಿದ್ದಾರೆ.
ನಟ ವಿಜಯ್ ದೇವರಕೊಂಡ ಹೆಸರು ಹಲವು ತಾರೆಯರ ಜೊತೆ ಥಳುಕು ಹಾಕಿಕೊಂಡಿರೋದ್ರಿಂದ ಅವರು ಯಾರನ್ನೋ ಲವ್ ಮಾಡ್ತಿದ್ದಾರೆ ಎಂಬ ಸುದ್ದಿ ಎಲ್ಲೆಡೆ ಹರಿದಾಡ್ತಾ ಇತ್ತು. ಆದರೆ ಈ ಪ್ರೋಮೋದಲ್ಲಿ ನಟ ವಿಜಯ್ ದೇವರಕೊಂಡ ತಾನು ಸಿಂಗಲ್ ಎಂದು ಹೇಳುವ ಮೂಲಕ ಮಹಿಳಾ ಅಭಿಮಾನಿಗಳಿಗೆ ದೀಪಾವಳಿಯ ಬೆಸ್ಟ್ ಗಿಫ್ಟ್ ನೀಡಿದ್ದಾರೆ.
ಪ್ರೊಮೋ ವಿಡಿಯೋವನ್ನ ಸಮಂತಾ ತಮ್ಮ ಇನ್ಸ್ಟಾ ಖಾತೆಯಲ್ಲಿ ಶೇರ್ ಮಾಡುತ್ತಿದ್ದಂತೆಯೇ ಅಭಿಮಾನಿಗಳು ಶೋ ನೋಡೋಕೆ ಕಾತುರರಾಗಿದ್ದರು. ಈ ಕಾರ್ಯಕ್ರಮದ ಮೊದಲು ಕಂತು ಓಟಿಟಿ ಫ್ಲಾಟ್ಫಾರಂನಲ್ಲಿ ಇಂದು (ಶುಕ್ರವಾರ) ರಿಲೀಸ್ ಆಗಲಿದೆ.
ಇನ್ನು ಮೂಲಗಳ ಪ್ರಕಾರ ಈ ಕಾರ್ಯಕ್ರಮದಲ್ಲಿ ಚಿರಂಜೀವಿ, ಅಲ್ಲು ಅರ್ಜುನ್, ತಮನ್ನಾ, ರಶ್ಮಿಕಾ ಮಂದಣ್ಣ ಹಾಗೂ ಬ್ಯಾಡ್ಮಿಂಟನ್ ತಾರೆಯರಾದ ಸೈನಾ ನೆಹ್ವಾಲ್, ಪರುಪಲ್ಲಿ ಕಶ್ಯಪ್ ಅತಿಥಿ ಸ್ಥಾನದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗ್ತಿದೆ.
Loading ...