ನೆಟ್ಟಿಗರನ್ನು ಮಂತ್ರಮುಗ್ದರನ್ನಾಗಿಸಿದೆ ಪಾಂಡಾಗಳ ಆಟ

ಬರ್ಲಿನ್: ತಾಯಿ-ಮಕ್ಕಳ ಬಂಧ ಎಲ್ಲಕ್ಕಿಂತ ಮಿಗಿಲು. ತಾಯಿ, ಮಕ್ಕಳ ಒಳ್ಳೆಯ ಸ್ನೇಹಿತೆಯಾಗಬಲ್ಲಳು. ಒಳ್ಳೆಯ ಶಿಕ್ಷಕಿಯಾಗಬಲ್ಲಳು….ಒಟ್ಟಿನಲ್ಲಿ ಆಕೆ ತೋರುವ ಪ್ರೀತಿ ಮತ್ತು ಇಬ್ಬರ ನಡುವಿನ ಬಾಂಧವ್ಯವನ್ನು ಮತ್ಯಾವ ಸಂಬಂಧದಲ್ಲೂ ಪಡೆಯಲು ಸಾಧ್ಯವಿಲ್ಲ. ಮಾನವರಂತೆ ಪ್ರಾಣಿಗಳೂ ತಮ್ಮ ಮಕ್ಕಳನ್ನು ಹಾಗೂ ಮರಿಗಳು ಅಮ್ಮನನ್ನು ತುಂಬಾ ಹಚ್ಚಿಕೊಳ್ಳುತ್ತವೆ, ಪ್ರೀತಿಸುತ್ತವೆ, ಮುದ್ದಿಸುತ್ತವೆ, ಆಟವಾಡುತ್ತವೆ, ಅವಲಂಬಿಸುತ್ತವೆ ಮತ್ತು ಕಲಿಯುತ್ತವೆ.

ಇಲ್ಲಿ ಅಂಥ ಒಂದು ವಿಡಿಯೋ ವೈರಲ್ ಆಗಿದೆ. ಬರ್ಲಿನ್ ಪ್ರಾಣಿ ಸಂಗ್ರಹಾಲಯದ ಫೇಸ್ಬುಕ್ ಪೇಜ್ ನಲ್ಲಿ ತಾಯಿ ಪಾಂಡಾವೊಂದು ಅದರ ಮರಿಯ ಸುತ್ತಲೂ ಆಡುವ ವಿಡಿಯೋವನ್ನು ಅಪ್ಲೋಡ್ ಮಾಡಲಾಗಿದೆ. “ಬರ್ಲಿನ್ ಪ್ರಾಣಿ ಸಂಗ್ರಹಾಲಯದ ಪಾಂಡಾಗಳ ಆಟ ಮತ್ತು ಮೋಜು” ಎಂಬ ಅಡಿ ಬರಹದೊಂದಿಗೆ ವಿಡಿಯೋ ಪೋಸ್ಟ್ ಮಾಡಲಾಗಿದೆ.

ವಿಡಿಯೋಕ್ಕೆ ಸಾಕಷ್ಟು ಕಮೆಂಟ್ ಗಳು ಬಂದಿವೆ. ವಿಡಿಯೋ ಅತ್ಯಂತ ಅಪರೂಪದ್ದಾಗಿದ್ದು, ಇಡೀ ದಿನ ನೋಡುತ್ತ ಕೂರುವಂತಿದೆ ಎಂದು ಕೆಲವರು ಕಮೆಂಟ್ ಮಾಡಿದ್ದಾರೆ.

https://www.facebook.com/zooberlin/videos/246348263326264