ಮದುವೆ ಅನ್ನೋದು ಸ್ವರ್ಗದಲ್ಲಿ ನಿಶ್ಚಯವಾಗುತ್ತೆ ಎಂದು ಹೇಳುತ್ತಾರೆ. ಗುರು – ಹಿರಿಯರೆಲ್ಲ ಸೇರಿ ನಿಶ್ಚಯಿಸಿ, ಮುಹೂರ್ತ ನೋಡಿ ಮದುವೆ ಮಾಡಿದ ಬಳಿಕವೂ ಕೆಲವೊಂದು ವೈವಾಹಿಕ ಸಂಬಂಧಗಳು ಮುರಿದು ಬೀಳುತ್ತದೆ. ಆದರೆ ಇಲ್ಲೊಂದು ಘಟನೆಯಲ್ಲಿ ಆಕಸ್ಮಾತ್ ಆಗಿ ತಾನು ನನ್ನ ಮಾವನನ್ನೇ ಮದುವೆಯಾಗಿದ್ದೇನೆ ಎಂದು ಮಹಿಳೆಯೊಬ್ಬರು ಬಹಿರಂಗಪಡಿಸಿದ್ದಾರೆ.
ಆಸ್ಟ್ರೇಲಿಯನ್ ಬ್ರೆಕ್ಫಾಸ್ಟ್ ರೆಡಿಯೋ ಕಾರ್ಯಕ್ರಮದಲ್ಲಿ, ಈ ವಿಚಾರವನ್ನು ಮಹಿಳೆ ಬಹಿರಂಗಪಡಿಸಿದ್ದಾಳೆ. ಕಿಮ್ ಎಂಬ ಮಹಿಳೆಯ ಜೀವನದಲ್ಲಿ ಇಂತಹ ವಿಲಕ್ಷಣ ಘಟನೆಯೊಂದು ಬೆಳಕಿಗೆ ಬಂದಿದೆ. ನನ್ನ ಮದುವೆಗೆ ನನ್ನ ಅತ್ತೆ ಹಾಗೂ ಮಾವ ಸಾಕ್ಷಿಯಾಗಬೇಕಿತ್ತು. ನಮ್ಮ ಮದುವೆಗೆ ಸಾಕ್ಷ್ಯ ನೀಡಲು ನನ್ನ ತಾಯಿ ಹಾಗೂ ನನ್ನ ಪತಿಯ ತಂದೆ ಬಂದಿದ್ದರು. ನನ್ನ ಅತ್ತೆ ಕೂಡ ಈ ಸಮಯದಲ್ಲಿ ಹಾಜರಿದ್ದರು.
ನನ್ನ ಮದುವೆ ಪ್ರಮಾಣ ಪತ್ರದಲ್ಲಿ ನನ್ನ ಪತಿ ಹಾಗೂ ಮಾವ ಇಬ್ಬರೂ ಒಂದೇ ಜಾಗದಲ್ಲಿ ಸಹಿ ಹಾಕಿದ್ದರು. ಈ ಮೂಲಕ ನಾನು ಅಂದು ನನ್ನ ಪತಿ ಹಾಗೂ ಮಾವ ಇಬ್ಬರನ್ನೂ ಮದುವೆಯಾಗಿದ್ದೆ. ಆದರೆ ಇದು ಕೇವಲ ಈ ಪ್ರಮಾಣ ಪತ್ರಕ್ಕೆ ಮಾತ್ರ ಸೀಮಿತವಾಗಿತ್ತೇ ಹೊರತು ಇನ್ಯಾವ ದಾಖಲೆಯಲ್ಲಿಯೂ ಇದು ಇರಲಿಲ್ಲ ಎಂದು ಮಹಿಳೆ ಸ್ಪಷ್ಟನೆ ನೀಡಿದ್ದಾರೆ.
