ಇಂಡಿಯನ್ ಪ್ರೀಮಿಯರ್ ಲೀಗ್ನ 14ನೇ ಆವೃತ್ತಿಗಾಗಿ ತಮಿಳುನಾಡಿನ ಕ್ರಿಕೆಟ್ ಪ್ಲೇಯರ್ ಶಾರೂಖ್ ಖಾನ್ರನ್ನ ಪಂಜಾಬ್ ಕಿಂಗ್ಸ್ ತಂಡ 5.25 ಕೋಟಿ ರೂಪಾಯಿಗೆ ಖರೀದಿ ಮಾಡಿದೆ. ಕ್ರಿಕೆಟಿಗ ಶಾರೂಖ್ ಖಾನ್ ತಮ್ಮ ಹೆಸರಿನ ಮೂಲಕವೇ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡ್ತಿದ್ದಾರೆ.
ಶಾರೂಖ್ ಖಾನ್ರನ್ನ ಖರೀದಿ ಮಾಡುತ್ತಿದ್ದಂತೆಯೇ ಕೆಕೆಆರ್ ಟೀಂ ಹಾಜರಿದ್ದ ಮೇಜಿನ ಕಡೆ ತಿರುಗಿ ನೋಡಿದ್ದ ಪ್ರೀತಿ ಝಿಂಟಾ ನಾವು ಶಾರೂಖ್ರನ್ನೇ ಖರೀದಿ ಮಾಡಿದ್ದೇವೆ ಎಂದು ಹೇಳಿ ನಕ್ಕಿದ್ದರು. ಈ ವಿಡಿಯೋ ಕೂಡ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು.
ಕಳೆದ ಬಾರಿಯ ಆವೃತ್ತಿಯಲ್ಲಿ ಶಾರೂಖ್ಖಾನ್ರನ್ನ ಯಾರೂ ಖರೀದಿ ಮಾಡದ ಕಾರಣ ಇವರು ನಿರಾಸೆಗೊಂಡಿದ್ದರು. ತಮಿಳುನಾಡು ಕ್ರಿಕೆಟ್ ಲೀಗ್ಗಳಲ್ಲಿ ಉತ್ತಮ ಪ್ರದರ್ಶನ ತೋರಿದ ಬಳಿಕವೂ ಫಲ ಸಿಗದೇ ಇದ್ದದ್ದು ಶಾರೂಖ್ ಖಾನ್ಗೆ ಬೇಸರ ತಂದಿತ್ತು.
ಆದರೆ ಕೊನೆಗೂ ನಾನು ಐಪಿಎಲ್ ಆವೃತ್ತಿಗೆ ಆಯ್ಕೆಯಾಗಿದ್ದೇನೆ ಹಾಗೂ ನಾನು ನನ್ನ ಪ್ರತಿಭೆಯನ್ನ ಪ್ರದರ್ಶಿಸುತ್ತೇನೆ ಎಂದು ಶಾರೂಖ್ ಖಾನ್ ಹೇಳಿಕೊಂಡಿದ್ದಾರೆ.
ಬಾಲಿವುಡ್ ನಟ ಶಾರೂಖ್ ಖಾನ್ರ ಹೆಸರನ್ನ ನನಗೆ ನಾಮಕರಣ ಮಾಡುವಂತೆ ನನ್ನ ತಾಯಿಯ ಸಹೋದರಿಯರು ಒತ್ತಾಯ ಮಾಡಿದ್ದರಂತೆ. ನಾನು ಕೂಡ ಅವರ ಎಲ್ಲಾ ಸಿನಿಮಾಗಳನ್ನ ಇಷ್ಟಪಡುತ್ತೇನೆ. ಆದರೆ ಕ್ರಿಕೆಟ್ ಮಾತ್ರ ಎಂದಿಗೂ ನನ್ನ ಮೊದಲ ಆದ್ಯತೆ ಎಂದು ಹೇಳಿಕೊಂಡಿದ್ದಾರೆ.
Loading ...