ಧೋನಿಗೆ ಹೃದಯಸ್ಪರ್ಶಿ ವಿದಾಯ ಹೇಳಿದ ಅಮೂಲ್

ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ ವಿಚಾರವಾಗಿ ಅವರ ಅಭಿಮಾನಿಗಳಿಂದ ಭಾರೀ ಭಾವನಾತ್ಮಕ ಸ್ಪಂದನೆ ದೊರಕಿದೆ.

ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಿಂದ ಸಂದೇಶವೊಂದನ್ನು ಹಂಚಿಕೊಂಡ ಧೋನಿ, “19:29 ಗಂಟೆಗಳಿಂದ ನಾನು ನಿವೃತ್ತ ಎಂದು ಪರಿಗಣಿಸಿ” ಎಂದಿದ್ದಾರೆ. ಇದಾದ 24 ಗಂಟೆಗಳ ಒಳಗೆ ಭಾರೀ ಪ್ರಮಾಣದಲ್ಲಿ ಧೋನಿಗೆ ಸಂದೇಶಗಳು ಹರಿದುಬಂದಿವೆ.

ಕ್ಷೀರೋದ್ಯಮ ದಿಗ್ಗದ ಅಮೂಲ್‌ ಸಹ ಧೋನಿಗೆ ಒಂದೊಳ್ಳೆ ಬೀಳ್ಕೊಡುಗೆ ನೀಡಲು ಮುಂದಾಗಿದೆ. ಭಾರೀ ಖ್ಯಾತಿ ಗಳಿಸಿರುವ ಅಮೂಲ್ ಬೇಬಿ ಕಾರ್ಟೂನ್ ಮುಖಾಂತರ ಧೋನಿಯವರ ಮುಂದಿನ ಇನಿಂಗ್ಸ್‌ಗೆ ಶುಭ ಹಾರೈಸಲಾಗಿದೆ.