ಡುನೆಡಿನ್ನಲ್ಲಿ ಒಟಾಗೋ ವಿರುದ್ಧ ನಡೆದ ಪಂದ್ಯದಲ್ಲಿ ವೆಲ್ಲಿಂಗ್ಟನ್ ಬ್ಲೇಜ್ ತಂಡದ ಪರ ಆಡುತ್ತಿದ್ದ ನ್ಯೂಜಿಲೆಂಡ್ ತಂಡದ ನಾಯಕಿ ಸೋಫಿ ಡಿವೈನ್ ಗುರುವಾರ ಮಹಿಳಾ ಟಿ 20ಯಲ್ಲಿ ಅತ್ಯಂತ ವೇಗವಾಗಿ ಶತಕ ಸಿಡಿಸುವ ಮೂಲಕ ಸಾಧನೆ ಮಾಡಿದ್ದಾರೆ. ಕೇವಲ 36 ಎಸೆತಗಳಳ್ಲಿ ಸೂಫಿ ತಮ್ಮ ಮೈಲಿಗಲ್ಲನ್ನ ತಲುಪಿದ್ರು.
94 ರನ್ ಗಳಿಸಿದ್ದ ಡಿವೈನ್ ತಮ್ಮ ಮುಂದಿನ ಎಸೆತದಲ್ಲಿ ಸಿಕ್ಸ್ ಬಾರಿಸಿದ್ದಾರೆ. ಆದರೆ ಈ ವೇಳೆ ಚೆಂಡು ತಾಯಿಯ ಮಡಿಲಿನಲ್ಲಿ ಕುಳಿತಿದ್ದ ಪುಟ್ಟ ಹುಡುಗಿಗೆ ಹೋಗಿ ಬಡಿದಿದೆ. ಕೂಡಲೇ ಯುವ ಅಭಿಮಾನಿಯ ಬಳಿ ಧಾವಿಸಿದ ಡೈನ್ ಅಳುತ್ತಿದ್ದ ಮಗುವಿನ ಮುಂದೆ ಮಂಡಿಯೂರಿ ಕೂತು ಮಾತನಾಡಿಸಿದ್ದಾರೆ.
ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಪುಟ್ಟ ಬಾಲಕಿಯ ಬಗ್ಗೆ ಡಿವೈನ್ ತೋರಿಸಿದ ಕಾಳಜಿಯನ್ನ ನೆಟ್ಟಿಗರು ಕೊಂಡಾಡಿದ್ದಾರೆ. ತಮ್ಮ ದಾಖಲೆಯನ್ನ ಸಂಭ್ರಮಿಸಬೇಕಾದ ಸಂದರ್ಭದಲ್ಲಿ ಬಾಲಕಿಯ ಆರೋಗ್ಯದ ಬಗ್ಗೆ ಹೆಚ್ಚು ಪ್ರಾಮುಖ್ಯತೆ ನೀಡಿದ್ದಕ್ಕೆ ಗೌರವ ದುಪ್ಪಟ್ಟಾಗಿದೆ ಎಂದು ನೆಟ್ಟಿಗರು ಹೇಳಿದ್ದಾರೆ.
Loading ...