ಅಜಿಂಕ್ಯ ರಹಾನೆ ನೀಡಿದ ಗಿಫ್ಟ್ ಕಂಡು ಆಸ್ಟ್ರೇಲಿಯಾ ಆಟಗಾರ ಫಿದಾ..!

ಬಾರ್ಡರ್​ – ಗವಾಸ್ಕರ್​ ಟ್ರೋಫಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೆಸ್ಟ್ ಸರಣಿ ಗೆದ್ದ ಬಳಿಕ ಅಜಿಂಕ್ಯ ರಹಾನ್​ ದೇಶದಲ್ಲಿ ಮಾತ್ರವಲ್ಲದೇ ಆಸ್ಟ್ರೇಲಿಯಾ ಆಟಗಾರರ ಮನ ಗೆಲ್ಲುವಲ್ಲಿಯೂ ಯಶಸ್ವಿಯಾಗಿದ್ದಾರೆ.

ಆಸ್ಟ್ರೇಲಿಯಾ ಪರ ಟೆಸ್ಟ್​ ಪಂದ್ಯದಲ್ಲಿ ಭಾಗಿಯಾಗಿದ್ದ ಸ್ಪಿನರ್​ ನೇಥನ್​ ಲಿಯಾನ್ , ಅಜಿಂಕ್ಯ ರಹಾನೆ ನೀಡಿದ ಉಡುಗೊರೆಯನ್ನ ಕಂಡು ಸಂತಸ ಹೊರಹಾಕಿದ್ದಾರೆ.

ಬಾರ್ಡರ್​ – ಗವಾಸ್ಕರ್​ ಟ್ರೋಫಿಯನ್ನೇನೋ ಆಸ್ಟ್ರೇಲಿಯಾ ಕಳೆದುಕೊಂಡಿದೆ. ಆದರೆ ಈ ತಂಡದಲ್ಲಿ ಸ್ಪಿನರ್​ ಆಗಿದ್ದ ನೆಥಾನ್​ ಲಿಯಾನ್​ಗೆ ಇದು 100ನೇ ಟೆಸ್ಟ್ ಪಂದ್ಯವಾಗಿತ್ತು. ಹೀಗಾಗಿ ಅಜಿಂಕ್ಯ ರಹಾನೆ ತಮ್ಮ ತಂಡದ ಎಲ್ಲಾ ಆಟಗಾರರ ಸಹಿ ಇರುವ ಜೆರ್ಸಿಯನ್ನ ಉಡುಗೊರೆಯಾಗಿ ನೀಡಿದ್ದರು.

ಈ ಫೋಟೋದಲ್ಲಿ ಹಾವೆಲ್ಲಿದೆ ಗುರುತಿಸಬಲ್ಲಿರಾ….?

ಈ ಉಡುಗೊರೆಯ ಜೆರ್ಸಿಯನ್ನ ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿರುವ ಆಸ್ಟ್ರೇಲಿಯಾ ಹಿರಿಯ ಆಟಗಾರ ಲಿಯಾನ್, ಸರಣಿಯನ್ನ ಗೆದ್ದ ಅಜಿಂಕ್ಯ ರಹಾನೆ ಹಾಗೂ ಟೀಂ ಇಂಡಿಯಾ ತಂಡಕ್ಕೆ ಅಭಿನಂದನೆಗಳು. ಟೀಂ ಇಂಡಿಯಾ ಟೀ ಶರ್ಟ್​ ಮೇಲೆ ನಿಮ್ಮೆಲ್ಲರ ಸಹಿ ಹಾಕಿ ಅದನ್ನ ನನಗೆ ಉಡುಗೊರೆಯಾಗಿ ನೀಡಿದ ನಿಮ್ಮ ಗುಣ ನಿಮ್ಮಲ್ಲಿರುವ ಕ್ರೀಡಾ ಮನೋಭಾವವನ್ನ ತೋರಿಸುತ್ತೆ. ನನ್ನ ಗುಹೆಯಲ್ಲಿ ಇದೊಂದು ಮೌಲ್ಯಯುತವಾದ ಸೇರ್ಪಡೆಯಾಗಿದೆ ಎಂದು ಬರೆದಿದ್ದಾರೆ.

https://www.instagram.com/p/CKh6OyeDmhX/?utm_source=ig_web_copy_link