ಕೊರೊನಾ ಮಧ್ಯೆಯೂ ನಡೆದ​​ ಫುಟ್​ಬಾಲ್​ ಪಂದ್ಯಕ್ಕೆ 78 ಸಾವಿರಕ್ಕೂ ಅಧಿಕ ಪ್ರೇಕ್ಷಕರು..!

ಕೋವಿಡ್ 19 ಸೋಂಕು ವಿಶ್ವಕ್ಕೆ ಬಂದು ಅಪ್ಪಳಿಸಿದ ಬಳಿಕ ಜನರು ಒಂದೆಡೆ ಸೇರುವುದೇ ಕಡಿಮೆಯಾಗಿದೆ. ಈ ನಡುವೆ ಮೆಲ್ಬೋರ್ನ್​ ಕ್ರಿಕೆಟ್​ ಅಂಗಳದಲ್ಲಿ ನಡೆದ ಫುಟ್​ಬಾಲ್​​ ಪಂದ್ಯದಲ್ಲಿ ಬರೋಬ್ಬರಿ 78 ಸಾವಿರ ವೀಕ್ಷಕರು ಮೈದಾನಕ್ಕೆ ಆಗಮಿಸಿದ್ದರು. ಕೋವಿಡ್​​ 19 ಬಳಿಕ ಇದೇ ಮೊದಲ ಬಾರಿಗೆ ಕಂಡ ಅತ್ಯಂತ ದೊಡ್ಡ ಜನದಟ್ಟಣೆ ಇದಾಗಿದೆ.

ಕಾಲಿಂಗ್​ ವುಡ್​​ ಮ್ಯಾಗ್​ಪೈಸ್​ ಹಾಗೂ ಎಸೆಂಡೊನ್ ಬಾಂಬರ್ಸ್ ನಡುವೆ ನಡೆದ ಪಂದ್ಯವನ್ನ 78,113 ಮಂದಿ ಪ್ರೇಕ್ಷಕರು ವೀಕ್ಷಿಸಿದ್ದಾರೆ. ಈ ಕ್ರಿಕೆಟ್​ ಮೈದಾನದಲ್ಲಿ 1 ಲಕ್ಷ ಮಂದಿಗೆ ಕುಳಿತುಕೊಳ್ಳಲು ವ್ಯವಸ್ಥೆ ಇದೆ. ಎಂಜಿಸಿ ಮೈದಾನದಲ್ಲಿ 85 ಪ್ರತಿಶತ ವೀಕ್ಷಕರ ಹಾಜರಾತಿಗೆ ಅವಕಾಶ ನೀಡಲಾಗಿತ್ತು.
ಈ ಮೂಲಕ 75 ಪ್ರತಿಶತ ಟಿಕೆಟ್​ ಮಾರಾಟಕ್ಕೆ ಅವಕಾಶ ನೀಡಿದ್ದ ಅಧಿಕಾರಿಗಳು ಬಳಿಕ ಈ ಮಿತಿಯನ್ನ 85 ಪ್ರತಿಶತಕ್ಕೆ ಏರಿಕೆ ಮಾಡಿದ್ರು.

22 ವರ್ಷಗಳ ನಂತ್ರ ತಾಯಿ –ಮಗನನ್ನು ಒಂದಾಗಿಸಿದ ಕೊರೋನಾ

ಕಳೆದ ತಿಂಗಳು ಅಹಮದಾಬಾದ್​ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದಿದ್ದ ಟೀಂ ಇಂಡಿಯಾ ಹಾಗೂ ಇಂಗ್ಲೆಂಡ್​ ನಡುವಿನ 2 ಟಿ 20 ಪಂದ್ಯದಲ್ಲಿ ಕ್ರಮವಾಗಿ 67,200 ಹಾಗೂ 66,352 ಮಂದಿ ಹಾಜರಾಗಿದ್ದರು. ಆದರೆ ಎಂಜಿಸಿ ಮೈದಾನ ಈ ದಾಖಲೆಯನ್ನೂ ಮೀರಿಸಿದೆ. ಎಂಜಿಸಿ ಮೈದಾನದಲ್ಲಿ ಉಂಟಾಗಿದ್ದ ಜನದಟ್ಟಣೆಯ ಸಾಕಷ್ಟು ಫೋಟೋ ಹಾಗೂ ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗ್ತಿವೆ.