ಫುಟ್ಬಾಲ್ ದಂತಕತೆ ಪೀಲೆ ಅವರ ಸಾರ್ವಕಾಲಿಕ ದಾಖಲೆಯನ್ನ ಬಾರ್ಸಿಲೋನಾ ಫುಟ್ಬಾಲ್ ಆಟಗಾರ ಲಿಯೋನೆಲ್ ಮೆಸ್ಸಿ ಮುರಿದಿದ್ದಾರೆ.
ಮಂಗಳವಾರ ವಲ್ಲಾಡೋಲಿಡ್ನಲ್ಲಿ ನಡೆದ ಪಂದ್ಯದಲ್ಲಿ ಬಾರ್ಸಿಲೋನಾ ತಂಡ 3-0 ಗೋಲುಗಳ ಅಂತರದಲ್ಲಿ ಗೆಲುವನ್ನ ಸಾಧಿಸಿತು. ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ ಮೆಸ್ಸಿ 644ನೇ ಗೋಲು ಗಳಿಸುವ ಮೂಲಕ ಪೀಲೆ ದಾಖಲೆಯನ್ನ ಮುರಿದಿದ್ದಾರೆ.
ಸ್ಯಾಂಟೋಸ್ ತಂಡದ ಆಟಗಾರನಾಗಿದ್ದ ಪೀಲೆ 643 ಗೋಲುಗಳನ್ನ ಗಳಿಸಿ 1974ರಲ್ಲಿ ನಿವೃತ್ತಿ ಪಡೆದಿದ್ದರು. 2004ರಂದು ಫುಟ್ಬಾಲ್ ಲೋಕಕ್ಕೆ ಪಾದಾರ್ಪಣೆ ಮಾಡಿದ್ದ ಮೆಸ್ಸಿ ಈವರೆಗೆ ಒಟ್ಟು 644 ಗೋಲುಗಳನ್ನ ಗಳಿಸಿದ್ದಾರೆ.
ಇನ್ನು ಪೀಲೆ ದಾಖಲೆ ಮುರಿದ ಬಳಿಕ ಟ್ವೀಟ್ ಮಾಡಿದ ಮೆಸ್ಸಿ, ನಾನು ಫುಟ್ಬಾಲ್ ಜಗತ್ತಿಗೆ ಕಾಲಿಟ್ಟಾಗ ಪೀಲೆ ದಾಖಲೆ ಮುರಿಯುತ್ತೇನೆ ಎಂದು ಊಹೆ ಮಾಡಿರಲಿಲ್ಲ. ನನ್ನ ಈ ಸಾಧನೆಯ ಹಾದಿಯಲ್ಲಿ ಜೊತೆಗಿದ್ದ ನನ್ನ ತಂಡದ ಸದಸ್ಯರು, ಕುಟುಂಬಸ್ಥರು ಹಾಗೂ ಸ್ನೇಹಿತರಿಗೆ ಧನ್ಯವಾದ ಎಂದು ಬರೆದುಕೊಂಡಿದ್ದಾರೆ.
Loading ...