ಐಪಿಎಲ್ ಅಂದ್ರೆ ಸಾಕು ನೆನಪಾಗೋದು ಕ್ರಿಕೆಟ್ ಪಂದ್ಯ. ನಮ್ಮ ನೆಚ್ಚಿನ ಆಟಗಾರರು, ಕೇವಲ ಆಟದ ಮೈದಾನದಲ್ಲಿ ಒಳ್ಳೆಯ ಆಟವನ್ನಾಡಿ ಪ್ರೇಕ್ಷಕರನ್ನ ರಂಜಿಸುವ ಕೆಲಸವನ್ನ ಮಾತ್ರ ಮಾಡದೇ ಈ ಬಾರಿ ಹೆಣ್ಣುಮಕ್ಕಳ ಮುಟ್ಟಿನ ಸಮಸ್ಯೆ ಬಗ್ಗೆಯೂ ಮಾತನಾಡಿ ನೆಟ್ಟಿಗರ ಮನ ಗೆದ್ದಿದ್ದಾರೆ.
ಹೆಣ್ಣುಮಕ್ಕಳಿಗಾಗಿ ಸ್ಯಾನಿಟರಿ ಪ್ಯಾಡ್ ತಂದುಕೊಡೋದ್ರಿಂದ ಹಿಡಿದು ಹೆಣ್ಣುಮಕ್ಕಳ ಮುಟ್ಟಿನ ಬಗ್ಗೆ ಇರುವ ಮಾಹಿತಿಯನ್ನ ರಾಜಸ್ಥಾನ ರಾಯಲ್ಸ್ ತಂಡದ ಆಟಗಾರರು ಪ್ರಾಮಾಣಿಕವಾಗಿ ಹಂಚಿಕೊಂಡಿದ್ದಾರೆ. ರಾಬಿನ್ ಉತ್ತಪ್ಪ ನಡೆಸಿಕೊಟ್ಟ ಈ ಕಾರ್ಯಕ್ರಮದಲ್ಲಿ ಭಾಗಿಯಾದ ರಾಹುಲ್ ತೆವಾಟಿಯಾ, ಜೋಸ್ ಬಟ್ಲರ್ ಹಾಗೂ ಡೇವಿಡ್ ಮಿಲ್ಲರ್ ಕಾಂಡಿಲಿ ಈ ವಿಚಾರವಾಗಿ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ. ಈ ವಿಡಿಯೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಸದ್ದು ಮಾಡ್ತಿದೆ.
ಕ್ವಿಜ್ ಮಾದರಿಯ ಈ ಕಾರ್ಯಕ್ರಮದಲ್ಲಿ ಋತುಚಕ್ರಕ್ಕೆ ಸಂಬಂಧಿಸಿದ ಪ್ರಶ್ನೆಗಳನ್ನ ಉತ್ತಪ್ಪ ಕೇಳಿದ್ರೆ ಉಳಿದ ಮೂವರು ಆಟಗಾರರು ಅದಕ್ಕೆ ಉತ್ತರ ನೀಡಿದ್ದಾರೆ. ರಾಜಸ್ಥಾನ ರಾಯಲ್ಸ್ ತಂಡ ಸ್ತ್ರೀಯರ ನೈರ್ಮಲ್ಯ ಉತ್ಪನ್ನಗಳ ಬ್ರ್ಯಾಂಡ್ ಜೊತೆ ಒಡಂಬಡಿಕೆ ಮಾಡಿಕೊಂಡಿದ್ದ ಹಿನ್ನೆಲೆ ಈ ಕಾರ್ಯಕ್ರಮ ಆಯೋಜಿಸಲಾಗಿತ್ತು.
ನೀವು ದಿನನಿತ್ಯ ನೋಡಿರದ ವಿಷಯಗಳು..! ಪ್ರಾಮಾಣಿಕ, ಮಾಹಿತಿ ಜೊತೆಗೆ ಮೂಢನಂಬಿಕೆಯನ್ನ ಹೋಗಲಾಡಿಸುವ ಸಂಭಾಷಣೆ. ನಾವು ಇದನ್ನ ಮಾಡಿದ್ದೇವೆ ನೀವು ಮಾಡಿ ಅಂತಾ ಶೀರ್ಷಿಕೆ ನೀಡಲಾದ ಈ ವಿಡಿಯೋ ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಹಲ್ಚಲ್ ಸೃಷ್ಟಿಸಿದೆ.
Loading ...