ಜಿಂಬಾಬ್ವೆಯ ಲೆಜೆಂಡರಿ ಆಲ್ರೌಂಡರ್ ಹೀತ್ ಸ್ಟ್ರೀಕ್ 49 ನೇ ವಯಸ್ಸಿನಲ್ಲಿ ನಿಧನರಾದರು. ತಿಂಗಳುಗಳ ಕಾಲ ಕ್ಯಾನ್ಸರ್‌ನೊಂದಿಗೆ ಹೋರಾಡುತ್ತಿದ್ದ ಜಿಂಬಾಬ್ವೆ ಮಾಜಿ ಆಲ್ರೌಂಡರ್ ಹೀತ್ ಸ್ಟ್ರೀಕ್ ಮಂಗಳವಾರ ನಿಧನರಾಗಿದ್ದಾರೆ.
ಅತ್ಯುತ್ತಮ ಆಟಗಾರರಲ್ಲಿ ಸ್ಟ್ರೀಕ್ ಒಬ್ಬರು. ಪ್ರಾಥಮಿಕವಾಗಿ ಬೌಲಿಂಗ್ ಆಲ್ರೌಂಡರ್ ಸ್ಟ್ರೀಕ್ ತನ್ನ ಆಟದ ವೃತ್ತಿಜೀವನದಲ್ಲಿ 65 ಟೆಸ್ಟ್ ಪಂದ್ಯಗಳನ್ನು ಮತ್ತು 189 ಏಕದಿನ ಪಂದ್ಯಗಳನ್ನಾಡಿದ್ದಾರೆ.
ಅವರು ಟೆಸ್ಟ್ ನಲ್ಲಿ 28.14 ಸರಾಸರಿಯಲ್ಲಿ 16 ನಾಲ್ಕು-ವಿಕೆಟ್ ಸಾಧನೆಗಳು ಮತ್ತು ಏಳು 5-ವಿಕೆಟ್ ಸಾಧನೆ ಒಳಗೊಂಡಂತೆ 216 ವಿಕೆಟ್‌ಗಳನ್ನು ಪಡೆದರು.
ಅವರು ಏಕದಿನ ಸ್ವರೂಪದಲ್ಲಿ ಅದ್ಭುತ ಪ್ರದರ್ಶನ ನೀಡಿ, 29.82 ಸರಾಸರಿಯಲ್ಲಿ 239 ವಿಕೆಟ್‌ಗಳನ್ನು ಪಡೆದರು. ಅವರ ODI ವೃತ್ತಿಜೀವನದಲ್ಲಿ ಅವರು 7 ನಾಲ್ಕು-ವಿಕೆಟ್ ಸಾಧನೆಗಳನ್ನು ಮತ್ತು ಒಂದು ಫಿಫರ್ (5/32) ಗಳಿಸಿದರು.
ಜಿಂಬಾಬ್ವೆ ತಂಡದ ನಾಯಕ ಕೂಡ ಆಗಿದ್ದ ಅವರು ಅತ್ಯಂತ ಸಮರ್ಥ ಬ್ಯಾಟರ್ ಆಗಿದ್ದರು. ಟೆಸ್ಟ್ ಕ್ರಿಕೆಟ್‌ನಲ್ಲಿ 1990 ರನ್ ಗಳಿಸಿದರು. 50-ಓವರ್‌ಗಳ ಸ್ವರೂಪದಲ್ಲಿ ಒಟ್ಟು 2943 ರನ್‌ಗಳನ್ನು ಗಳಿಸಿದರು. ಅವರ ಟೆಸ್ಟ್ ವೃತ್ತಿಜೀವನದ ಅವಧಿಯಲ್ಲಿ, ಸ್ಟ್ರೀಕ್ ಅವರು ತಮ್ಮ ದೇಶಕ್ಕಾಗಿ ಒಂದು ಶತಕ ಮತ್ತು 11 ಅರ್ಧಶತಕಗಳನ್ನು ಗಳಿಸಿದರು. ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 13 ಅರ್ಧಶತಕಗಳನ್ನು ಹೊಡೆದರು.
ಸ್ಟ್ರೀಕ್ ಟೆಸ್ಟ್ ನಲ್ಲಿ 1000 ರನ್ ಮತ್ತು 100 ವಿಕೆಟ್‌ಗಳ ಡಬಲ್ ಮತ್ತು ODIಗಳಲ್ಲಿ 2000 ರನ್ ಮತ್ತು 200 ವಿಕೆಟ್‌ಗಳೊಂದಿಗೆ ಜಿಂಬಾಬ್ವೆಯ ಏಕೈಕ ಆಟಗಾರನಾಗಿದ್ದಾರೆ.
ಮೇ ತಿಂಗಳಲ್ಲಿ ಸ್ಟ್ರೀಕ್‌ನ ಸ್ಥಿತಿ ಹದಗೆಟ್ಟಿತು ಮತ್ತು ಚಿಕಿತ್ಸೆಗಾಗಿ ತಕ್ಷಣ ಆಸ್ಪತ್ರೆಗೆ ದಾಖಲಿಸಲಾಯಿತು. ಅವರ ಕೆಲವು ಸಹ ಆಟಗಾರರು ಅವರ ನಿಧನದ ಸುದ್ದಿಯನ್ನು ‘X'(ಟ್ವಿಟರ್‌)ನಲ್ಲಿ ಪೋಸ್ಟ್ ಮಾಡಿದ್ದಾರೆ.
Loading ...