ಕ್ಯಾಚ್​ ಹಿಡಿಯಲು ಹೋಗಿ ಕಣ್ಣಿನ ಕೆಳಗೆ ಏಟು ಮಾಡಿಕೊಂಡ ಕೊಹ್ಲಿ: ವಿಡಿಯೋ ವೈರಲ್​

ಶುಕ್ರವಾರ ನಡೆದ ಮೊದಲ ಐಪಿಎಲ್​ ಪಂದ್ಯದಲ್ಲಿ ರಾಯಲ್​ ಚಾಲೆಂಜರ್ಸ್ ಬೆಂಗಳೂರು, ಮುಂಬೈ ಇಂಡಿಯನ್ಸ್ ತಂಡವನ್ನ ಮಣಿಸುವಲ್ಲಿ ಯಶಸ್ವಿಯಾಗಿದೆ. ಈ ಪಂದ್ಯದಲ್ಲಿ ನಾಯಕ ವಿರಾಟ್​ ಕೊಹ್ಲಿ 19ನೇ ಓವರ್​ನಲ್ಲಿ ಕ್ಯಾಚ್​​ ಒಂದನ್ನ ಮಿಸ್​ ಮಾಡಿದ್ರು.

ಕೈಲ್ ಜಾಮಿಸನ್ ಎಸೆತಕ್ಕೆ ಕೃನಾಲ್​ ಪಾಂಡ್ಯ ಬ್ಯಾಟ್​ ಬೀಸಿದ್ರು. ಈ ಚೆಂಡನ್ನ ಇನ್ನೇನು ಕೊಹ್ಲಿ ಹಿಡಿಯಬೇಕು ಅನ್ನೋವಷ್ಟರಲ್ಲಿ ಚೆಂಡು ಕೊಹ್ಲಿ ಬಲಗಣ್ಣಿನ ಕೆಳಕ್ಕೆ ತಾಕಿದೆ. ಆದರೆ ಕೊಹ್ಲಿ ಮೈದಾನದಿಂದ ಹೊರಹೋಗದೇ ಇದ್ದದು ಆರ್​ಸಿಬಿ ಅಭಿಮಾನಿಗಳ ಸಮಾಧಾನಕ್ಕೆ ಕಾರಣವಾಯ್ತು. ಕೊಹ್ಲಿ ಐಸ್ ​ಪ್ಯಾಕ್​​ಗಳನ್ನ ಚೆಂಡು ಬಡಿದಲ್ಲಿ ಇಟ್ಟುಕೊಂಡು ಫೀಲ್ಡಿಂಗ್​ ಮುಂದುವರಿಸಿದ್ರು.

ನಿನ್ನೆಯ ಪಂದ್ಯದಲ್ಲಿ ಟಾಸ್​ ಗೆದ್ದಿದ್ದ ರಾಯಲ್​ ಚಾಲೆಂಜರ್ಸ್​ ತಂಡದ ವಿರಾಟ್​ ಕೊಹ್ಲಿ ಬೌಲಿಂಗ್​ ಆಯ್ಕೆ ಮಾಡಿಕೊಂಡಿದ್ದರು. ಮೊದಲು ಬ್ಯಾಟಿಂಗ್​ ಮಾಡಿದ ಮುಂಬೈ ಇಂಡಿಯನ್ಸ್​ ತಂಡ 160 ರನ್​​ಗಳ ಗುರಿಯನ್ನ ಆರ್​ಸಿಬಿಗೆ ನೀಡಿತ್ತು. ಈ ಗುರಿಯನ್ನ ಬೆನ್ನತ್ತಿದ ಆರ್​ಸಿಬಿ 2 ವಿಕೆಟ್​​ಗಳ ಜಯ ಸಾಧಿಸಿದೆ.

ರೋಹಿತ್​ ಶರ್ಮಾ ಕೇವಲ 19 ರನ್​ಗಳನ್ನ ಸೇರುವಷ್ಟರಲ್ಲಿ ರನೌಟ್​ ಆದ್ರು. ಇದಾದ ಬಳಿಕ ಕ್ರಿಸ್​ ಲಿನ್​49, ಸೂರ್ಯ ಕುಮಾರ್​ ಯಾದವ್​ 31 ಹಾಗೂ ಇಶಾನ್​ ಕಿಶನ್​ 28 ರನ್​ಗಳನ್ನ ಸಿಡಿಸುವ ಮೂಲಕ 9 ವಿಕೆಟ್​ ನಷ್ಟಕ್ಕೆ 159 ರನ್​ ಸೇರಿಸಿತು.

ಈ ರನ್​​ ಬೆನ್ನತ್ತಿದ ಆರ್​ಸಿಬಿ ತಂಡದ ನಾಯಕ ವಿರಾಟ್​ ಕೊಹ್ಲಿ ಹಾಗೂ ಗ್ಲೇನ್​ ಮ್ಯಾಕ್ಸ್​ವೆಲ್​ ತಂಡಕ್ಕೆ ಉತ್ತಮ ಶುಭಾರಂಭ ನೀಡಿದ್ರು. ಕೊಹ್ಲಿ 33 ರನ್​ ಸಿಡಿಸಿದ್ರೆ ಮ್ಯಾಕ್ಸ್​ವೆಲ್​ 39 ರನ್​​ಗಳನ್ನ ಬಾರಿಸಿದ್ರು. ಇತ್ತ ಎಬಿಡಿ ವಿಲಿಯರ್ಸ್ ಆಕರ್ಷಕ ಸಿಕ್ಸ್ ಹಾಗೂ ಬೌಂಡರಿಗಳನ್ನ ಬಾರಿಸುತ್ತಾ 48 ರನ್​ಗಳನ್ನ ಸಿಡಿಸಿದ್ರು.

ಡೆತ್​ ಓವರ್​​ನಲ್ಲಿ ಹರ್ಷಲ್​ ಪಟೇಲ್​ ಕೇವಲ 27 ರನ್​ಗಳನ್ನ ನೀಡಿ 5 ವಿಕೆಟ್​​ಗಳನ್ನ ಪಡೆಯುವ ಮೂಲಕ ತಂಡದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ.

https://twitter.com/pakas2009/status/1380550853602385923?ref_src=twsrc%5Etfw%7Ctwcamp%5Etweetembed%7Ctwterm%5E1380550853602385923%7Ctwgr%5E%7Ctwcon%5Es1_&ref_url=https%3A%2F%2Fcricketaddictor.com%2Fipl-2021%2Fwatch-virat-kohli-drops-a-sitter-off-krunal-pandyas-bat-and-hurts-himself%2F