ಈ ವರ್ಷದ ಐಪಿಎಲ್‌ನಲ್ಲಿ ಚೆನ್ನಾಗಿ ಆಡಿ, ಅಂಕಗಳ ಪಟ್ಟಿಯಲ್ಲಿರುವ ರಾಯಲ್ ಚಾಲೆಂಜರ್ಸ್ ತಂಡ ತನ್ನ ಮುಂದಿನ ಪಂದ್ಯವನ್ನು ಚೆನ್ನೈ ಸೂಪರ್‌ ಕಿಂಗ್ಸ್‌ ತಂಡದ ವಿರುದ್ಧ ಭಾನುವಾರ ಆಡಲಿದೆ.
ಈ ಪಂದ್ಯದಲ್ಲಿ ಹಸಿರು ಬಣ್ಣದ ಜೆರ್ಸಿ ಧರಿಸಲಿರುವ ಆರ್‌ಸಿಬಿ ತನ್ನ ’Go Green’ ಅಭಿಯಾನವನ್ನು ಯುಎಇ ದೇಶದಲ್ಲೂ ಮುಂದುವರೆಸಲಿದೆ. ಪ್ರತಿ ಸೀಸನ್‌ನಲ್ಲೋ ಒಂದು ಪಂದ್ಯದ ವೇಳೆ ಹಸಿರು ಬಣ್ಣದ ಜೆರ್ಸಿ ಧರಿಸಿ ಆಡುವುದು ಆರ್‌ಸಿಬಿಯ ಪರಂಪರೆಯಾಗಿದೆ.
2011ರ ಸೀಸನ್‌ನಿಂದ ಈ ಪರಿಪಾಠ ಬೆಳೆಸಿಕೊಂಡು ಬಂದಿರುವ ವಿರಾಟ್ ಕೊಹ್ಲಿ ಪಡೆ, ಭೂಮಿಯನ್ನು ಹಸಿರಾಗಿ ಇಡಲು ನಮ್ಮೆಲ್ಲರ ಕರ್ತವ್ಯಗಳ ಬಗ್ಗೆ ಜಾಗೃತಿ ಮೂಡಿಸುವ ಉದ್ದೇಶವನ್ನು ಹೊಂದಿರುವುದಾಗಿ ಹೇಳಿಕೊಳ್ಳುತ್ತದೆ.
ಈ ನಿಟ್ಟಿನಲ್ಲಿ ಅಭಿಮಾನಿಗಳಿಗೆ ಟ್ವಿಟರ್‌ ಮೂಲಕ ಮೆಸೇಜ್ ಒಂದನ್ನು ಕಳುಹಿಸಿರುವ ಎ.ಬಿ. ಡಿವಿಲಿಯರ್ಸ್, ಭೂಮಿಯನ್ನು ಸ್ವಚ್ಛ ಹಾಗೂ ಹಸಿರಾಗಿಡಲು ಪ್ರತಿಯೊಬ್ಬರೂ ಸಹ ತಮ್ಮ ಶ್ರಮ ಹಾಕಬೇಕೆಂದು ಕೋರಿಕೊಂಡಿದ್ದಾರೆ.
Loading ...