ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ದೇಶದಲ್ಲೇ ಅತೀ ಹೆಚ್ಚು ಸಂಭಾವನೆ ಪಡೆಯುವ ಕ್ರಿಕೆಟಿಗ ಅನ್ನೋ ಮಾತಿನಲ್ಲಿ ಯಾವುದೇ ಸಂದೇಹವಿಲ್ಲ. ಅಲ್ಲದೇ ಫೋರ್ಬ್ಸ್ 2020ರ ಅತಿ ಹೆಚ್ಚು ಸಂಭಾವನೆ ಪಡೆಯುವ ಆಟಗಾರರ ಪಟ್ಟಿಯಲ್ಲಿ ಸ್ಥಾನ ಪಡೆದ ಏಕೈಕ ಭಾರತೀಯ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ.
195 ಕೋಟಿ ರೂಪಾಯಿ ಸಂಪಾದನೆ ಹೊಂದಿರುವ ವಿರಾಟ್ ಕೊಹ್ಲಿ ದುಬಾರಿ ವಸ್ತುಗಳನ್ನ ಕೊಳ್ಳುವಲ್ಲಿಯೂ ಮುಂಚೂಣಿಯಲ್ಲಿದ್ದಾರೆ.
ವಿರಾಟ್ ಕೊಹ್ಲಿ ಬಳಿ ಇರುವ ಕೆಲ ದುಬಾರಿ ವಸ್ತುಗಳ ಪಟ್ಟಿ ಇಲ್ಲಿದೆ ನೋಡಿ:
ವಿರಾಟ್ ಕೊಹ್ಲಿಗೆ ದುಬಾರಿ ವಾಚ್ಗಳು ಅಂದರೆ ತುಂಬಾನೇ ಇಷ್ಟವಂತೆ. ವಿರಾಟ್ ಕೊಹ್ಲಿ ಬಳಿ ಇರುವ ದುಬಾರಿ ವಾಚ್ಗಳಲ್ಲಿ ರೋಲೆಕ್ಸ್ ಕಾಸ್ಮೊಗ್ರಾಫ್ ಡೇಟೋನಾ ರೇನ್ಬೋ ಎವೆರೋಸ್ ಗೋಲ್ಡ್ ಸಹ ಒಂದು. ಈ ವಾಚ್ನಲ್ಲಿ 56 ವಜ್ರಗಳು ಹಾಗೂ 11 ನೀಲಮಣಿಗಳಿವೆ. ಈ ವಾಚ್ನ ಬೆಲೆ ಬರೋಬ್ಬರಿ 69 ಲಕ್ಷ ರೂಪಾಯಿ.
ವಿರಾಟ್ ಕೊಹ್ಲಿ ಆಡಿ ಇಂಡಿಯಾದ ಜೊತೆ ಬಹಳ ಹಿಂದಿನಿಂದ ಪಾಲುದಾರಿಕೆ ಹೊಂದಿದ್ದಾರೆ. ಕೊಹ್ಲಿ ಈಗಾಗಲೇ ಆಡಿ ಸಂಸ್ಥೆಯ ಸಾಕಷ್ಟು ಕಾರುಗಳನ್ನ ಲಾಂಚ್ ಮಾಡಿದ್ದಾರೆ. ಕೊಹ್ಲಿ ಬಳಿ ಆರ್ಎಸ್ 5 ಕೂಪ್ ಸೇರಿದಂತೆ ಹಲವು ಆಡಿ ಕಾರುಗಳಿವೆ. ಆರ್ಎಸ್ 5 ಕೂಪ್ ಬೆಲೆ 1.10 ಕೋಟಿ ರೂಪಾಯಿ ಆಗಿದೆ.
ಫೈನಾನ್ಶಿಯಲ್ ಎಕ್ಸ್ಪ್ರೆಸ್ ನೀಡಿರುವ ವರದಿ ಪ್ರಕಾರ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾರ ಮುಂಬೈನ ನಿವಾಸ 34 ಕೋಟಿ ರೂಪಾಯಿ ಬೆಲೆ ಹೊಂದಿದೆ. 7171 ಚದರ ಅಡಿ ವಿಸ್ತೀರ್ಣ ಹೊಂದಿರುವ ಈ ಮನೆಯು ನಾಲ್ಕು ಮಲಗುವ ಕೋಣೆಗಳನ್ನ ಹೊಂದಿದೆ.
ಗುರುಗ್ರಾಮದಲ್ಲಿರುವ ವಿರಾಟ್ ಕೊಹ್ಲಿ ಬಂಗಲೆ 80 ಕೋಟಿ ರೂಪಾಯಿ ಮೌಲ್ಯ ಹೊಂದಿದೆ.
Loading ...