BIG NEWS: FIFA ವರ್ಲ್ಡ್ ಕಪ್ ಅಧಿಕೃತ ಪ್ರಾಯೋಜಕರಾಗಿ BYJU’S

ನವದೆಹಲಿ: EdTech ಕಂಪನಿ BYJU’S ಅನ್ನು FIFA ವಿಶ್ವಕಪ್ ಕತಾರ್ 2022 ರ ಅಧಿಕೃತ ಪ್ರಾಯೋಜಕರಾಗಿ ಘೋಷಿಸಲಾಗಿದೆ.

ಈ ಪಾಲುದಾರಿಕೆಯ ಮೂಲಕ BYJU’S FIFA ವಿಶ್ವಕಪ್ 2022 ರ ಲಾಂಛನ, ಮಾರ್ಕ್ಸ್, ಸ್ವತ್ತು(marks, emblem, and assets)ಗಳಿಗೆ ಹಕ್ಕುಗಳನ್ನು ಹೊಂದಿದೆ. ಪ್ರಪಂಚದಾದ್ಯಂತದ ಫುಟ್‌ ಬಾಲ್ ಅಭಿಮಾನಿಗಳೊಂದಿಗೆ ಸಂಪರ್ಕ ಸಾಧಿಸಲು ಅನನ್ಯ ಪ್ರಚಾರಗಳನ್ನು ನಡೆಸುತ್ತದೆ. ಇದು ಬಹುಮುಖಿ ಸಕ್ರಿಯ ಯೋಜನೆಯ ಭಾಗವಾಗಿದ್ದು, ಶೈಕ್ಷಣಿಕ ಸಂದೇಶಗಳೊಂದಿಗೆ ಸೃಜನಶೀಲತೆಯನ್ನು ಸಹ ರಚಿಸುತ್ತದೆ.

BYJU’S ನಂತಹ ಕಂಪನಿಯೊಂದಿಗೆ ಪಾಲುದಾರರಾಗಲು ನಾವು ಸಂತೋಷಪಡುತ್ತೇವೆ, ಇದು ಸಮುದಾಯಗಳನ್ನು ತೊಡಗಿಸಿಕೊಳ್ಳುತ್ತಿದೆ ಮತ್ತು ಯುವಜನರು ಜಗತ್ತಿನ ಎಲ್ಲೇ ಇದ್ದರೂ ಅವರನ್ನು ಸಬಲೀಕರಣಗೊಳಿಸುತ್ತಿದೆ ಎಂದು FIFA ಮುಖ್ಯ ವಾಣಿಜ್ಯ ಅಧಿಕಾರಿ ಕೇ ಮದತಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.

ವಿಶ್ವದ ಅತಿದೊಡ್ಡ ಏಕ ಕ್ರೀಡಾ ಕಾರ್ಯಕ್ರಮವಾದ FIFAAWorld Cup Qatar 2022 ಅನ್ನು ಪ್ರಾಯೋಜಿಸಲು ನಾವು ಉತ್ಸುಕರಾಗಿದ್ದೇವೆ. ಇಂತಹ ಪ್ರತಿಷ್ಠಿತ ಜಾಗತಿಕ ವೇದಿಕೆಯಲ್ಲಿ ಭಾರತವನ್ನು ಪ್ರತಿನಿಧಿಸುವುದು ಮತ್ತು ಶಿಕ್ಷಣ ಮತ್ತು ಕ್ರೀಡೆಯ ಏಕೀಕರಣದಲ್ಲಿ ಚಾಂಪಿಯನ್ ಆಗಿರುವುದು ನಮಗೆ ಹೆಮ್ಮೆಯ ವಿಷಯವಾಗಿದೆ. ಫುಟ್‌ಬಾಲ್‌  ಶತಕೋಟಿ ಜನರನ್ನು ಪ್ರೇರೇಪಿಸುವಂತೆ, ಈ ಪಾಲುದಾರಿಕೆಯ ಮೂಲಕ ಪ್ರತಿ ಮಗುವಿನ ಜೀವನದಲ್ಲಿ ಕಲಿಕೆಯ ಪ್ರೀತಿಯನ್ನು ಪ್ರೇರೇಪಿಸಲು ನಾವು ಆಶಿಸುತ್ತೇವೆ ಎಂದು ಬೈಜೆಯು ಸಂಸ್ಥಾಪಕ ಮತ್ತು ಸಿಇಒ ಬೈಜು ರವೀಂದ್ರನ್ ಹೇಳಿದರು.

FIFA ವಿಶ್ವ ಕಪ್ ಕತಾರ್ 2022 ನವೆಂಬರ್ 21 ರಿಂದ ಡಿಸೆಂಬರ್ 18, 2022 ರವರೆಗೆ ನಡೆಯಲಿದೆ.