ಆಸ್ಟ್ರೇಲಿಯನ್ ಓಪನ್ ಟೂರ್ನಿ 2021ರಲ್ಲಿ ಭಾಗಿಯಾಗಲು ತೆರಳಿರುವ ಟೆನ್ನಿಸ್ ಆಟಗಾರರಿಗೆ ಕ್ವಾರಂಟೈನ್ ಬಿಸಿ ತುಪ್ಪವಾಗಿ ಪರಿಣಮಿಸಿದೆ. ವಿಶ್ವದ ನಂಬರ್ 1 ಟೆನ್ನಿಸ್ ಆಟಗಾರ ನೋವಾಕ್ ಜೋಕೋವಿಕ್ ಕ್ವಾರಂಟೈನ್ ಅವಧಿಯನ್ನ ಕಡಿಮೆ ಮಾಡುವಂತೆ ಕೇಳಿಕೊಂಡಿದ್ದಾರೆ. ಆದರೆ ಆಡಳಿತ ಮಂಡಳಿ ನಿಯಮಾವಳಿಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಹೇಳಿದೆ.
ಜೊಕೋವಿಕ್ ಅಡಿಲೇಡ್ನಲ್ಲಿ ಪ್ರತ್ಯೇಕವಾಗಿ ಕ್ವಾರಂಟೈನ್ಗೊಳಗಾಗಿದ್ದಾರೆ. 70ಕ್ಕೂ ಹೆಚ್ಚು ಆಟಗಾರರು ಹೋಟೆಲ್ ರೂಂಗಳಲ್ಲಿ ಕ್ವಾರಂಟೈನ್ ಆಗಿದ್ದು 14 ದಿನಗಳ ಕಾಲ ರೂಮಿನಿಂದ ಹೊರಬಾರದಂತೆ ಕಟ್ಟುನಿಟ್ಟಿನ ಆದೇಶ ಹೊರಡಿಸಲಾಗಿದೆ. ಅಲ್ಲದೇ ಕೇವಲ 5 ತಾಸುಗಳ ಅವಧಿಯವರೆಗೆ ಮಾತ್ರ ಪ್ರ್ಯಾಕ್ಟಿಸ್ ಮಾಡಲು ಅನುಮತಿ ನೀಡಲಾಗಿದೆ.
ಹೋಟೆಲ್ನ ಆಹಾರದ ವ್ಯವಸ್ಥೆ ಬಗ್ಗೆ ಈಗಾಗಲೇ ಸಾಮಾಜಿಕ ಮಾಧ್ಯಮಗಳಲ್ಲಿ ಕೆಲ ಸ್ಟಾರ್ ಟೆನ್ನಿಸ್ ಆಟಗಾರರು ಆಕ್ರೋಶ ಹೊರಹಾಕ್ತಿದ್ದಾರೆ.
ಆದರೆ ಆಟಗಾರರ ಬೇಡಿಕೆಗೆ ಸಂಬಂಧಿಸಿ ಪ್ರತಿಕ್ರಿಯೆ ನೀಡಿರುವ ವಿಕ್ಟೋರಿಯಾ ಸ್ಟೇಟ್ ಪ್ರೀಮಿಯರ್ ಡೇನಿಯಲ್ ಆಂಡ್ರಿವ್ಸ್, ಇಲ್ಲಿ ಯಾರಿಗೂ ವಿಶೇಷ ಆದ್ಯತೆ ನೀಡಲಾಗೋದಿಲ್ಲ. ವೈರಸ್ ನಿಮಗೆ ವಿಐಪಿ ವ್ಯವಸ್ಥೆ ನೀಡೋದಿಲ್ಲ ಅಂದಮೇಲೆ ನಿಯಮಾವಳಿಗಳಲ್ಲೂ ವಿಐಪಿ ವ್ಯವಸ್ಥೆ ನೀಡೋಕೆ ಸಾಧ್ಯವಿಲ್ಲ. ನಿಮಗೆ ಬೇಡಿಕೆಗಳನ್ನೆಲ್ಲ ಹೇಳಿಕೊಳ್ಳೋಕೆ ಮುಕ್ತ ಅವಕಾಶವಿದೆ. ಆದರೆ ನಿಮ್ಮೆಲ್ಲ ಪ್ರಶ್ನೆಗೆ ನಮ್ಮ ಉತ್ತರ ಮಾತ್ರ ‘ಇಲ್ಲ’ ಎಂದಾಗಿದೆ ಎಂದು ಹೇಳಿದ್ದಾರೆ.
Loading ...