ಟ್ವಿಟರ್​ನಲ್ಲಿ ಸಂತಸ ಹಂಚಿಕೊಂಡ ಟೀಂ ಇಂಡಿಯಾ ವೇಗಿ ಟಿ. ನಟರಾಜನ್

ಟೀಂ ಇಂಡಿಯಾ ತಂಡದ ಸದಸ್ಯನಾಗಿ ಟಿ 20 ಸರಣಿ ಗೆಲುವಲ್ಲಿ ಪ್ರಮುಖ ಪಾತ್ರ ವಹಿಸಿದ ಟಿ. ನಟರಾಜನ್​ ಟ್ವಿಟರ್​ನಲ್ಲಿ ತಮ್ಮ ಸಂತಸವನ್ನ ಹೊರಹಾಕಿದ್ದಾರೆ. ಟೀಂ ಇಂಡಿಯಾ ಜೊತೆಗಿನ ನನ್ನ ಮೊದಲ ಪ್ರವಾಸ ಇದಾಗಿತ್ತು, ನಾವು ಟಿ 20 ಸರಣಿಯನ್ನ ಗೆದ್ದಿದ್ದೇವೆ. ಈ ಮೂಲಕ ನನ್ನ ಕನಸು ನನಸಾದಂತಾಗಿದೆ. ನಮ್ಮ ತಂಡದ ಆಟಗಾರರ ನಿರಂತರ ಬೆಂಬಲ ಹಾಗೂ ಪ್ರೋತ್ಸಾಹಕ್ಕೆ ನಾನು ಧನ್ಯವಾದ ಅರ್ಪಿಸುವೆ ಎಂದು ಬರೆದುಕೊಂಡಿದ್ದಾರೆ.
ಎಡಗೈ ವೇಗಿ ಟಿ. ನಟರಾಜನ್​ 2020ರ ಐಪಿಎಲ್​ ಆವೃತ್ತಿಯಲ್ಲಿ ಹೈದರಾಬಾದ್​ ತಂಡವನ್ನ ಪ್ರತಿನಿಧಿಸಿದ್ದರು. ಐಪಿಎಲ್​ ಭರ್ಜರಿ ಪ್ರದರ್ಶನ ನೀಡಿದ ಕಾರಣ ಗಾಯಾಳು ಭುವನೇಶ್ವರ್​ ಕುಮಾರ್​ ಜಾಗಕ್ಕೆ ನಟರಾಜನ್​ರನ್ನ ಸೇರಿಸಿಕೊಳ್ಳಲಾಗಿತ್ತು. ಸಿಕ್ಕ ಅವಕಾಶವನ್ನ ಸೂಕ್ತವಾಗಿ ಬಳಸಿಕೊಂಡ ನಟರಾಜನ್​ ಎರಡನೇ ಪಂದ್ಯದಲ್ಲಿ ಎರಡು ವಿಕೆಟ್​ ಸೇರಿದಂತೆ ಸಂಪೂರ್ಣ ಸರಣಿಯಲ್ಲಿ 6 ವಿಕೆಟ್​ ಪಡೆದಿದ್ದು ಮಾತ್ರವಲ್ಲದೇ ಎದುರಾಳಿ ತಂಡಕ್ಕೆ ರನ್​ ಗಳಿಸಲು ಸಾಧ್ಯವಾಗದಂತೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾಗಿದ್ದರು.