ಕ್ರಿಕೆಟ್ ಪಂದ್ಯಗಳ ಸಂದರ್ಭದಲ್ಲಿ ಬೌಲರ್ ಗಳು ಚೆಂಡಿಗೆ ಹೊಳಪು ಬರುವಂತೆ ಮಾಡಲು ಎಂಜಲು ಹಚ್ಚುವುದು ಹಾಗೂ ಬೆವರಿನಿಂದ ಉಜ್ಜುವುದು ಸಾಮಾನ್ಯ ಸಂಗತಿ. ಆದರೆ ಈಗ ಮಾರಣಾಂತಿಕವಾಗಿ ಪರಿಣಮಿಸಿರುವ ಕೊರೋನಾ ಕಾರಣಕ್ಕಾಗಿ ಈ ಪದ್ಧತಿಗೆ ವಿದಾಯ ಹೇಳಲು ಒತ್ತಾಯ ಕೇಳಿಬರುತ್ತಿದೆ.
ಇದೀಗ ಮೇಣದಿಂದ ಸಿದ್ದಗೊಳಿಸಿದ ವಸ್ತುವೊಂದನ್ನು ತಯಾರಿಸಲಾಗಿದ್ದು, ಇದನ್ನು ಚೆಂಡಿನ ಹೊಳಪು ಉಳಿಸಿಕೊಳ್ಳಲು ಬಳಸಬಹುದಾಗಿದೆ ಎಂದು ಆಸ್ಟ್ರೇಲಿಯಾದ ಕುಕಬುರಾ ಕ್ರಿಕೆಟ್ ಚೆಂಡು ತಯಾರಕರು ಹೇಳಿದ್ದಾರೆ.
ಇದು ಇನ್ನೂ ತಯಾರಿಕಾ ಹಂತದಲ್ಲಿದ್ದು ವಿವಿಧ ಹಂತಗಳ ಪರಿಶೀಲನೆ ಬಳಿಕ ಗುಣಮಟ್ಟವನ್ನು ಸುಧಾರಿಸಿ ಮಾರುಕಟ್ಟೆಗೆ ಬಿಡುವ ಸಾಧ್ಯತೆ ಇದೆ. ಇದು ಬಳಕೆಗೆ ಬಂದ ನಂತರ ಚೆಂಡಿಗೆ ಎಂಜಲು ಹಚ್ಚುವ ಪದ್ಧತಿಗೆ ತೆರೆಬೀಳಲಿದೆ.