ನವರಾತ್ರಿ ಹಬ್ಬದ ಉಪವಾಸದ ಸಮಯದಲ್ಲಿ ಅಥವಾ ಮಳೆಗಾಲದ ಸಂಜೆ ಬಿಸಿಬಿಸಿ ಟೀ ಜೊತೆ ಸವಿಯಲು ಅತ್ಯುತ್ತಮವಾದ ಫಲಾಹಾರ ‘ಸಬ್ಬಕ್ಕಿ ವಡೆ’ ಇದನ್ನು ಎಣ್ಣೆಯಲ್ಲಿ ಅತಿಯಾಗಿ ಕರಿಯುವ ಬದಲು ತವಾ ಮೇಲೆ ಕಡಿಮೆ ತುಪ್ಪ ಬಳಸಿ ಸುಲಭವಾಗಿ ಹೇಗೆ ಮಾಡಬಹುದು ಎಂಬ ಮಾಹಿತಿ ಇಲ್ಲಿದೆ.
ಅಗತ್ಯವಿರುವ ಸಾಮಗ್ರಿಗಳು:
- ಸಬ್ಬಕ್ಕಿ : 250 ಗ್ರಾಂ
- ಆಲೂಗಡ್ಡೆ (ಬೇಯಿಸಿ ಸಿಪ್ಪೆ ಸುಲಿದದ್ದು): 100 ಗ್ರಾಂ
- ಹುರಿದ ಶೇಂಗಾ (ಪುಡಿ ಮಾಡಿದ್ದು): 50 ಗ್ರಾಂ
- ಶುಂಠಿ (ಸಣ್ಣಗೆ ಹೆಚ್ಚಿದ್ದು): 10 ಗ್ರಾಂ
- ಹಸಿಮೆಣಸಿನಕಾಯಿ (ಸಣ್ಣಗೆ ಹೆಚ್ಚಿದ್ದು): 10 ಗ್ರಾಂ
- ಕೊತ್ತಂಬರಿ ಸೊಪ್ಪು (ಸಣ್ಣಗೆ ಹೆಚ್ಚಿದ್ದು): 10 ಗ್ರಾಂ
- ಜೀರಿಗೆ ಪುಡಿ: 5 ಗ್ರಾಂ
- ಸೈಂಧವ ಲವಣ (Salt): ರುಚಿಗೆ ತಕ್ಕಷ್ಟು
- ಕರಿಮೆಣಸಿನ ಪುಡಿ: ರುಚಿಗೆ ತಕ್ಕಷ್ಟು
- ತುಪ್ಪ ಅಥವಾ ಎಣ್ಣೆ: 50 ಮಿ.ಲೀ.
ತಯಾರಿಸುವ ವಿಧಾನ:
- ಸಬ್ಬಕ್ಕಿ ನೆನೆಸಿ: ಸಬ್ಬಕ್ಕಿಯನ್ನು ಒಂದು ದೊಡ್ಡ ಪಾತ್ರೆಯಲ್ಲಿ ಹಾಕಿ ಕನಿಷ್ಠ ಅರ್ಧ ಗಂಟೆ ನೆನೆಯಲು ಬಿಡಿ. ನಂತರ ನೀರನ್ನು ಸಂಪೂರ್ಣವಾಗಿ ಸೋಸಿ ಪಕ್ಕಕ್ಕೆ ಇಡಿ.
- ಮಿಶ್ರಣ ಸಿದ್ಧತೆ: ಇನ್ನೊಂದು ಪಾತ್ರೆಯಲ್ಲಿ ಬೇಯಿಸಿದ ಮತ್ತು ತುರಿದ ಆಲೂಗಡ್ಡೆಯನ್ನು ತೆಗೆದುಕೊಳ್ಳಿ. ಅದಕ್ಕೆ ನೆನೆಸಿದ ಸಬ್ಬಕ್ಕಿ, ಹುರಿದ ಶೇಂಗಾ ಪುಡಿ, ಶುಂಠಿ, ಹಸಿಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಜೀರಿಗೆ ಪುಡಿ, ಸೈಂಧವ ಲವಣ ಮತ್ತು ಕರಿಮೆಣಸಿನ ಪುಡಿಯನ್ನು ಸೇರಿಸಿ. ಕೈಯಿಂದ ಚೆನ್ನಾಗಿ ಕಲಸಿ ಮಿಶ್ರಣ ಸಿದ್ಧಪಡಿಸಿಕೊಳ್ಳಿ.
- ವಡೆ ಆಕಾರ ನೀಡಿ: ತಯಾರಿಸಿದ ಮಿಶ್ರಣದಿಂದ ಸಣ್ಣ ಸಣ್ಣ ಉಂಡೆಗಳನ್ನು ಮಾಡಿ, ಅಂಗೈಯಲ್ಲಿ ಇಟ್ಟು ಸ್ವಲ್ಪ ತಟ್ಟಿ ವಡೆಯ ಆಕಾರ (Patties) ನೀಡಿ.
- ತವಾ ಮೇಲೆ ಹುರಿಯಿರಿ: ಮಧ್ಯಮ ಉರಿಯಲ್ಲಿ ತವಾವನ್ನು ಬಿಸಿ ಮಾಡಿ. ಸ್ವಲ್ಪ ತುಪ್ಪ ಸವರಿ, ಅದರ ಮೇಲೆ ಸಬ್ಬಕ್ಕಿ ವಡೆಗಳನ್ನು ಇಡಿ. ಒಂದು ಬದಿ ಹೊಂಬಣ್ಣ ಬರುವವರೆಗೆ ಬೇಯಿಸಿ.
- ಗರಿಗರಿಯಾಗಲಿ: ವಡೆಯನ್ನು ತಿರುಗಿಸಿ ಹಾಕಿ, ಮತ್ತೊಂದು ಬದಿಗೂ ತುಪ್ಪ ಸವರಿ ಎರಡು ಬದಿಗಳೂ ಗರಿಗರಿಯಾಗಿ ಗೋಲ್ಡನ್ ಬ್ರೌನ್ ಬಣ್ಣ ಬರುವವರೆಗೆ ಹುರಿಯಿರಿ.
- ಸರ್ವ್ ಮಾಡಿ: ತಯಾರಾದ ಬಿಸಿಬಿಸಿ ಸಬ್ಬಕ್ಕಿ ವಡೆಯನ್ನು ನಿಮ್ಮಿಷ್ಟದ ಕಾಯಿ ಚಟ್ನಿ ಅಥವಾ ಪುದೀನ ಚಟ್ನಿಯೊಂದಿಗೆ ಸವಿಯಿರಿ.
